تَرُشُي 10

¹شّمّ ندٍ نُ نَ سٍسَرٍ نَشَن نُ شِلِ كٌرٌنٍلِيٌ. سْورِ كّمّ شُنمَتِ نَن نُ عَ رَ عِتَلِ سْورِ فَلِ يَ مَ.

²دِينّلَ نَن نُ عَ رَ. عَ تَن نُن عَ شَ مِشِ بِرِن نُ فَاشُشِ عَلَ يَ رَ. عَ نُ سٍتَرٍيٍ مَلِمَ عَ فبٍفبٍ رَ، عَ مَن نُ عَلَ مَشَندِ مَ تّمُي بِرِن.

³نُنمَرٍ رَ، عَ نَشَ عَلَ شَ مَلٍكّ ندٍ تٌ لَامَتُنيِ رَ، عَ سٌقٍ عَ شْنيِ. مَلٍكّ نَشَ عَ شِلِ، «كٌرٌنٍلِيٌ.»

⁴كٌرٌنٍلِيٌ تٌ عَ تٌ، عَ نَشَ فَاشُ. عَ نَشَ عَ قَلَ، «مَرِفِ، مُنسٍ نِيَشِ؟» مَلٍكّ نَشَ عَ قَلَ عَ بّ، «عَلَ بَرَ عِ شَ مَشَندِ سُشُ. عَ بَرَ رَتُ عِ مَ، عِ بَرَ نَشَن نَبَ سٍتَرٍيٍ بّ.

⁵يَكْسِ، عِ شَ مِشِ ندٍيٍ شّي يَقَ عٍ شَ قَ سِمْن نَ، نَشَن شِلِ قَلَمَ ثِيّرِ.

⁶عَ يِفِيَشِ سِمْن فَرَنفٍ شْنيِ بَا دّ رَ.»

⁷مَلٍكّ تٌ فّ وْيّندٍ، عَ نَشَ سِفَ. كٌرٌنٍلِيٌ نَشَ كٌنيِ قِرِن شِلِ، عَ نُن عَ شَ سْورِ دِينّلَ، نَشَن نُ وَلِمَ عَ بّ.

⁸عَ نَشَ يِ قٍ بِرِن يَبَ عٍ بّ، عَ قَ عٍ شّي يَقَ.

⁹نَ كُيٍ عِبَ يَنيِ تَفِ حْندْن، عٍ نُ نَ كِرَ شْن مَ تّمُي نَشّ، عٍ مَكْرّ تَا رَ، ثِيّرِ نَشَ تٍ كٌورٍ بَنشِ قَرِ عَ شَ عَلَ مَشَندِ.

¹⁰نَ تّمُي كَامّ نَشَ عَ سُشُ، عَ نُ وَ مَ عَ دّفٍقٍ. بٍينُن دٌنسٍ شَ فّ يَءِلَندٍ، عَ نَشَ لَامَتُنيِ تٌ.

¹¹عَ نَشَ كٌورٍ تٌ عَ رَبِشِ، سٍ ندٍ نَشَ فٌرٌ بْشِ عَلْ دُفِ، عَ شِرِشِ عَ تُنشُن نَانِيٍ مَ.

¹²سُبٍيٍ، بُبُسٍيٍ، نُن شْنِ بِرِن نُ نَ نَ دُفِ كُي.

¹³شُي ندٍ نَشَ عَ قَلَ، «ثِيّرِ، كٍلِ، عِ سُبٍ ندٍ قَشَ، عِ شَ عَ دٌن.»

¹⁴كْنْ ثِيّرِ نَشَ عَ يَابِ، «عَدٍ، مَرِفِ. ﭑ مُ نُ سٍ رَهَرَ مُشِ دٌن سِندٍن، شَ نَ مُ عَ رَ سٍ سّنِيّنتَرٍ.»

¹⁵شُي نَشَ وْيّن عَ بّ عَ قِرِن ندٍ، «عَلَ بَرَ سٍ نَشَن نَسّنِيّن عِ نَشَ عَ قَلَ عَ سّنِيّنتَرٍ.»

¹⁶نَ نَشَ رَبَ سَنيَ سَشَن. نَ شَنبِ، نَ دُفِ مَن نَشَ تٍ كٌورٍ مَ.

¹⁷ثِيّرِ تٌ نُ عَ مَحْشُنقٍ نَ لَامَتُنيِ مَ، عَ وَ مَ نَشَن مَسٍنقٍ، كٌرٌنٍلِيٌ شَ شّيرَيٍ نُ بَرَ سِمْن شْنيِ مَشْرِن. عٍ نَشَ تِ نَادّ رَ.

¹⁸عٍ نَشَ مَشْرِنيِ تِ شَ سِمْن يِفِيَشِ نَا نّ، عٍ نَشَن شِلِ قَلَمَ ثِيّرِ.

¹⁹ثِيّرِ نُ عَ مَحْشُنقٍ لَامَتُنيِ مَ تّمُي نَشّ، عَلَ شَشِلِ نَشَ عَ مَسٍن عَ بّ، «شّمّ سَشَن نَ عِ مَشْرِنقٍ.

