لُكِ 11

¹لْشْ ندٍ، عِسَ نُ نَ عَلَ مَشَندِقٍ يِرٍ ندٍ. عَ تٌ فّ، عَ قْشِرَبِرّ ندٍ نَشَ عَ قَلَ عَ بّ، «مَرِفِ، مُشُ تِنكَن عَلَ مَشَندِدٍ عَلْ يَيَ عَ قْشِرَبِرّيٍ تِنكَنشِ كِ نَشّ.»

²عِسَ نَشَ عَ مَسٍن عٍ بّ، «وٌ نّ عَلَ مَشَندِ مَ، وٌ شَ عَ قَلَ،

³بَلٌي قِ مُشُ مَ لْشْي بِرِن،

⁴دِحّ مُشُ شَ يُنُبِيٍ مَ،

⁵عِسَ مَن نَشَ عَ مَسٍن عٍ بّ، «شَ عَ سَ لِ، وٌ يَ مَ مِشِ ندٍ نَشَ سِفَ عَ بٌورٍ ندٍ شْن كْي تَفِ، عَ عَ قَلَ عَ بّ، ‹ﭑ بٌورٍ، تَامِ سَشَن دٌنِ ﭑ بّ،

⁶بَرِ مَ شْحّ ندٍ نَن قَشِ ﭑ بّ كٍلِ بِيَاسِ، عَ قَ لِ دٌنسٍ يٌ مُ نَ ﭑ نَشَن سٌمَ عَ يِ.›»

⁷«شَ عَ سَ لِ فٌ، بَنشِ كَنيِ عَ يَابِ، ‹بَ ﭑ تْورْقٍ! نَادّ بَلَنشِ، ﭑ تَن نُن ﭑ مَ دِيٍ بِرِن سَشِ. ﭑ مُ نْمَ كٍلِدٍ قَ ﭑ شَ تَامِ سٌ عِ يِ!›

⁸ﭑ شَ عَ قَلَ وٌ بّ، بَنشِ كَنيِ مُ كٍلِمَ عَ شَ عَ بٌورٍ مَلِ عٍ شَ دْشْبٌورٍيَ مَ. كْنْ عَ بٌورٍ شَ لِشِرِنيِ تَن، نَ نَن عَ نِيَمَ بَنشِ كَنيِ شَ كٍلِ، عَ عَ بٌورٍ هَيِ بِرِن قَن.»

⁹«ﭑ شَ عَ قَلَ وٌ بّ،

¹⁰مِشِ نَشَن بِرِن مَشَندِ تِمَ، عَ عَ سْتْمَ نّ.

¹¹«بَبَ مُندُن نَ وٌ يَ مَ نَشَن شَ دِ يّشّ مَشْرِنمَ عَ مَ، عَ سَ بْشِمَسٍ سٌ عَ يِ رَ؟

¹²شَ عَ سَ تْشّلّ نَن مَشْرِن وٌ مَ، وٌ نْمَ تَلِ سٌدٍ عَ يِ رَ؟

¹³شَ وٌ تَن مِشِ كٌبِيٍ قَتَ سٍ قَنيِيٍ قِدٍ وٌ شَ دِيٍ مَ، بَبَ عَلَ نَشَن نَ عَرِيَننَ، عَ دَنفِ وٌ رَ ثٌن! عَ عَ شَشِلِ سّنِيّنشِ قِمَ نّ عَ مَشَندِ مَيٍ مَ.»

¹⁴عِسَ نَشَ حِننّ ندٍ كٍرِ شّمّ قْشْ رَ نَشَن نُ بَرَ عَ كَنيِ قِندِ بٌبٌي رَ. عِسَ تٌ نَ حِننّ كٍرِ، بٌبٌي نَشَ وْيّن، حَمَ نَشَ كَابَ.

¹⁵كْنْ مِشِ ندٍيٍ نُ نَ عٍ يَ مَ، نٍيٍ عَ قَلَ، «عَ حِننّيٍ كٍرِ مَ حِننّ مَنفّ بّلّسّبُلُ نَن سَابُي رَ.»

¹⁶مِشِ فبّتّيٍ نَشَ فَنتَنيِ سَ عَ يَ رَ عَ مَشْرِنقٍ رَ عَلَ شَ تْنشُمَ ندٍ مَ.

¹⁷عِسَ تٌ عٍ شَ مَحْشُنيِ بِرِن كٌلٌن، عَ نَشَ عَ مَسٍن عٍ بّ، «لَنتَرٍيَ نَ مَنفّيَ نَشَن كُي، عَ مُ بُمَ. دٍنبَيَ لَنتَرٍيٍ قَن، عٍ كَنَمَ نّ.

¹⁸سٍنتَنّ شَ مَنفّيَ نْمَ بُدٍ شَ لَنتَرٍيَ نَ عَ كُي؟ وٌ نَشّ عَ ﭑ حِننّ كٍرِ مَ بّلّسّبُلُ سَابُي نَن نَ.

