رْ مَ 3

¹تِدٍ مُندُن قَ نَ قِندِقٍ يُوِقِ رَ؟ سُننّ تِدٍ نَ نَ يِرٍ؟

²عِيٌ، يِ قٍيٍ تِدٍ فبٌ كِ قَنيِ. عَ قْلّ رَ، عَلَ عَ شَ مَسٍنيِ تَشُ يُوِقِيٍ نَن نَ.

³كْنْ شَ عَ سَ لِ فٌ، ندٍيٍ نَ عٍ يَ مَ عٍ كٌبٍ رَ سٌشِ عَلَ رَ، نَ نْمَ عَ نِيَدٍ عَلَ قَن شَ عَ كٌبٍ رَ سٌ عٍ رَ؟

⁴عَستْقُلَهِ. عَدَ مَدِ بِرِن قِندِشِ وُلٍ قَلّ نَن نَ، كْنْ عَ شَ كٌلٌن عَ عَلَ نْندِ كَنيِ مُ نْمَ وُلٍ قَلَدٍ. عَ سّبّشِ كِتَابُي كُي؛

⁵كْنْ شَ وٌن مَ تِنشِنتَرٍيَ قَ عَ مَسٍنمَ نّ مِشِيٍ بّ عَ عَلَ تِنشِن، وٌن قَ نَ مَ دِ؟ عَلَ نَ شْنْ وٌن مَ، وٌن شَ عَ قَلَ عَ مُ تِنشِن؟ ﭑ وْيّنقٍ نّ عَلْ مِشِيٍ وْيّنمَ كِ نَشّ.

⁶عَستْقُلَهِ! شَ عَلَ مُ تِنشِن، عَ دُنِحَ مَكِيتِمَ دِ؟

⁷ندٍ نْمَ عَ قَلَدٍ، «شَ ﭑ مَ وُلٍ عَلَ شَ نْندِ مَكّنّنمَ دُنِحَ بّ عَلَكٌ عَلَ شَ تَنتُي سْتْ، مُنقٍ رَ عَ قَ ﭑ قِندِ مَ يُنُبِتْي رَ؟»

⁸وٌن حَن شَ عَ قَلَ، «وٌن شَ قٍ حَاشِ رَبَ عَلَكٌ عَ شَ سَ قِندِ قٍ قَنيِ رَ.» مُشُ شِلِ كَنّيٍ نَ نَن قَلَمَ مُشُ شُن مَ، عَ مُشُ شَ مَسٍنيِ نَن نَ كِ. كْنْ عَلَ نَ عٍ مَكِيتِ، عٍ قَن عٍ سَرٍ سْتْمَ نّ.

⁹وٌن مُنسٍ قَلَمَ قَ؟ وٌن شَ عَ قَلَ عَ وٌن تَن يُوِقِيٍ تِنشِن دَنفِ سِ فبّتّيٍ رَ؟ عَدٍ، نَ مُ عَ رَ قٍوٌ، بَرِ مَ عَلْ وٌن حَن بَرَ عَ تٌ، يُوِقِيٍ بَ، سِ فبّتّيٍ بَ، بِرِن نَ يُنُبِ نَن شَ نْي بُن مَ.

¹⁰عَ سّبّشِ؛

¹¹قٍ كٌلٌنيِ يٌ مُ نَ،

¹²بِرِن بَرَ كِرَ قَنيِ بّحِن،

¹³عٍ دّ قِندِشِ فَبُرِ دّ عِبِشِ نَن نَ،

¹⁴دَنكّ نُن وْيّن شْنّ نَن عٍ دّ رَقٍشِ.

¹⁵عٍ سَنيِ شُلُن وُلِ رَ مِنِقٍ رَ،

¹⁶عٍ دَنفِ دّدّ، عٍ كَنَرِ نُن نِمِسّ نَن لُمَ عٍ شَنبِ رَ.

¹⁷عٍ مُ بْحّسَ كِرَ كٌلٌن،

¹⁸عٍ مُ عَلَ يَرَفَاشُي كٌلٌن.»

¹⁹وٌن عَ كٌلٌن عَلَ شَ سّرِيّ نَشَن بِرِن مَسٍنشِ، عَ عَ مَسٍنشِ مِشِيٍ نَن بّ نَشٍيٍ نَ عَ شَ سّرِيّ نْي بُن مَ، عَلَكٌ دّ بِرِن شَ بَلَن، سّرِيّ شَ بِرِن سُشُ عَلَ يَ عِ.

