كْنتِ تِقٍ 2

¹عَلَتَلَ نَشَ عَ مَسٍن مُنسَ نُن هَرُنَ بّ،

²«عِسِرَيِلَكَ بِرِن يٌنكِنمَ عٍ شَبِلّ شَ تْنشُمَ نَن بُن مَ. عٍ بِرِن يَ رَقِندِ مَ عٍ بٌورٍيٍ نَن مَ، هْرْ مْلِنفِرَ قَ لُ عٍ تَفِ.»

³يُدَ بْنسْي نَن يٌنكِنمَ سٌفٍتٍدٍ مَبِرِ عٍ شَ تْنشُمَ بُن مَ. عَمِنَدَبٌ شَ دِ نَشَسٌن نَن عٍ شَ يَرٍرَتِ رَ.

⁴عَ شَ سْورِيٍ شَسَبِ لَن مِشِ وُلُ تٌنفٌ سٌلٌقٍرٍ نُن نَانِ، مِشِ كّمّ سٍننِ نَن مَ.

⁵عِسَكَرِ بْنسْي نَن يٌنكِنمَ يُدَ بْنسْي سّيتِ مَ عٍ شَ تْنشُمَ بُن مَ. سُوَرَ شَ دِ نٍتَنٍيلِ نَن عٍ شَ يَرٍرَتِ رَ.

⁶عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن نَانِ، مِشِ كّمّ نَانِ نَن مَ.

⁷سَبُلٌن بْنسْي نَن يٌنكِنمَ يُدَ بْنسْي سّيتِ مَ عٍ شَ تْنشُمَ بُن مَ. شٍلٌن شَ دِ عٍلِيَبِ نَن عٍ شَ يَرٍرَتِ رَ.

⁸عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سٌلٌقٍرٍ، مِشِ كّمّ نَانِ نَن مَ.

⁹فَلِ نَشَن يٌنكِن يُدَ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سٌلٌمَسَشَن نُن سٍننِ، مِشِ كّمّ نَانِ نَن مَ. عٍ تَن نَن تِمَ يَرٍ رَ.

¹⁰رُبٍن بْنسْي نَن يٌنكِنمَ سٌفٍتٍدٍ مَبِرِ عٍ شَ تْنشُمَ بُن مَ. سٍدٍيُرِ شَ دِ عٍلِسُرُ نَن عٍ شَ يَرٍرَتِ رَ.

¹¹عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن سٍننِ، مِشِ كّمّ سُولِ نَن مَ.

¹²سِمٍيْن بْنسْي نَن يٌنكِنمَ رُبٍن بْنسْي سّيتِ مَ عٍ شَ تْنشُمَ بُن مَ. سُرِ سَدَيِ شَ دِ سٍلُمِيٍلِ نَن عٍ شَ يَرٍرَتِ رَ.

¹³عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سٌلٌمَنَانِ، مِشِ كّمّ سُولِ نَن مَ.

¹⁴فَدِ بْنسْي نَن يٌنكِنمَ رُبٍن بْنسْي سّيتِ مَ عٍ شَ تْنشُمَ بُن مَ. دُوٍلِ شَ دِ عٍلِيَسَقَ نَن عٍ شَ يَرٍرَتِ رَ.

¹⁵عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن سُولِ، مِشِ كّمّ سٍننِ نُن تٌنفٌ سُولِ نَن مَ.

¹⁶فَلِ نَشَن يٌنكِن رُبٍن بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سُولِ نُن كٍرٍن، مِشِ كّمّ نَانِ نُن تٌنفٌ سُولِ نَن مَ. عٍ تَن نَن سِفَمَ عَ قِرِن ندٍ.

¹⁷لٍوِ بْنسْي نَشَن يٌنكِنمَ عٍ تَفِ، عَ بِرَ مَ عٍ قْشْ رَ هْرْ مْلِنفِرَ شَنِنقٍ رَ. بْنسْي بِرِن حّرّ مَ عٍ سَقّ كِ نَن مَ عٍ شَ تْنشُمَ بُن مَ.

¹⁸عٍقِرَ مِ بْنسْي نَن يٌنكِنمَ سٌفٍفٌرٌدٍ مَبِرِ عٍ شَ تْنشُمَ بُن مَ. عَمِشُدِ شَ دِ عٍلِسَمَ نَن عٍ شَ يَرٍرَتِ رَ.

