عٍبُرُ 12

¹نَ دَنشَنِيَتْي فَلِ، نَشٍيٍ بَرَ عٍ شَ دَنشَنِيَ مَسٍن دُنِحَ بّ، عٍ مَن شَ قِندِ مِسَالِ رَ وٌن بّ. وٌن شَ قٍ بِرِن نُن يُنُبِ بِرِن نَبٌلٌ نَشَن وٌن تْورْ مَ وٌن مَ حّرّ كُي. وٌن شَ وٌن فِ تُننَبّشِ رَ كِرَ شْن مَ عَلَ نَشَن سَشِ وٌن يَ رَ.

²وٌن شَ وٌن يَ تِ عِسَ رَ، نَشَن دَنشَنِيَ كِرَ رَبِشِ وٌن بّ، نَشَن قَمَ وٌن مَ دَنشَنِيَ رَكَمَلِدٍ. عِسَ تِن نّ وُرِ مَفَلَنبُشِ شَ تْورّ رَ، عَلَكٌ عَ شَ سّيوَ يَرٍ. عَ مُ فَاشُ نَ يَافِ رَ. نَ كُي، عَ شَ قَشّ دَنفِ شَنبِ، عَ نَشَ عَ مَفٌرٌ عَلَ شَ كِبَنيِ يِرٍقَنيِ مَ.

³وٌ شَ رَتُ عَ شَ مِسَالِ مَ، عَ تْورْشِ كِ نَشّ يُنُبِتْييٍ سَابُي رَ، عَلَكٌ وٌ نَشَ تَفَن، لِمَنِيَ نَشَ بَ وٌ يِ رَ.

⁴وٌ مُ يُنُبِ فٍرٍشِ سِندٍن، هَن وٌ وُلِ شَ مِنِ.

⁵وٌ تَن، عَلَ شَ دِيٍ، وٌ بَرَ نّيمُ عَلَ شَ مَسٍنيِ مَ وٌ رَلِمَنِيَشِ نَشَن نَ، عَ قَلَقٍ رَ،

⁶مَرِفِ عَ شَنُنتٍنيِ نَن شُرُ مَ.

⁷وٌ شَ تِن نَ رَ، بَرِ مَ عَلَ نَ وٌ شُرُقٍ نّ عَلْ عَ شَ دِيٍ. دِ مُندُن نَ، نَشَن بَبَ مُ عَ شُرُ مَ؟

⁸شَ عَلَ مُ وٌ شُرُ مَ، عَلْ دِ بِرِن شُرُ مَ كِ نَشّ، عَ لُشِ نّ عَلْ وٌ مُ قِندِشِ عَ شَ دِيٍ رَ، عَ لِمَ عَ هَلَلّ مُ وٌ رَ.

⁹وٌن بَبَيٍ وٌن شُرُ مَ دُنِحَ، وٌن قَن عٍ بِنيَ. عَ مُ لَنمَ وٌن شَ تِن عَ رَ، بَبَ عَلَ نَشَن نَ عَرِيَننَ، عَ شَ وٌن شُرُ عَلَكٌ وٌن شَ كِسِ؟

¹⁰وٌن بَبَيٍ نُ وٌن شُرُ مَ وَشَتِ دِ نَن بُن مَ عٍ يّتّ شَشِلِ رَ، كْنْ عَلَ تَن وٌن شُرُ مَ وٌن مَ مُنَقَنيِ يَتِ نَن مَ قٍ رَ، عَلَكٌ وٌن شَ لُ عَلَ شَ سّنِيّنيِ كُي.

¹¹نَ شُرُي شْرْشْ، عَ مُ مِشِ رَ سّيوَ مَ عَ قْلّ، كْنْ عَ دْنشْي رَ، عَ قْشِ تِنشِنشِ رَ مِنِمَ نّ يَرٍ بْحّسَ كُي.

¹²نَ نَ عَ رَ، وٌ شَ وٌ سّنبّ سٌ، وٌ تَن نَشٍيٍ بّلّشّيٍ تَفَنشِ، نَشٍيٍ شِنبِ تْورْشِ.

¹³وٌ شَ وٌ حّرّ كِرَ تِنشِنشِ شْن مَ، عَلَكٌ مَبّنيِيٍ نَشَ تٍلٍشُن، عٍ شَ يَلَن.

¹⁴لَنيِ شَ لُ وٌ نُن مِشِيٍ تَفِ. وٌ شَ لُ سّنِيّنيِ كُي، شَ نَ مُ عَ رَ وٌ مُ مَرِفِ تٌمَ.

¹⁵وٌ شَ مّينِ وٌ بٌرٍ مَ، عَلَكٌ مِشِ يٌ نَشَ مِنِ عَلَ شَ هِننّ كُي. وٌ نَشَ لُ شْنْ رَ وٌ بٌرٍ مَ، نَ قَ مِشِ فبٍفبٍ تْورْ وٌ يَ مَ.

