كْنتِ تِقٍ 35

¹عَلَتَلَ نَشَ عَ مَسٍن مُنسَ بّ، مٌوَبَ قِيلِ مَ، يُرُدّن شُرٍ قّ مَ، يٍرِكٌ يَ تَفِ،

²«عَ قَلَ عِسِرَيِلَكَيٍ بّ، عٍ شَ تَا ندٍيٍ نُن عٍ رَبِلِنيِيٍ سُفَندِ عٍ شَ بْشِ كُي، عٍ نَشٍيٍ قِمَ لٍوِ بْنسْي مَ، عٍ سَبَتِمَ دّننَشّ.

³لٍوِ بْنسْي سَبَتِمَ نَ تَايٍ نَن كُي، عٍ شَ شُرُ سٍيٍ لُمَ نَ رَبِلِنيِيٍ.

⁴نَ تَا رَبِلِنيِيٍ شَ فبٌيَ سِفَمَ نّ هَن نْنفْن وُلُ كٍرٍن نَ تَا سّيتِ نَانِ بِرِن مَ،

⁵كٍلِقٍ تَا تّتّ مَ سِفَقٍ نْنفْن وُلُ قِرِن عَ سٌفٍتٍدٍ بِرِ، عَ سٌفٍفٌرٌدٍ بِرِ، عَ كْولَ مَ، نُن عَ يِرٍقَنيِ مَ.»

⁶«نَ تَا تٌنفٌ نَانِ نُن سٌلٌمَسَشَن يَ مَ، وٌ شَ تَا سٍننِ سُفَندِ نَشٍيٍ قِندِ مَ مَكَنتَدٍيٍ رَ مِشِيٍ بّ نَشٍيٍ بَرَ قَشّ تِ عٍ مُ عَ حَنِفٍشِ.

⁷وٌ شَ نَ تَا تٌنفٌ نَانِ نُن سٌلٌمَسَشَن نُن عٍ رَبِلِنيِيٍ قِ لٍوِ بْنسْي مَ.

⁸بْنسْي نَشٍيٍ شَ تَايٍ وُيَ، عٍ شَ تَا فبٍفبٍ قِ. بْنسْي نَشٍيٍ شَ تَايٍ مُ وُيَ، عٍ شَ تَا دٌندٌرٌنتِ قِ لٍوِ بْنسْي مَ.»

⁹عَلَتَلَ نَشَ عَ مَسٍن مُنسَ بّ،

¹⁰«عَ قَلَ عِسِرَيِلَكَيٍ بّ، عٍ نَ يُرُدّن شُرٍ عِفِرِ سٌقٍ رَ كَنَان بْشِ مَ،

¹¹عٍ شَ تَايٍ سُفَندِ، نَشٍيٍ قِندِ مَ مَكَنتَدٍيٍ رَ مِشِيٍ بّ نَشٍيٍ بَرَ قَشّ تِ عٍ مُ عَ حَنِفٍشِ.

¹²نَ تَايٍ نَن قِندِ مَ مَكَنتَدٍيٍ رَ نَ مِشِيٍ بّ، هَن كِيتِسَيٍ عٍ مَكِيتِمَ تّمُي نَشّ. نَ كُي عٍ شَ رَتَنفَ مِشِيٍ مَ نَشٍيٍ وَ مَ عٍ فبٍحْشْقٍ، نَشٍيٍ وَ مَ عٍ قَشَقٍ كٍرٍن نَ.

¹³وٌ شَ تَا سٍننِ سُفَندِ نَ وَلِ شَ قٍ رَ،

¹⁴سَشَن يُرُدّن نَاكِرِ مَ، سَشَن كَنَان بْشِ مَ. نَ تَايٍ نَن قِندِ مَ وٌ مَكَنتَدٍيٍ رَ.

¹⁵مِشِ يٌ مِشِ، عَ قِندِ عِسِرَيِلَكَ رَ، عَ قِندِ شْحّ رَ، عَ قِندِ دَنفِ مِشِ رَ، شَ نَشَن يٌ سَ مِشِ ندٍ قَشَ عَ مُ عَ حَنِفٍشِ، نَ كَنيِ نْمَ عَ نِي رَتَنفَدٍ نَ تَا سٍننِيٍ ندٍ كُي.»

¹⁶«كْنْ شَ مِشِ سَ مِشِ بْنبْ وُرٍ رَ هَن عَ قَشَ، نِي بَ نَن عَ رَ. عَ لَن نّ، عَ قَن شَ قَشَ.

