1«حَشَنكَتّ نَ عِ بّ، تَا مَتَندِلَ سّنِيّنتَرٍ،
2عَ مُ ﭑ شُي سُشُمَ، عَ مُ ﭑ مَ مَرَ سِ رَبَتُمَ،
3عَ شَ كُنتِفِيٍ لُمَ نّ عَلْ يّتّ
4عَ شَ نَمِحْنمّيٍ قِندِشِ يّتّ عِفبٌييٍ نُن يَنقَنتٍيٍ نَن نَ،
5كْنْ عَلَ نَن تِنشِن نَ مِشِيٍ يَ مَ.
6«ﭑ بَرَ سِيٍ حَشَنكَتَ،
7ﭑ نُ بَرَ عَ قَلَ عٍ بّ،
8عَلَتَلَ شَ مَسٍنيِ نَن يَ؛
9«ﭑ قَمَ سِيٍ رَ سّنِيّندٍ،
10كٍلِقٍ يِرٍ مَكُيٍ دَنفِقٍ كُسِ شُرٍيٍ رَ،
11نَ لْشْي وٌ مُ يَافِمَ سْنْن وٌ شَ قٍ رَبَشِيٍ رَ،
12ﭑ تْورْ مِشِيٍ نُن مِشِ مَفٌرٌشِيٍ لُمَ نّ وٌ يَ مَ،
13عِسِرَيِلَ دْنشْي مُ قٍ حَاشِ رَبَمَ سْنْن،
14سِيٌن مِشِيٍ، وٌ شَ عَلَ مَتْشْ.
15عَلَتَلَ شَ شْنّ بَرَ فبِلٍن وٌ قْشْ رَ،
16نَ لْشْي عَ عَ قَلَمَ نّ دَرِ سَلَمُ بّ،
17وٌ مَرِفِ عَلَتَلَ وٌ رَكِسِمَ نَ وٌ يَ مَ.
18عَلَتَلَ نَشّ، «ﭑ سُننُنيِ بَمَ نّ وٌ شَ سَلِيٍ كُي،
19نَ لْشْي ﭑ وٌ يَشُييٍ حَشَنكَتَمَ نّ،
20نَ لْشْي ﭑ وٌ رَفبِلٍنمَ نّ وٌ شْنيِ.