تَرُشُي 3

¹لْشْ ندٍ ثِيّرِ نُن يَيَ نُ تٍقٍ هْرْ مْبَنشِ كُي، سَلِ تّمُي فّيسّفّ.

²هْرْ مْبَنشِ نَادّ رَ نَشَن شِلِ «نَادّ تٌقَنيِ»، شّمّ ندٍ نُ نَ نَشَن نُ نَمَتَشِ كَبِ عَ بَرِ لْشْي. عٍ نُ عَ دْشْمَ نَ لْشْي بِرِن عَلَكٌ عَ شَ نُ كْبِرِ مَكُلَ مِشِيٍ مَ نَشٍيٍ سٌمَ هْرْ مْبَنشِ كُي.

³عَ تٌ ثِيّرِ نُن يَيَ تٌ سٌ رَ هْرْ مْبَنشِ كُي، عَ نَشَ كْبِرِ مَكُلَ عٍ مَ.

⁴ثِيّرِ نُن يَيَ نَشَ عٍ يَ تِ عَ رَ. ثِيّرِ نَشَ عَ قَلَ عَ بّ، «مُشُ مَتٌ.»

⁵شّمّ نَشَ عٍ مَتٌ، عَ حْشْ نَشَ لُ عَ مَ عٍ نَ كْبِرِ نَن قِقٍ عَ مَ.

⁶ثِيّرِ قَ عَ قَلَ عَ بّ، «فبٍتِ مُ نَ ﭑ يِ، شّيمَ مُ نَ ﭑ يِ، كْنْ نَشَن نَ ﭑ يِ رَ، ﭑ عَ قِمَ عِ مَ. ﭑ بَرَ عِ يَامَرِ عِسَ نَسَرّتِكَ شِلِ رَ، نَشَن قِندِشِ عَلَ شَ مِشِ سُفَندِشِ رَ، كٍلِ، عِ عِ حّرّ!»

⁷عَ نَشَ عَ سُشُ عَ يِرٍقَنيِ بّلّشّ مَ، عَ عَ رَكٍلِ. عَ سَنيِيٍ نُن عَ سَنكْنيِيٍ نَشَ سّنبّ سْتْ كٍرٍن نَ.

⁸نَ عِكْرّشِ رَ، عَ نَشَ كٍلِ، عَ نَشَ سٌ عَ حّرّقٍ. عَ نَشَ سٌ ثِيّرِ نُن يَيَ قْشْ رَ هْرْ مْبَنشِ كُي. عَ حّرّ مَ، عَ تُفَنمَ، عَ عَلَ تَنتُمَ.

⁹بِرِن نَشَ عَ تٌ، عَ عَ حّرّ مَ، عَ عَلَ مَتْشْمَ.

¹⁰عٍ نَشَ عَ كٌلٌن عَ تَن نَن نُ دْشْمَ هْرْ مْبَنشِ «نَادّ تٌقَنيِ» دّ رَ كُلّ مَتِدٍ. بِرِن نَشَ كَابَ، عٍ تّرّننَ يِ قٍ رَ نَشَن بَرَ رَبَ عَ بّ.

¹¹عَ قَن نَشَ بِرَ ثِيّرِ نُن يَيَ قْشْ رَ. حَمَ بِرِن نَشَ كَابَ، عٍ نَشَ عٍ فِ سِفَقٍ رَ عٍ يِرٍ سُلٍمَنِ شَ بُنتُنيِ رَ.

¹²ثِيّرِ تٌ نَ تٌ، عَ نَشَ حَمَ مَشْرِن، «وٌ تَن عِسِرَيِلَكَيٍ، مُنقٍ رَ وٌ كَابَمَ يِ قٍ مَ؟ مُنقٍ رَ وٌ وٌ يَيٍ بَنبَنشِ مُشُ رَ عَلْ مُشُ يِ شّمّ رَحّرّشِ مُشُ يّتّ سّنبّ نَن نَ، شَ نَ مُ عَ رَ مُشُ شَ تِنشِنيِ رَ؟

¹³عَننَبِ عِبُرَهِمَ، عَننَبِ عِسِيَفَ، نُن عَننَبِ يَشُبَ مَرِفِ عَلَ، وٌن بٍنبَيٍ مَرِفِ عَلَ، عَ بَرَ عَ شَ دَرِيّ قِ عَ شَ كٌنيِ عِسَ مَ، وٌ نَشَن يَنقَ، وٌ قَ مّي عَ رَ ثِلَتِ يَ عِ، نَشَن نُ وَ مَ عَ رَبّحِنقٍ.