¹⁷شَ مِشِ سَ مِشِ بْنبْ فّمّ نَن نَ هَن عَ قَشَ، نِي بَ نَن عَ رَ. عَ لَن نّ، عَ قَن شَ قَشَ.

¹⁸شَ مِشِ سَ مِشِ بْنبْ وُرِ نَن نَ هَن عَ قَشَ، نِي بَ نَن عَ رَ. عَ لَن نّ، عَ قَن شَ قَشَ.

¹⁹فبٍحْشْي شَ نَ قَشّتِ قَشَ عَ عَ سُشُشِ تّمُي نَشّ.

²⁰شَ مِشِ ندٍ سَ عَ بٌورٍ رَدِن يّ مَرَحَاشُي مَ، شَ نَ مُ، عَ حَنِفٍ عَ شَ عَ فْنْ سٍ ندٍ رَ، عَ قَشَ، قَشّتِ نَن عَ رَ.

²¹شَ مِشِ ندٍ سَ عَ بٌورٍ دِن عَ بّلّشّ رَ يَشُيَ رَ، عَ قَشَ، قَشّتِ نَن عَ رَ. عَ لَن نّ، عَ قَن شَ قَشَ. فبٍحْشْي شَ نَ قَشّتِ قَشَ عَ عَ سُشُشِ تّمُي نَشّ.»

²²«كْنْ شَ مِشِ ندٍ سَ عَ بٌورٍ رَدِن يّ حَنِفٍتَرٍحَ كُي، شْنّ مُ نَ، شَ نَ مُ عَ سٍ ندٍ وٌلِ عَ مَ حَنِفٍتَرٍحَ كُي،

²³شَ نَ مُ عَ عَ فْنْ فّمّ رَ حَنِفٍتَرٍحَ كُي، عَ قَ قَشَ، كْنْ شْنّ نُن يَشُيَ مُ نَ عَ كُي،

²⁴حَمَ شَ عَ مَكِيتِ يِ سّرِيّ رَ فبٍحْشْي شَ قٍ رَ.

²⁵حَمَ شَ عَ بَ فبٍحْشْي يِ رَ، عَ عَ رَ سٌ مَكَنتَدٍ كُي. عَ شَ لُ مّننِ هَن سّرّشّدُبّ كُنتِفِ لَاشِرَ مَ تّمُي نَشّ، عَلَتَلَ نَشَن سُفَندِشِ.

²⁶كْنْ شَ نَ كَنيِ سَ مِنِ مَكَنتَدٍ قَرِ مَ، عَ نُ بَرَ سٌ دّننَشّ،

²⁷فبٍحْشْي قَ عَ تٌ، عَ قَشَ، فبٍحْشْي مُ قِندِ مَ قَشّتِ رَ.

²⁸مِشِ نَشَن نِي بَمَ حَنِفٍتَرٍحَ كُي، عَ شَ لُ مَكَنتَدٍ هَن سّرّشّدُبّ كُنتِفِ لَاشِرَ مَ تّمُي نَشّ. سّرّشّدُبّ كُنتِفِ نَ لَاشِرَ تّمُي نَشّ، مِشِ نَشَن نِي بَشِ حَنِفٍتَرٍحَ كُي، عَ نْمَ فبِلٍندٍ عَ شْنيِ مَرَتَنفٍ كُي.»

²⁹«سّرِيّ نَن يَ وٌ بْنسْي بّ يِرٍ بِرِن، تّمُي بِرِن.

³⁰قَشّتِ مُ لَن عَ شَ قَشَ سٍيدٍ كٍرٍن شُي مَ، قٌ سٍيدٍ وُيَشِ.

³¹قَشّتِ مُ لَن عَ شُن شَ سَرَ، عَ شَ قَشَ.

³²مِشِ نَشَن قَشّ تِ حَنِفٍتَرٍحَ كُي، عَ مُ لَن عَ شُن شَ سَرَ عَلَكٌ عَ شَ فبِلٍن عَ شْنيِ بٍينُن سّرّشّدُبّ كُنتِفِ لَاشِرَ مَ تّمُي نَشّ.

³³وٌ مُ لَن وٌ شَ بْشِ قِندِ بْشِ سّنِيّنتَرٍ رَ. وُلِ رَ مِنِقٍ نَ نَن نَبَمَ. قَشّتِ وُلِ فبَنسَن نَن قِندِ مَ بْشِ شُنسَرٍ رَ.

³⁴وٌ نَشَ وٌ شْنيِ قِندِ يِرٍ سّنِيّنتَرٍ رَ. ﭑ تَن عَلَتَلَ سَبَتِشِ وٌ تَن عِسِرَيِلَكَيٍ يَ مَ.»