¹⁹عَ شَ سْورِيٍ شَسَبِ لَن مِشِ وُلُ تٌنفٌ نَانِ، مِشِ كّمّ سُولِ نَن مَ.

²⁰مَنَسِ بْنسْي نَن يٌنكِنمَ عٍقِرَ مِ بْنسْي سّيتِ مَ عٍ شَ تْنشُمَ بُن مَ. ثٍدَ سُرُ شَ دِ فَمَلِيّلِ نَن عٍ شَ يَرٍرَتِ رَ.

²¹عَ شَ سْورِيٍ شَسَبِ لَن مِشِ وُلُ تٌنفٌ سَشَن نُن قِرِن، مِشِ كّمّ قِرِن نَن مَ.

²²بُنيَمِن بْنسْي نَن يٌنكِنمَ عٍقِرَ مِ بْنسْي سّيتِ مَ عٍ شَ تْنشُمَ بُن مَ. فِدٍيٌنِ شَ دِ عَبِدَن نَن عٍ شَ يَرٍرَتِ رَ.

²³عَ شَ سْورِيٍ شَسَبِ لَن مِشِ وُلُ تٌنفٌ سَشَن نُن سُولِ، مِشِ كّمّ نَانِ نَن مَ.

²⁴فَلِ نَشَن يٌنكِن عٍقِرَ مِ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ سٌلٌمَسَشَن، مِشِ كّمّ نَن مَ. عٍ تَن نَن سِفَمَ عَ سَشَن ندٍ.

²⁵دَنَ بْنسْي نَن يٌنكِنمَ يِرٍقَنيِ مَبِرِ عٍ شَ تْنشُمَ بُن مَ. عَمِسَدَيِ شَ دِ عَشِيٍسٍرِ نَن عٍ شَ يَرٍرَتِ رَ.

²⁶عَ شَ سْورِيٍ شَسَبِ لَن مِشِ وُلُ تٌنفٌ سٍننِ نُن قِرِن، مِشِ كّمّ سٌلٌقٍرٍ نَن مَ.

²⁷عَسٍرِ بْنسْي نَن يٌنكِنمَ دَنَ بْنسْي سّيتِ مَ عٍ شَ تْنشُمَ بُن مَ. عٌكِرَن شَ دِ ثَفِيّلِ نَن عٍ شَ يَرٍرَتِ رَ.

²⁸عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن كٍرٍن، مِشِ كّمّ سُولِ نَن مَ.

²⁹نَقَتَلِ بْنسْي نَن يٌنكِنمَ دَنَ بْنسْي سّيتِ مَ عٍ شَ تْنشُمَ بُن مَ. عٍنَن شَ دِ عَشِرَ نَن عٍ شَ يَرٍرَتِ رَ.

³⁰عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سَشَن، مِشِ كّمّ نَانِ نَن مَ.

³¹فَلِ نَشَن يٌنكِن دَنَ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سُولِ نُن سٌلٌقٍرٍ، مِشِ كّمّ سٍننِ نَن مَ. عٍ تَن نَن سِفَمَ عَ دْنشْي رَ عٍ شَ تْنشُمَيٍ بُن مَ.

³²عِسِرَيِلَكَ نَشٍيٍ تّنفّ عٍ شَبِلّ كِ مَ نُن عٍ شَ سْورِ فَلِ كِ مَ، عٍ شَسَبِ لَن مِشِ وُلُ كّمّ سٍننِ نُن سَشَن، مِشِ كّمّ سُولِ نُن تٌنفٌ سُولِ نَن مَ.

³³لٍوِ بْنسْي تَن مُ تّنفّ عِسِرَيِلَكَيٍ شُن مَ، عَلْ عَلَتَلَ عَ مَسٍن كِ نَشّ مُنسَ بّ.

³⁴عِسِرَيِلَكَيٍ نَشَ بِرَ عَلَتَلَ شَ يَامَرِ بِرِن قْشْ رَ، عَلْ عَ مُنسَ يَمَرِ عَ رَ كِ نَشّ. عٍ نُ يٌنكِنمَ عٍ شَ تْنشُمَ نَن بُن مَ، عٍ مَن نُ حّرّ مَ عٍ شَبِلّ نُن عٍ شَ دٍنبَيَ كِ نَن مَ.