كْنتِ تِقٍ 8

¹عَلَتَلَ نَشَ عَ مَسٍن مُنسَ بّ،

²«عَ قَلَ هَرُنَ بّ، عَ شَ لَنثُي سٌلٌقٍرٍ دْشْ عَلَكٌ عٍ شَ يَنبَ عٍ دْشْسٍ يَ رَ.»

³هَرُنَ عَ رَبَ نَ كِ نّ. عَ نَشَ لَنثُي دْشْ عَلْ عَلَتَلَ عَ يَمَرِ كِ نَشّ مُنسَ بّ.

⁴لَنثُييٍ دْشْسٍ نُ رَقَلَشِ شّيمَ دِنشِ نَن نَ، كٍلِقٍ عَ سَنبُنيِ مَ هَن عَ شُنيِ، عَلْ عَلَتَلَ عَ مَسٍنشِ مُنسَ بّ كِ نَشّ.

⁵عَلَتَلَ نَشَ عَ مَسٍن مُنسَ بّ،

⁶«لٍوِ بْنسْي بَ عِسِرَيِلَكَيٍ يَ مَ، عِ شَ عٍ رَ سّنِيّن.

⁷عِ عٍ رَ سّنِيّنمَ يِ كِ نّ. مَرَ سّنِيّن يٍ مَكَسَن عٍ مَ. عٍ شَ عٍ قَتٍ مَشَبٍ بِرِن بِ، عٍ شَ عٍ شَ دُفِيٍ شَ، عَلَكٌ عٍ شَ سّنِيّن.

⁸نَ شَنبِ، عٍ شَ تُورَ كٍرٍن بَ سّرّشّ رَ، عَ نُن مّنفِ نَشَن مَسُنبُشِ تُرٍ رَ. عِ شَ تُورَ فبّتّ بَ يُنُبِ شَقَرِ سّرّشّ رَ.

⁹عِ شَ لٍوِ بْنسْي نُن عِسِرَيِلَكَ بِرِن مَلَن هْرْ مْلِنفِرَ سٌدٍ دّ رَ.

¹⁰مّننِ، عَلَتَلَ يَ شْرِ، عِسِرَيِلَكَيٍ شَ عٍ بّلّشّ سَ لٍوِ بْنسْي مِشِيٍ مَ.

¹¹هَرُنَ نَن قَمَ عٍ دّنتّفّدٍ عَلَتَلَ بّ عٍ شَ لُ عَلْ سّرّشّ عِسِرَيِلَكَيٍ حْشْي رَ. نَ كُي عٍ نْمَ عَلَتَلَ شَ وَلِ رَبَدٍ.»

¹²«لٍوِ بْنسْي مِشِيٍ شَ عٍ بّلّشّ سَ نَ تُورَ قِرِنيِيٍ مَ. كٍرٍن بَمَ يُنُبِ شَقَرِ سّرّشّ نَن نَ، بٌورٍ بَ سّرّشّ فَن دَاشِ رَ، عَلَكٌ عٍ شَ يُنُبِيٍ شَ شَقَرِ.

¹³لٍوِ بْنسْي نَ تِ هَرُنَ نُن عَ شَ دِيٍ يَ عِ، عِ شَ عٍ دّنتّفّ عَ سّرّشّ كِ مَ عَلَتَلَ بّ.

¹⁴عَ لِمَ نّ، نَ تّمُي، عِ بَرَ لٍوِ بْنسْي تَن بَ عِسِرَيِلَكَيٍ يَ مَ، عٍ شَ قِندِ ﭑ فبٍ رَ.»

¹⁵«عِ نَ فّ عٍ رَ سّنِيّندٍ عَ سّرّشّ كِ مَ، لٍوِ بْنسْي قَمَ نّ سٌدٍ عٍ شَ هْرْ مْلِنفِرَ وَلِ كُي.

¹⁶عِسِرَيِلَكَيٍ نَن عٍ رَ نَشٍيٍ قِندِشِ ﭑ فبٍ رَ عِسِرَيِلَ دِ سِنفٍ بِرِن حْشْي رَ.

¹⁷عِسِرَيِلَ دِ سِنفٍ بِرِن نُن عٍ شَ شُرُ سٍ دِ سِنفٍ بِرِن قِندِشِ ﭑ فبٍ نَن نَ، كَقِ ﭑ سَ مِسِرَكَيٍ شَ دِ سِنفٍ بِرِن قَشَ تّمُي نَشّ.

¹⁸ﭑ نَشَ لٍوِ بْنسْي تٌنفٌ عِسِرَيِلَ دِ سِنفٍ بِرِن حْشْي رَ.

¹⁹ﭑ بَرَ عٍ سٌ هَرُنَ نُن عَ شَ دِيٍ يِ رَ عِسِرَيِلَكَيٍ تَفِ، عَلَكٌ عٍ شَ هْرْ مْلِنفِرَ وَلِ رَبَ عِسِرَيِلَكَيٍ شِلِ رَ. عٍ مَن شَ يُنُبِ شَقَرِ سّرّشّ بَ عِسِرَيِلَكَيٍ بّ، عَلَكٌ فبَلٌي يٌ نَشَ فٌرٌ عِسِرَيِلَكَيٍ مَ عٍ نَ مَكْرّ يِرٍ سّنِيّنشِ رَ تّمُي نَشّ.»

²⁰مُنسَ، هَرُنَ، نُن حَمَ بِرِن نَشَ نَ رَبَ لٍوِ بْنسْي رَ عَلْ عَلَتَلَ عَ يَمَرِ كِ نَشّ.

²¹لٍوِ بْنسْي نَشَ عٍ يّتّ رَ سّنِيّن، عٍ نَشَ عٍ شَ دُفِيٍ شَ. هَرُنَ نَشَ عٍ دّنتّفّ عَلَتَلَ بّ. عَ نَشَ عٍ شَ يُنُبِ شَقَرِ سّرّشّ بَ عٍ بّ عٍ شَ سّنِيّن.

²²نَ تٌ بَ عَ رَ، لٍوِ بْنسْي نَشَ قَ عٍ شَ وَلِ سُشُ هْرْ مْلِنفِرَ شَ قٍ رَ هَرُنَ نُن عَ شَ دِيٍ شَ يَامَرِ بُن مَ، عَلْ عَلَتَلَ عَ يَمَرِ مُنسَ بّ كِ نَشّ.

²³عَلَتَلَ نَشَ عَ مَسٍن مُنسَ بّ،

²⁴«لٍوِ بْنسْي مِشِيٍ شَ سِمَيَ نَ حّ مْشْحّن نُن سُولِ لِ، عٍ نْمَ هْرْ مْلِنفِرَ وَلِ سُشُدٍ.

²⁵عٍ نَ حّ تٌنفٌ سُولِ سْتْ، عٍ شَ نَ وَلِ لُ نَا.

²⁶عٍ نْمَ عٍ نفَشَكٍرٍنيِيٍ مَلِدٍ نَ وَلِ كُي، كْنْ عٍ تَن مُ نْمَ نَ رَبَدٍ سْنْن. عِ شَ نَ سّرِيّيٍ سُشُ لٍوِ بْنسْي شَ قٍ رَ هْرْ مْلِنفِرَ وَلِ رَبَقٍ مَ.»