²⁰كٍلِ، عِ شَ فٌرٌ، وٌ بِرِن شَ سِفَ. عِ نَشَ سِيكّ، بَرِ مَ ﭑ تَن نَن عٍ شّيشِ.»

²¹عَوَ، ثِيّرِ نَشَ فٌرٌ، عَ نَشَ عَ قَلَ نَ شّمّيٍ بّ، «ﭑ تَن نَن يِ كِ وٌ نَشَن قٍنقٍ. وٌ قَشِ مُنقٍ مَ؟»

²²عٍ نَشَ دّنتّفّ سَ، «كٌرٌنٍلِيٌ، سْورِ مِشِ كّمّ شُنمَتِ، نَن مُشُ شّيشِ. شّمّ تِنشِنشِ نَ عَ رَ، نَشَن فَاشُشِ عَلَ يَ رَ. يُوِقِيٍ بِرِن عَ شِلِ قَنيِ قَلَمَ. عَلَ شَ مَلٍكّ سّنِيّنشِ بَرَ عَ مَسٍن عَ بّ عَ شَ عِ رَقَ عَ شْنيِ عَلَكٌ عَ شَ عِ شَ مَسٍنيِ رَ مّ.»

²³عَوَ، ثِيّرِ نَشَ عٍ يِفِيَ. نَ كُيٍ عِبَ، عَ نَشَ كٍلِ، عٍ بِرِن نَشَ سِفَ. يَقَكَ دَنشَنِيَتْي ندٍيٍ قَن نَشَ عٍ مَتِ.

²⁴نَ كُيٍ عِبَ، عٍ نَشَ سٌ سٍسَرٍ، كٌرٌنٍلِيٌ نُ عٍ مَمّقٍ دّننَشّ. عَ نُ بَرَ عَ شَ مِشِيٍ نُن عَ بٌورٍ قَنيِيٍ مَلَن.

²⁵ثِيّرِ تٌ سٌ، كٌرٌنٍلِيٌ نَشَ عَ رَلَن، عَ نَشَ عَ يّتّ مَفٌرٌ عَ بّ.

²⁶كْنْ ثِيّرِ نَشَ عَ رَكٍلِ، عَ نَشَ عَ قَلَ، «كٍلِ، مِشِ نَن نَ ﭑ قَن نَ.»

²⁷عٍ نَشَ سٌ بَنشِ عٍ وْيّنمَ عٍ بٌرٍ رَ. ثِيّرِ نَشَ مِشِ فبٍفبٍ مَلَنشِ لِ نَا.

²⁸عَ نَشَ عَ قَلَ عٍ بّ، «وٌ عَ كٌلٌن تْنيِ دْشْشِ يُوِقِيٍ مَ عٍ نُن سِ فبّتّ بْنسْي نَشَ لُ يِرٍ كٍرٍن، شَ نَ مُ عَ رَ سٌقٍ رَ عٍ شْنيِ. كْنْ عَلَ بَرَ عَ مَسٍن ﭑ بّ عَ ﭑ نَشَ مِشِ يٌ مَحْشُن سّنِيّنتَرٍ رَ.

²⁹نَ نَ عَ رَ، وٌ تٌ ﭑ شِلِ، ﭑ مُ تٌندِ قَدٍ. عَوَ، وٌ ﭑ شِلِشِ مُنقٍ مَ؟»

³⁰كٌرٌنٍلِيٌ نَشَ عَ مَسٍن عَ بّ، «نَ شِ نَانِ نَن يِ كِ، ﭑ نُ سَلِقٍ ﭑ مَ بَنشِ كُي نُنمَرٍ تّمُي. شّمّ ندٍ نَشَ مِنِ ﭑ مَ، عَ شَ سٌسٍيٍ يَنبَمَ.

³¹عَ نَشَ عَ مَسٍن ﭑ بّ، ‹كٌرٌنٍلِيٌ، عَلَ بَرَ عِ شَ مَشَندِ سُشُ. عَ بَرَ رَتُ عَ مَ عِ بَرَ نَشَن نَبَ سٍتَرٍيٍ بّ.

³²عَوَ، مِشِيٍ شّي يَقَ، عٍ شَ قَ سِمْن ثِيّرِ رَ بٍ. عَ يِفِيَشِ سِمْن فَرَنفٍ شَ بَنشِ كُي، بَا دّ رَ.›

³³ﭑ نَشَ مِشِيٍ شّي كٍرٍن نَ. مُشُ بَرَ حّلّشِن كِ قَنيِ عِ قَقٍ رَ. عَوَ، يَكْسِ مُشُ بِرِن نَ عَلَ يَ عِ. عِ شَ مَسٍنيِ تِ مُشُ بّ، مَرِفِ بَرَ عِ يَمَرِ نَشَن بِرِن نَ.»