²⁰نَ كُي، عَدَ مَدِ يٌ مُ قِندِ مَ تِنشِنتْي رَ عَلَ يَ عِ سّرِيّ رَبَتُقٍ سَابُي رَ، بَرِ مَ سّرِيّ تَن يُنُبِ نَن تُن مَكّنّنمَ، عَدَ مَدِ شَ عَ كٌلٌن عَ يُنُبِتْي نَ عَ رَ.

²¹كْنْ يَكْسِ، تِنشِنيِ بَرَ مَكّنّن نَشَن مُ كٍلِمَ سّرِيّ رَبَتُقٍ مَ. عَ كٍلِمَ عَلَ يّتّ نَن مَ، عَلْ عَ سّبّشِ سّرِيّ نُن نَمِحْنمّيٍ شَ كِتَابُييٍ كُي كِ نَشّ.

²²يِ تِنشِنيِ نَشَن كٍلِمَ عَلَ مَ عَ سْتْمَ دَنشَنِيَ نَن سَابُي رَ، بِرِن عَ سْتْ نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ. عَلَ مُ مِشِ يٌ رَقِسَشِ عَ بٌورٍ بّ،

²³بَرِ مَ بِرِن قِندِشِ يُنُبِتْي نَن نَ، بِرِن بَرَ فَن عَلَ شَ نْرّ رَ،

²⁴بِرِن تِنشِنيِ سْتْمَ عَلَ شَ هِننّ نَن تُن سَابُي رَ. عَلَ عَدَ مَ كِمَ يِ تِنشِنيِ رَ وٌن شُنسَرَ مَ عِسَ نَن سَابُي رَ، عَ شَ مِشِ سُفَندِشِ.

²⁵عَلَ عَ تَن نَن قِندِ سّرّشّ رَ، عَ وُلِ رَ مِنِشِ نّ عَلَكٌ نَشٍيٍ نَ دَنشَنِيَ عَ مَ، عٍ شَ يُنُبِيٍ شَ شَقَرِ. يِ عَ مَسٍنشِ نّ عَ عَلَ تِنشِن، بَرِ مَ عَ شَ دِحّ كُي، عَ نُ بَرَ عَدَ مَدِيٍ شَ يُنُبِيٍ لُ نَ عٍ مُ مَكِيتِ، عٍ نَشٍيٍ رَبَشِ وَشَتِ دَنفِشِ.

²⁶كْنْ يِ وَشَتِ عَلَ بَرَ عَ شَ تِنشِنيِ مَسٍن عَلَكٌ بِرِن شَ عَ كٌلٌن عَ عَ تِنشِن، عٍ مَن شَ عَ كٌلٌن عَ عَ تَن نَن تِنشِنيِ قِمَ مِشِ مَ نَشَن دَنشَنِيَشِ عِسَ مَ.

²⁷نَ كُي، مِشِ قَ عَ يّتّ عِفبٌمَ مُنسٍ شَ قٍ رَ؟ قٍقٍ! مُنقٍ رَ؟ مِشِ نْمَ عَ يّتّ مَتْشْدٍ عَ تٌ دِينّ سّرِيّ رَبَتُشِ؟ عَدٍ، بَرِ مَ تِنشِنيِ سْتْمَ دَنشَنِيَ نَن تُن سَابُي رَ.

²⁸وٌن عَ كٌلٌن عَ دَنشَنِيَ نَن مِشِ مَتِنشِنمَ عَلَ يَ عِ، سّرِيّ شَ كّوَلِيٍ شَ مُ عَ رَ.

²⁹كَ عَلَ قِندِشِ يُوِقِيٍ فبَنسَن نَن مَرِفِ عَلَ رَ؟ سِ فبّتّيٍ قَن مَرِفِ عَلَ شَ مُ عَ رَ؟ عِيٌ، سِ فبّتّيٍ قَن مَرِفِ عَلَ نَن يَتِ عَ رَ،

³⁰بَرِ مَ عَلَ كٍرٍن ثٍتِ نَ عَ رَ. عَ تَن نَن مِشِ سُننَشِيٍ مَتِنشِنمَ عَ يَ عِ دَنشَنِيَ سَابُي رَ، عَ مَن تِنشِنيِ قِمَ سُننَتَرٍيٍ قَن مَ نَ دَنشَنِيَ كٍرٍنيِ نَن سَابُي رَ.

³¹وٌن قَ نَ مَ دِ؟ وٌن شَ عَ قَلَ عَ عَلَ شَ سّرِيّ تِدٍ مُ نَ وٌن تٌ دَنشَنِيَشِ عِسَ مَ؟ عَستْقُلَهِ! وٌن حَن بَرَ عَلَ شَ سّرِيّ تِدٍ رَ مِنِ.