كْنتِ تِقٍ 26

¹نَ فبَلٌي تٌ دَنفِ، عَلَتَلَ نَشَ عَ قَلَ مُنسَ نُن هَرُنَ سّرّشّدُبّ شَ دِ شّمّ عٍلٍيَسَرِ بّ،

²«وٌ شَ عِسِرَيِلَ حَمَ بِرِن شِلِ سّبّ، كٍلِ عَ حّ مْشْحّن مَ هَن نَ شَنبِ، عَ دٍنبَيَ كِ مَ، نَشَن بِرِن نْمَ سْورِحَ رَبَدٍ.»

³مُنسَ نُن عٍلٍيَسَرِ سّرّشّدُبّ نَشَ عَ قَلَ عِسِرَيِلَكَيٍ بّ مٌوَبَ بْشِ مَ يُرُدّن شُرٍ سّيتِ مَ يٍرِكٌ يَ عِ،

⁴«عِسِرَيِلَكَ بِرِن شَ كْنتِ، كٍلِ مِشِ مَ نَشَن بَرَ حّ مْشْحّن سْتْ هَن نَ شَنبِ، عَلْ عَلَتَلَ عَ يَمَرِ مُنسَ نُن عِسِرَيِلَكَيٍ بّ كِ نَشّ.» عِسِرَيِلَ بْنسْي نَشٍيٍ مِنِ مِسِرَ بْشِ رَ، نٍيٍ نَن يِ كِ.

⁵عَ قْلْ عِسِرَيِلَ شَ دِ سِنفٍ رُبٍن نَن مَ، عَ شَ دِيٍ نَن يِ كِ؛ شَنْكِ، ثَلُ،

⁶شٍسِرٌن، كَرِ مِ، نُن عٍ شَبِلّيٍ.

⁷رُبٍن بْنسْي شَبِلّيٍ نَن نَ كِ. نٍيٍ شَسَبِ لَن مِشِ وُلُ تٌنفٌ نَانِ نُن سَشَن كّمّ سٌلٌقٍرٍ تٌنفٌ سَشَن نَن مَ.

⁸ثَلُ شَ دِ شّمّ عٍلِيَبِ

⁹نَن نُ نَ نٍمُوٍلِ، دَتَن، نُن عَبِرَ مِ بَبَ رَ، نَشٍيٍ كٍلِ مُنسَ نُن هَرُنَ شِلِ مَ عِسِرَيِلَ كُنتِفِيٍ يَ مَ. عٍ نُن كٌرَ نُن عَ قْشِرَبِرّيٍ تٌ كٍلِ عَلَتَلَ شِلِ مَ،

¹⁰بْشِ رَبِ نّ، عَ قَ عٍ بِرِن فٍرُن. نَ لْشْي عَلَتَلَ مِشِ كّمّ قِرِن مِشِ تٌنفٌ سُولِ فَن نّ تّ رَ، عٍ شَ قِندِ مِسَالِ رَ حَمَ بّ.

¹¹كْنْ كٌرَ شَ دِيٍ تَن مُ قَشَ نَ قٍ كُي.

¹²سِمٍيْن شَ دِيٍ نَن يِ كِ عٍ شَبِلّ كِ مَ؛ نٍمُوٍلِ، يَمِن، يَكِمِ،

¹³سٍرَ، سَوُلُ، عَ نُن عٍ شَبِلّيٍ.

¹⁴سِمٍيْن بْنسْي شَبِلّيٍ نَن نَ كِ. نٍيٍ شَسَبِ لَن مِشِ وُلُ مْشْحّن نُن قِرِن، مِشِ كّمّ قِرِن نَن مَ.

¹⁵فَدِ شَ دِيٍ نَن يِ كِ عٍ شَبِلّ كِ مَ؛ سٍقٌن، شَفِ، سُنِ،

¹⁶عٌسٍنِ، عٍرِ،

¹⁷عَرٌدِ، عَرٍلِ، نُن عٍ شَبِلّيٍ.

¹⁸فَدِ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ نَانِ، مِشِ كّمّ سُولِ نَن مَ.

¹⁹يُدَ شَ دِيٍ نَن يِ كِ؛ عٍرُ نُن عٌنَن. كْنْ عٍ تَن قَشَ كَنَان بْشِ نَن مَ.

²⁰يُدَ شَ دِيٍ نَن يِ كِ عٍ شَبِلّ كِ مَ؛ سٍلَهَ، ثٍرٍ سِ، سٍرَ، نُن عٍ شَبِلّيٍ.

²¹ثٍرٍ سِ شَ دِيٍ نَن يِ كِ؛ شٍسِرٌن، شَمُلِ، نُن عٍ شَبِلّيٍ.