¹⁴وٌ بَرَ عَلَ شَ سّنِيّنتْي نُن عَ شَ تِنشِنتْي يَنقَ. وٌ مَن قَ مَشَندِ تِ ثِلَتِ شَ قَشّتِ ندٍ رَبّحِن وٌ بّ.

¹⁵وٌ بَرَ مَرَكِسِمَ قَشَ، عَلَ نَشَ عَ رَكٍلِ قَشّ مَ. مُشُ نَ نَ قٍ سٍيدٍ رَ.

¹⁶يِ شّمّ نَشَن يِ كِ، وٌ نَشَن كٌلٌن، وٌ نَشَن تٌشِ، عَ بَرَ سّنبّ سْتْ دَنشَنِيَ كُي عِسَ شِلِ سَابُي رَ. عَ شَ دَنشَنِيَ عِسَ مَ، نَ نَن عَ يَلَنشِ وٌ بِرِن يَ شْرِ.»

¹⁷«يَكْسِ، ﭑ نفَشَكٍرٍنيِيٍ، ﭑ عَ كٌلٌن وٌ نَشَن نَبَشِ عِسَ رَ، وٌ بَرَ عَ رَبَ عَ كٌلٌنتَرٍيَ مَ، وٌ نُن وٌ شَ مَنفّيٍ.

¹⁸كْنْ عَلَ نَن يِ بِرِن نَفِرِشِ، عَلَكٌ عَ شَ وْيّنيِ شَ رَكَمَلِ، عَ نُ بَرَ نَشَن مَسٍن وَشَتِ دَنفِشِ عَ شَ نَمِحْنمّيٍ دّ رَ، عَ قَلَقٍ عَ عَ شَ مِشِ سُفَندِشِ قَمَ نّ تْورْدٍ.

¹⁹عَوَ، وٌ تُوبِ، وٌ فبِلٍن عَلَ مَ، عَلَكٌ وٌ شَ يُنُبِيٍ شَ شَقَرِ،

²⁰عَلَكٌ مَرِفِ شَ قَ بْحّسَ وَشَتِ رَ، عَ مَن شَ عِسَ شّي، عَ بَرَ نَشَن سُفَندِ وٌ بّ.

²¹كْنْ عِسَ، عَلَ شَ مِشِ سُفَندِشِ شَ لُ كٌورٍ مَ سِندٍن، هَن بٍينُن قٍ بِرِن شَ يَءِلَن، عَلْ عَلَ عَ مَسٍن كِ نَشّ عَ شَ نَمِحْنمّ سّنِيّنشِيٍ كّرّ رَ كَقِ عَ شْننَكُيٍ رَ.»

²²«عَننَبِ مُنسَ نَشَ عَ قَلَ، ‹وٌ مَرِفِ عَلَ نَمِحْنمّ ندٍ شّيمَ نّ وٌ مَ عَلْ ﭑ تَن. وٌن نفَشَكٍرٍنيِ نَن لَنشِ عَ مَ. عَ نَشَن بِرِن قَلَمَ وٌ بّ، وٌ شَ عَ سُشُ.

²³نَشَن يٌ مُ نَ نَمِحْنمّ شُي سُشُ، نَ كَنيِ بَمَ نّ عَلَ شَ حَمَ يَ مَ، عَ قَشَ.›»

²⁴«نَمِحْنمّ نَشٍيٍ بِرِن بَرَ وْيّن كَبِ عَننَبِ سَمُوٍلِ شَ تّمُي، عٍ بِرِن بَرَ يِ لْشْييٍ شَ قٍ قَلَ.

²⁵سَاتّ دِيٍ نُن نَمِحْنمّ دِيٍ نَن نَ وٌ رَ. عَلَ بَرَ سَاتّ تٌنفٌ وٌن بَبَيٍ بّ. عَ عَ قَلَ نّ عِبُرَهِمَ بّ، ‹دُنِحَ بِرِن قَمَ هّيرِ سْتْدٍ عِ بْنسْي نَن سَابُي رَ.›

²⁶عَلَ تٌ بَرَ عَ شَ كٌنيِ رَكٍلِ قَشّ مَ، عَ عَ شّي وٌ تَن نَن سِنفٍ مَ، عَ شَ دُبَ وٌ بّ، عَ شَ كَنكَن نَفبِلٍن قٍ كٌبِيٍ قْشْ رَ.»