1تّمُي دَنفِشِ عَلَ نَشَ مَسٍنيِ تِ وٌن بٍنبَيٍ بّ نَمِحْنمّيٍ سَابُي رَ. عَ نَ رَبَ نّ سَنمَيَ وُيَشِ، عَ نَ رَبَ نّ كِ وُيَشِ رَ.
2كْنْ يَكْسِ، نَشَن قِندِشِ وَشَتِ دْنشْي رَ، عَلَ عَ شَ مَسٍنيِ تِ وٌن بّ عَ شَ دِ سَابُي رَ. عَ بَرَ عَ شَ دِ قِندِ دُنِحَ كّ تٌنفٌمَ رَ، عَ دُنِحَ دَا عَ شَ دِ نَن سَابُي رَ.
3يِ دِ قِندِشِ عَلَ شَ نْرّ تٌقَنيِ نَن نَ، عَ قِندِشِ عَلَ مِسَالِ يَتِ نَن نَ. عَ دُنِحَ بُن تِمَ عَ شَ مَسٍنيِ سّنبّمَ نَن نَ. عَ تٌ فّ يُنُبِيٍ شَقَرِدٍ، عَ نَشَ عَ مَفٌرٌ عَلَ نْرّ كَنيِ يِرٍقَنيِ مَ عَرِيَننَ كُي.
4نَ كُي، عَ تِدٍ دَنفِ مَلٍكّيٍ رَ، عَ شِلِ قِسَمَنتٍ نَن سْتْ.
5عَلَ مُ عَ مَسٍنشِ مَلٍكّ يٌ بّ،
6عَلَ تٌ عَ شَ دِ قِسَمَنتٍ رَ مِنِ دُنِحَ، عَ نَشَ عَ قَلَ،
7عَ عَ مَسٍنشِ مَلٍكّيٍ شَ قٍ رَ،
8كْنْ عَ عَ مَسٍنشِ نّ عَ شَ دِ شَ قٍ رَ،
9تِنشِنيِ نَن نَقَن عِ مَ.
10عَ مَن عَ مَسٍنشِ نّ،
11كٌورٍ نُن بْشِ قَمَ كَنَدٍ،
12عِ كٌورٍ نُن بْشِ مَقِندِ مَ نّ
13عَلَ مُ عَ مَسٍنشِ مَلٍكّ يٌ بّ،
14مَلٍكّيٍ تَن قِندِشِ عَلَ شَ وَلِكّيٍ نَن نَ، قَتٍ مُ نَ نَشٍيٍ بّ، عَ نَشٍيٍ شّيمَ كِسِ كّتٌنفٌي مَلِدٍ.