²²يُدَ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سٌلٌقٍرٍ نُن سٍننِ، مِشِ كّمّ سُولِ نَن مَ.

²³عِسَكَرِ شَ دِيٍ نَن يِ كِ عٍ شَبِلّ كِ مَ؛ تٌلَ، ثُوَ،

²⁴يَسُبُ، سِمِرٌن، نُن عٍ شَبِلّيٍ.

²⁵عِسَكَرِ بْنسْييٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ سٍننِ نُن نَانِ، مِشِ كّمّ سَشَن نَن مَ.

²⁶سَبُلٌن شَ دِيٍ نَن يِ كِ عٍ شَبِلّ كِ مَ؛ سٍرٍدِ، عٍلٌن، يَشَلٍيلِ، نُن عٍ شَبِلّيٍ.

²⁷سَبُلٌن بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سٍننِ، مِشِ كّمّ سُولِ نَن مَ.

²⁸يُسُقُ شَ دِيٍ نَن يِ كِ عٍ شَبِلّ كِ مَ؛ مَنَسِ نُن عٍقِرَ مِ.

²⁹مَنَسِ شَ دِيٍ نَن يِ كِ؛ مَكِرِ نُن عَ شَبِلّيٍ. مَكِرِ نَن فَلَدِ نُن عَ شَبِلّيٍ سْتْ.

³⁰فَلَدِ شَ دِيٍ نَن يِ كِ عٍ شَبِلّ كِ مَ؛ يٍسٍرِ، شٍلٍكِ،

³¹عَسِرّلِ، سِكٍمِ،

³²سّمِدَ، شٍقٍرِ، نُن عٍ شَبِلّيٍ.

³³شٍقٍرِ شَ دِ شّمّ سٍلٌقٍشَدِ تَن دِ فِنّيٍ نَن تُن سْتْ. نٍيٍ شِلِيٍ نَن يِ كِ؛ مَشَلَ، نٌوَ، شٌفَلَ، مِلِكَ نُن تِرِ سَ.

³⁴مَنَسِ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سُولِ نُن قِرِن، مِشِ كّمّ سٌلٌقٍرٍ نَن مَ.

³⁵عٍقِرَ مِ شَ دِيٍ نَن يِ كِ عٍ شَبِلّ كِ مَ؛ سُتٍلَ، بٍكٍرِ، تَشَنِ، نُن عٍ شَبِلّيٍ.

³⁶سُتٍلَ شَ دِ نَن يِ كِ؛ عٍرَن نُن عَ شَبِلّيٍ.

³⁷عٍقِرَ مِ شَ دِيٍ نَن نَ كِ. عٍ شَسَبِ لَن مِشِ وُلُ تٌنفٌ سَشَن نُن قِرِن، مِشِ كّمّ سُولِ نَن مَ. يُسُقُ شَ مَمَدِيٍ نَن نَ كِ عٍ شَبِلّ كِ مَ.

³⁸بُنيَمِن شَ دِيٍ نَن يِ كِ عٍ شَبِلّ كِ مَ؛ بٍلَ، عَسِبٍلِ، عَشِرَ مَ،

³⁹سُقَمِ، شُقَمِ، نُن عٍ شَبِلّيٍ.

⁴⁰بٍلَ شَ دِيٍ نَشَ قِندِ عَرَدٍ، نَامَن، نُن عٍ شَبِلّيٍ رَ.

⁴¹بُنيَمِن شَ دِيٍ نَن نَ كِ عٍ شَبِلّ كِ مَ. عٍ شَسَبِ نَشَ لَن مِشِ وُلُ تٌنفٌ نَانِ نُن مِشِ سُولِ كّمّ سٍننِ مَ.

⁴²دَنَ شَ دِيٍ نَن يِ كِ عٍ شَبِلّ كِ مَ. سُشَمِ نُن عَ شَبِلّيٍ. دَنَ بْنسْي نَن نَ كِ عٍ شَبِلّ كِ مَ.

⁴³عٍ شَسَبِ نَشَ لَن مِشِ وُلُ تٌنفٌ سٍننِ نُن نَانِ، مِشِ كّمّ نَانِ مَ.

⁴⁴عَسٍرِ شَ دِيٍ نَن يِ كِ عٍ شَبِلّ كِ مَ؛ يِمٍنَ، يِسِوِ، بٍرِيَ، نُن عٍ شَبِلّيٍ.

⁴⁵بٍرِيَ شَ دِيٍ نَن يِ كِ؛ شٍبٍرِ، مَلَكِيٍلِ، نُن عٍ شَبِلّيٍ.

⁴⁶عَسٍرِ شَ دِ فِنّ نُ شِلِ نّ سٍرَ.

⁴⁷عَسٍرِكَيٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ سُولِ نُن سَشَن، مِشِ كّمّ نَانِ نَن مَ.