¹⁶وٌ مّينِ دٍ! وٌ نَشَ يّنّ رَبَ. وٌ نَشَ سّرِيّ كَنَ عَلْ عٍسَيُ، نَشَن عَ شَ قٌرِحَ تِدٍ مَسَرَشِ بَندٍ لٍنفٍ كٍرٍن شَ قٍ رَ.

¹⁷وٌ عَ كٌلٌن عَ تٌ نُ وَشِ عَ بَبَ شَ دُبَ عَ بّ، عَ شَ قٌرِحَ كّ سْتْ، عَ بَبَ نَشَ تٌندِ. عٍسَيُ نَشَ عَ مَيَندِ يَيٍ رَ، كْنْ عَ بَبَ مُ تِن نَ رَ.

¹⁸وٌ مُ وٌ مَكْرّ نَ يِرٍ رَ وٌ شَ وٌ بّلّشّ دِن عَ رَ عَلْ عِسِرَيِلَكَيٍ قٍ نَشَن تٌ فبٍنفبٍرٍنيِ مَ. تّ نُن نُشُي قْورّ نُ نَ فٍيَ قَرِ دّننَشّ، قٌيٍ شُنفبٍ نُ بْنبْ عَ رَ.

¹⁹وٌ مُ سَرَ شُي نُن عَلَ شُي مَفَاشُي مّشِ. عِسِرَيِلَكَيٍ تٌ نَ مّ، عٍ نَشَ مُنسَ مَيَندِ عَلَكٌ عٍ نَشَ نَ شُي مّ سْنْن.

²⁰عٍ نَشَ فَاشُ عَلَ شَ يَامَرِ يَ رَ، «مِشِ نُن سُبٍ يٌ دِن يِ فٍيَ رَ، نَ كَنيِ قَمَ نّ مَفْنْدٍ، عَ قَشَ.»

²¹نَ قٍ نُ مَفَاشُ هَن عَننَبِ مُنسَ نَشَ عَ قَلَ، «ﭑ بَرَ فَاشُ هَن ﭑ بَرَ سّرّن.»

²²كْنْ وٌ تَن بَرَ وٌ مَسٌ سِيٌنِ فٍيَ يِرٍ رَ، عَلَ حِحّ شَ تَا نَشَن نَ عَرِيَننَ، دَرِ سَلَمُ نَشَن نَ كٌورٍ مَ، مَلٍكّ وُلُ وُلُ مَلَنشِ دّننَشّ سّيوّ كُي.

²³عَلَ شَ حَمَ قَن نَ نَ، نَشٍيٍ شِلِ سّبّشِ بُكِ كُي عَرِيَننَ. عٍ قِندِشِ عَلَ شَ دِ سِنفٍيٍ نَن نَ. دُنِحَ مَكِيتِمَ عَلَ نَ مّننِ نّ، عَ نُن تِنشِنتْي نِي نَشٍيٍ شَ قٍ بَرَ كَمَلِ.

²⁴عِسَ قَن نَ نَا، نَشَن بَرَ قِندِ سَابُي رَ سَاتّ نّينّ رَكَمَلِقٍ رَ، نَشَن وُلِ بَرَ قِندِ سّرّشّ رَ. نَ قَن دَنفِ هَبِلَ فبٍ سّرّشّ رَ.

²⁵وٌ نَشَ تٌندِ عَلَ شَ مَسٍنيِ رَ. مِشِ نَشٍيٍ تِشِ دُنِحَ بّندّ قُحِ قَرِ، عٍ تٌ تٌندِ نَ مَسٍنيِ رَ، عٍ نَشَ حَشَنكَتّ سْتْ. يَكْسِ، وٌن مُنسٍ سْتْمَ سْنْن شَ عَ سَ لِ وٌن تٌندِ مَ مَسٍنيِ رَ، نَشَن قَتَنشِ عَلَ يَتِ يَتِ رَ نَشَن نَ كٌورٍ مَ؟

²⁶سِنفٍ عَلَ شُي نَشَ بْشِ رَ سّرّن، كْنْ يَكْسِ عَ بَرَ لَايِدِ تٌنفٌ، «ﭑ مَن بْشِ رَ سّرّنمَ نّ، كْنْ يِ بِيَاسِ ﭑ كٌورٍ قَن نَسّرّنمَ نّ.»

²⁷عَ تٌ عَ قَلَ، «ن مَن،» نَ نُ وَ مَ عَ مَسٍنقٍ نّ عَ سٍ دَاشِ بِرِن نَسّرّنمَ نّ، عَ قَ كَنَ. قٍ نَشَن مُ رَ سّرّنمَ، نَ نَن لُمَ، عَ مُ كَنَ.

²⁸وٌن قَمَ لُدٍ مَنفّيَ نِينِ نَشَن بُن مَ، نَ تَن مُ سّرّنمَ، نَ مُ كَنَمَ. نَ كُي، وٌن شَ عَلَ تَنتُ، وٌن شَ عَ بَتُ يَرَفَاشُي نُن بِنيّ رَ عَ وَ مَ نَشَن شْن،

²⁹بَرِ مَ وٌن مَرِفِ عَلَ لُشِ نّ عَلْ تّ نَشَن سٍ بِرِن فَنمَ.