³⁴عَوَ، وْيّنيِ تٌ سٌ ثِيّرِ يِ، عَ نَشَ عَ مَسٍن، «يَكْسِ ﭑ بَرَ عَ كٌلٌن نْندِ نَن يَتِ عَ رَ، عَلَ مُ مِشِ يٌ رَقِسَشِ عَ بٌورٍ بّ.

³⁵عَ وَ مَ مِشِ بِرِن شْن، سِيٍ بِرِن يَ مَ، نَشٍيٍ فَاشُمَ عَ يَ رَ، نَشٍيٍ تِنشِن.

³⁶عَلَ بَرَ شِبَارُ قَنيِ مَسٍن عِسِرَيِلَ حَمَ بّ. عَ بَرَ عَ مَسٍن عٍ بّ عَ بْحّسَ سْتْمَ دُنِحَ مَرِفِ عِسَ، عَلَ شَ مِشِ سُفَندِشِ نَن نَ.

³⁷وٌ عَ كٌلٌن نَشَن نَبَشِ قْلْقٍ فَلِلٍ بْشِ مَ، دْشْقٍ يُدَيَ بِرِن نَ. يَيَ نُ بَرَ كَوَندِ تِ مِشِيٍ شَ عٍ شُنشَ يٍ شْورَ.

³⁸نَ تّمُي عَلَ نَشَ عِسَ نَسَرّتِكَ سُفَندِ، عَلَ شَشِلِ سّنِيّنشِ نُن سّنبّ نَشَ فٌرٌ عَ مَ. عِسَ نَشَ سِفَ يِرٍ بِرِن، عَ نُ قٍ قَنيِ رَبَ، عَ نُ مِشِ بِرِن نَيَلَن نَشٍيٍ نُ نَ عِبُلِسَ شَ كٌنيِيَ بُن. عَلَ نُ نَ عَ قْشْ رَ.»

³⁹«يِ قٍ بِرِن سٍيدٍ نَن مُشُ رَ عَ نَشَن نَبَ يُوِقِيٍ شَ بْشِ مَ نُن دَرِ سَلَمُ. عٍ نَشَ عَ بَنبَن وُرِ مَ، عَ قَشَ.

⁴⁰كْنْ عَلَ نَشَ عَ رَكٍلِ قَشّ مَ شِ سَشَن لْشْي، دُنِحَ شَ عَ تٌ.

⁴¹عَ مُ تِن عَ مَكّنّندٍ بِرِن بّ، كْنْ عَ نَشَ عَ يّتّ مَسٍن مُشُ بّ، عَلَ نَشٍيٍ سُفَندِشِ عٍ شَ قِندِ سٍيدٍيٍ رَ. مُشُ نُن عِسَ بَرَ دٌنسٍ دٌن، مُشُ بَرَ يٍ مِن عَ كٍلِ شَنبِ قَشّ مَ.

⁴²عِسَ نَشَ مُشُ يَمَرِ، مُشُ شَ كَوَندِ تِ مِشِيٍ بّ، عٍ شَ عَ كٌلٌن عَلَ نَن عِسَ تِشِ كِيتِسَ رَ مِشِ بَلٌشِيٍ نُن مِشِ قَشَشِيٍ شُن مَ.

⁴³نَمِحْنمّ بِرِن نُ بَرَ عَ شَ قٍ قَلَ، نَشَن نَ دَنشَنِيَ عَ مَ نَ كَنيِ شَ يُنُبِ شَقَرِ مَ نّ عَ شِلِ سَابُي رَ.»

⁴⁴ثِيّرِ تٌ نُ وْيّنمَ، نَشٍيٍ بِرِن نُ يِ مَسٍنيِ رَ مّقٍ، عَلَ شَشِلِ سّنِيّنشِ نَشَ فٌرٌ عٍ مَ.

⁴⁵دَنشَنِيَتْي سُننَشِيٍ نَشٍيٍ ثِيّرِ مَتِ نَا، عٍ نَشَ كَابَ يِ قٍ مَ، عَلَ شَشِلِ سّنِيّنشِ فٌرٌقٍ سُننَتَرٍيٍ قَن مَ،

⁴⁶بَرِ مَ عٍ نَشَ عٍ شُي مّ عٍ نَ عَلَ مَتْشْقٍ شُي فبّتّيٍ رَ.

⁴⁷عَوَ، ثِيّرِ نَشَ مَشْرِنيِ تِ، «مِشِ ندٍ نْمَ تٌندِدٍ يِ مِشِيٍ شَ شُنشَ يٍ شْورَ؟ عٍ قَن بَرَ عَلَ شَشِلِ سّنِيّنشِ سْتْ عَلْ وٌن قَن عَ سْتْشِ كِ نَشّ.»

⁴⁸عَ نَشَ يَامَرِ قِ قَ عٍ شَ عٍ شُنشَ يٍ شْورَ عِسَ شِلِ رَ. نَ شَنبِ عٍ نَشَ ثِيّرِ مَيَندِ عَ شَ لُ عٍ شْنيِ نَ سَشَنيِ.