⁴⁸نَقَتَلِ شَ دِيٍ نَن يِ كِ عٍ شَبِلّ كِ مَ؛ يَشَسٍيلِ، فُنِ،

⁴⁹يٍسٍرِ، سِلٍمِ، نُن عٍ شَبِلّيٍ.

⁵⁰نَقَتَلِ بْنسْييٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ نَانِ نُن سُولِ، مِشِ كّمّ نَانِ نَن مَ.

⁵¹عِسِرَيِلَكَ كْنتِ لَنشِ مِشِ وُلُ كّمّ سٍننِ نُن كٍرٍن، مِشِ كّمّ سٌلٌقٍرٍ تٌنفٌ سَشَن نَن مَ.

⁵²عَلَتَلَ نَشَ عَ مَسٍن مُنسَ بّ،

⁵³«كَنَان بْشِ عِتَشُنمَ نَ مِشِيٍ نَن مَ عٍ بْنسْي شَسَبِ مَ، عَ قِندِ عٍ كّ رَ.

⁵⁴بْنسْي بِرِن كّ سْتْمَ عَ شَ مِشِيٍ شَسَبِ بّرّ نَن نَ. بْنسْي نَشٍيٍ شَ مِشِيٍ فبٌ، عِ نٍيٍ فبٍ رَفبٌ دَنفِ بٌورٍيٍ رَ، نَشٍيٍ شَ مِشِ شُرُن.

⁵⁵ﭑ تَن نَن عَ رَفِرِ مَ بْنسْي بِرِن لَن عَ شَ كّ نَشَن سْتْ عٍ بْنسْي شَسَبِ مَ.

⁵⁶بْشِ عِتَشُنيِ قِندِ مَ عَلَ شَ مَرَفِرِ نَن نَ، بْنسْي شُنفبٍيٍ نُن بْنسْي شُرِيٍ تَفِ.»

⁵⁷لٍوِ بْنسْي نَن يِ كِ نَشٍيٍ كْنتِ عٍ شَبِلّ كِ مَ؛ فٍرِ سٌن، كٍهَتِ، مٍرَرِ، نُن عٍ شَبِلّيٍ.

⁵⁸لٍوِ بْنسْي شَبِلّيٍ نَن يِ كِ؛ لِبِنِ، شٍبِرٌن، مَشَلِ، مُسِ، نُن كٌرَ. كٍهَتِ نُ بَرَ عَمَرَ مَ سْتْ.

⁵⁹عَمَرَ مَ شَ فِنّ نُ شِلِ نّ يٍبٍدِ، لٍوِ شَ دِ فِنّ، نَشَن بَرِ مِسِرَ. عَ نَشَ هَرُنَ، مُنسَ، نُن عٍ مَافِنّ مَرِيَمَ بَرِ عَمَرَ مَ بّ.

⁶⁰هَرُنَ نُ بَرَ نَدَبٌ، عَبِهُ، عٍلٍيَسَرِ، نُن عِتَمَرِ سْتْ دِ رَ.

⁶¹نَدَبٌ نُن عَبِهُ قَشَ نّ، عٍ تٌ سّرّشّ فَن تّ رَ نَشَن مُ دَشَ.

⁶²دِ شّمّ نَشَن كْنتِ لٍوِ بْنسْي يَ مَ، كٍلِ عَ كِكٍ كٍرٍن مَ هَن نَ شَنبِ، عَ شَسَبِ لَن مِشِ وُلُ مْشْحّن نُن سَشَن نَن مَ. عٍ شَ كْنتِ نُ نَ عَ شَتِ مَ، بَرِ مَ عٍ مُ بْشِ سْتْ كّ رَ عِسِرَيِلَكَيٍ يَ مَ.

⁶³مُنسَ نُن عٍلٍيَسَرِ سّرّشّدُبّ نَ مِشِيٍ نَن كْنتِ مٌوَبَ بْشِ مَ يُرُدّن شُرٍ سّيتِ مَ يٍرِكٌ تَا يَ عِ،

⁶⁴كْنْ مُنسَ نُن هَرُنَ سّرّشّدُبّ مِشِ نَشٍيٍ كْنتِ تُرُ سِنِنَ فبٍنفبٍرٍنيِ مَ، نَ كٍرٍن مُ نُ نَ عِسِرَيِلَكَيٍ يَ مَ سْنْن.

⁶⁵عَلَتَلَ عَ قَلَ نّ، عَ نٍيٍ بِرِن قَشَمَ نّ فبٍنفبٍرٍنيِ مَ. نَ كُي، عٍ سٍسٍ مُ لُ دُنِحَ، قٌ يٍقُنٍ شَ دِ شّمّ كَلٍبِ، نُن نُنُ شَ دِ شّمّ يٌسُوٍ.