كٌرِنتِ عِ 16

¹وٌ شَ كْبِرِ مَلَن سّنِيّنتْييٍ بّ، عَلْ ﭑ فَلَتِ بْشِ دَنشَنِيَتْي حَمَيٍ يَمَرِشِ كِ نَشّ.

²كَنكَن شَ كْبِرِ ندٍ سَ عَ شَتِ مَ عَ هَرِفٍ بّرّ رَ سَندٍ لْشْي بِرِن، عَلَكٌ كْبِرِ شَ فّ مَلَندٍ بٍينُن ﭑ قَ تّمُي.

³ﭑ نَ قَ، ﭑ بَتَاشّ سٌمَ مِشِيٍ يِ رَ وٌ نَشٍيٍ سُفَندِ مَ كْبِرِ شَنِنقٍ رَ دَرِ سَلَمُ.

⁴شَ عَ لَنمَ ﭑ قَن شَ سِفَ، مُشُ بِرِن نَ عَ رَ.

⁵ﭑ نَ دَنفِ مَسٍدٌن بْشِ رَ، عَلْ ﭑ وَ مَ عَ شْن مَ كِ نَشّ، ﭑ قَمَ نّ وٌ يِرٍ.

⁶تّمُندٍ ﭑ سَشَنيِ رَبَ وٌ شْنيِ، شَ نَ مُ عَ رَ ﭑ حّمّ رَدَنفِ نَا، عَلَكٌ وٌ شَ نْ ﭑ مَلِدٍ ﭑ مَ بِيَاسِ كُي.

⁷شَ عَلَ تِن، ﭑ مُ قِندِ مَ دَنفِمِشِ تُن نَ. عَ شْلِ ﭑ مَ ﭑ شَ لُ وٌ يِرٍ دٌندٌرٌنتِ.

⁸كْنْ ﭑ شَ لُ بٍ عٍقّسّ هَن شّ شَبّ سَلِ شَ بَ عَ رَ،

⁹بَرِ مَ ﭑ مَ وَلِ نَ سْونّيَقٍ، هَلِ ﭑ يَشُييٍ تٌ وُيَشِ ﭑ بّ.

¹⁰شَ تِمٌتٍ قَ وٌ يِرٍ، وٌ عَ رَ سّنّ عَلَكٌ عَ نَشَ قَ فَاشُ وٌ يَ رَ، بَرِ مَ عَ وَلِمَ مَرِفِ نَن بّ عَلْ ﭑ تَن.

¹¹مِشِ يٌ نَشَ يٌ عَ مَ. وٌ شَ عَ مَلِ عَ شَ بِيَاسِ كُي عَلَكٌ عَ شَ ﭑ لِ بْحّسَ كُي. ﭑ تَن نُن ﭑ نفَشَكٍرٍنيِيٍ نَ عَ مَمّقٍ.

¹²وٌ شَ عَ كٌلٌن ﭑ بَرَ وٌن نفَشَكٍرٍنيِ عَثٌلٌسِ كَرَشَن عَ شَ سِفَ وٌ يِرٍ عَ نُن دَنشَنِيَتْي ندٍيٍ. عَ سِنفٍ عَ مُ نُ تِنشِ، كْنْ يَكْسِ عَ بَرَ نَتّ تٌنفٌ عَ شَ سِفَ عَ نَ قّيرّ سْتْ تّمُي نَشّ.

¹³وٌ شَ وٌ يّتّ مَتٌ، وٌ شَ وٌ شَ دَنشَنِيَ رَ سَبَتِ، وٌ شَ لِمَنِيَ، وٌ شَ وٌ سّنبّ سٌ.

¹⁴وٌ شَ قٍ بِرِن نَبَ شَنُنتٍيَ رَ.

¹⁵ﭑ نفَشَكٍرٍنيِيٍ، ﭑ شَ مَرَ سِ ندٍ سَ نَ شُن مَ. وٌ عَ كٌلٌن عَ سِتٍقَنَ شَ دٍنبَيَ نَن سِنفٍ دَنشَنِيَ عَكَيِ بْشِ مَ. عٍ بَرَ وَلِ سّنِيّنتْييٍ بّ كِ قَنيِ رَ.

¹⁶وٌ شَ لُ نَ مِشِ مْولِ شَ يَامَرِ بُن مَ، عَ نُن مِشِ نَشَن بِرِن عَلَ شَ وَلِ رَبَمَ.

¹⁷ﭑ بَرَ حّلّشِن سِتٍقَنَ، قٌرٌتُنَتُ، نُن عَشَيِكُسُ قَقٍ رَ، بَرِ مَ عٍ بَرَ ﭑ مَلِ وٌ شَنبِ.

¹⁸عٍ بَرَ لِمَنِيَ قِ وٌن بِرِن مَ. وٌ شَ نَ كٌلٌن عٍ بّ.

¹⁹دَنشَنِيَتْي حَمَ نَشٍيٍ نَ عَسِ بْشِ مَ عٍ بَرَ وٌ شّيبُ. عَكِلَ، ثِرِ سِلَ، نُن دَنشَنِيَتْي حَمَ نَشَن عٍ مَلَنمَ عٍ شْنيِ، عٍ قَن بَرَ وٌ شّيبُ مَرِفِ شِلِ رَ.

²⁰نفَشَكٍرٍنيِ نَشٍيٍ نَ بٍ، عٍ بِرِن وٌ شّيبُ. وٌ شَ وٌ بٌرٍ شّيبُ دَنشَنِيَتْييٍ شَ شَنُنتٍيَ كُي.

²¹ﭑ تَن ثْلُ بَرَ يِ شّيبُي سّبّ ﭑ يّتّ بّلّشّ رَ.

²²حَشَنكَتّ شَ لُ مِشِ بّ نَشَن مُ مَرِفِ شَنُمَ. وٌن مَرِفِ شَ قَ.

²³مَرِفِ عِسَ شَ هِننّ وٌ رَ.

²⁴ﭑ بَرَ وٌ شَنُ عَلَ شَ مِشِ سُفَندِشِ عِسَ شِلِ رَ. عَمِنَ.