1نَ تّمُي، ﭑ نَ يُدَ نُن دَرِ سَلَمُ رَفبِلٍن عٍ شْنيِ،
2ﭑ سِ بِرِن مَلَنمَ نّ يٍهٌسَقَتِ فُلُنبَ كُي.
3عٍ ﭑ مَ حَمَ رَبَ عٍ سَفٌ رَ.
4«وٌ تَن تِرٍكَيٍ، سِدْنكَيٍ، نُن قِلِسِتَكَيٍ، وٌ وَ مَ مُنسٍ شْن مَ ﭑ بّ؟ وٌ وَ مَ وٌ فبٍ نَن حْشْقٍ ﭑ مَ؟ شَ نَ نَ عَ رَ، ﭑ وٌ سَرٍ قِمَ نّ وٌ شَ وَلِ رَ مَقُرٍن مَقُرٍن.
5وٌ بَرَ ﭑ مَ شّيمَ نُن ﭑ مَ فبٍتِ تٌنفٌ ﭑ مَ هْرْ مْبَنشِ كُي، وٌ قَ عَ رَ سٌ وٌ شَ كُيٍ بَنشِيٍ كُي.
6وٌ بَرَ يُدَكَيٍ نُن دَرِ سَلَمُكَيٍ مَتِ فِرّكِكَيٍ مَ، عَلَكٌ عٍ شَ مَكُيَ عٍ شْنيِ رَ.»
7«ﭑ عٍ رَ مَشَمَ نّ عَلَكٌ عٍ شَ كٍلِ يِرٍ وٌ عٍ مَتِشِ دّننَشّ، ﭑ قَ وٌ سَرٍ قِ وٌ شَ وَلِ حَاشِ رَ.
8ﭑ وٌ شَ دِ شّمّيٍ نُن دِ فِنّيٍ مَتِمَ نّ يُدَكَيٍ مَ، عَلَكٌ عٍ قَن شَ عٍ مَتِ سٍبَكَيٍ مَ نَشٍيٍ مَكُيَ وٌ رَ.» عَلَتَلَ شَ مَسٍنيِ نَن نَ كِ.
9«وٌ يِ قَلَ دُنِحَ سِيٍ بّ؛
10وٌ شَ وٌ شَ كٍرِيٍ يَءِلَن سَنتِدّفّمَيٍ رَ،
11وٌ شَ قَ بٍ،
12سِيٍ شَ كٍلِ، عٍ شَ مَلَن يٍهٌسَقَتِ فُلُنبَ كُي،
13وٌ شَ وْرْتّيٍ تٌنفٌ، بَرِ مَ شّ بَرَ مْ!
14حَمَيٍ، وٌ شَ فٌرٌ كِيتِسَ فُلُنبَ كُي،
15سٌفٍ نُن كِكٍ دِ مِمَ نّ،
16عَلَتَلَ قَمَ نّ عَ شَاحّ شُي رَ مِنِدٍ كٍلِقٍ سِيٌنِ،
17نَ كُي، وٌ عَ كٌلٌنمَ عَ ﭑ تَن نَن وٌ مَرِفِ عَلَتَلَ رَ،
18نَ لْشْي، وّنِ نّينّ نُن شِحّ فبٌمَ نّ فٍيَيٍ مَ.
19كْنْ مِسِرَ بْشِ لُمَ نّ كَنَ رَ،
20كْنْ حَمَ سَبَتِمَ نّ يُدَيَ نُن دَرِ سَلَمُ وَشَتِ بِرِن.
21ﭑ عٍ شَ يُنُبِ شَقَرِ مَ نّ عٍ نُ بَرَ نَشَن نَبَ.