¹⁹شَ ﭑ تَن حِننّيٍ كٍرِ مَ بّلّسّبُلُ نَن سَابُي رَ، وٌ تَن شَ مِشِيٍ قَ عٍ كٍرِ مَ ندٍ سَابُي رَ؟ نَ كُي، عٍ تَن نَن يَتِ وٌ مَكِيتِمَ.

²⁰كْنْ شَ ﭑ تَن حِننّ كٍرِ مَ عَلَ سّنبّ نَن سَابُي رَ، عَلَ شَ مَنفّيَ نِينِ يَتِ نَن بَرَ وٌ لِ.»

²¹«شَ سّنبّمَ عَ شَ بَنشِ كَنتَمَ فٍرٍ سٌسٍ رَ، عَ هَرِفٍ بِرِن نَ كَنتَرِ نَن كُي.

²²كْنْ شّمّ فبّتّ نَ قَ نَشَن سّنبّ فبٌ عَ بّ، عَ نْمَ نّ عَ رَ، عَ عَ شَ فٍرٍ سٌسٍيٍ بَ عَ يِ عَ نُ لَشِ نَشٍيٍ رَ، عَ عَ هَرِفٍ بِرِن عِتَشُن مِشِ فبّتّيٍ رَ.»

²³«مِشِ نَشَن مُ ﭑ قْشْ رَ، عَ تِشِ ﭑ كَنكٍ نّ. نَشَن مُ ﭑ مَلِمَ مِشِ سْتْدٍ، عَ نَ مِشِيٍ رَيٍنسٍنقٍ نّ.»

²⁴«حِننّ نَ فبِلٍن مِشِ قْشْ رَ، عَ سِفَمَ يِرٍ مَشَرٍ لِنفِرَ فبّتّ قٍندٍ، كْنْ عَ مُ عَ تٌمَ. نَ تّمُي عَ عَ قَلَمَ عَ يّتّ بّ، ‹ﭑ شَ فبِلٍن ﭑ مَ بَنشِ كُي ﭑ كٍلِشِ دّننَشّ.›

²⁵عَ نَ فبِلٍن مّننِ، عَ عَ لِمَ نّ نَ بَنشِ مَكْشِ، عَ رَشُنمَشِ عَ قَنيِ رَ.

²⁶نَ تّمُي، عَ سِفَمَ نّ عَ سَ قَ حِننّ سٌلٌقٍرٍ فبّتّيٍ رَ نَشٍيٍ حَاشُ عَ بّ، عٍ بِرِن سٌ نَ بَنشِ كُي، عٍ سَبَتِ نَا. نَ كُي، نَ مِشِ شَ قٍ حَاشُمَ نّ دَنفِقٍ سِنفٍ رَ.»

²⁷عِسَ تٌ نُ يِ قٍيٍ قَلَقٍ، فِنّ ندٍ نَشَ عَ شُي عِتٍ حَمَ تَفِ، «سّيوّ نَ فِنّ بّ نَشَن عِ بَرِ، عَ شِحّ قِ عِ مَ!»

²⁸كْنْ عِسَ نَشَ عَ يَابِ، «سّيوّ نَ مِشِيٍ نَن بّ نَشٍيٍ عَلَ شَ مَسٍنيِ رَ مّمَ، عٍ عَ رَبَتُ.»

²⁹حَمَ تٌ نُ عِسَ شّتّنقٍ، عِسَ نَشَ عَ مَسٍن عٍ بّ، «تٌ مِشِيٍ كٌبِ. عٍ وَ مَ تْنشُمَ مَكَابَشِ تٌقٍ، كْنْ تْنشُمَ يٌ مُ قِمَ عٍ مَ بَقٍ عَننَبِ يُنُسَ شَ تْنشُمَ رَ.

³⁰عَننَبِ يُنُسَ قِندِ تْنشُمَ رَ نِنٍوٍكَيٍ بّ كِ نَشّ، عَدَ مَ شَ دِ قَن قِندِ مَ تْنشُمَ رَ نَ كِ نّ يِ وَشَتِ مِشِيٍ بّ.

³¹كِيتِ لْشْي، سٍيبَ مَنفّ فِنّ قَن تِمَ نّ عٍ نُن تٌ مِشِيٍ، عَ سٍيدٍحْشْيَ بَ وٌ شِلِ مَ، بَرِ مَ عَ تَن قَ نّ كٍلِقٍ يِرٍ مَكُيٍ سُلٍمَنِ شَ لْننِ رَ مّدٍ، عَ قَ لِ نَشَن نَ وٌ يِرٍ يِ كِ بٍ، عَ تِدٍ فبٌ سُلٍمَنِ بّ.

³²كِيتِ سَ لْشْي، نِنٍوٍكَيٍ قَن كِيتِ تِنشِنشِ سَمَ نّ يِ وَشَتِ مِشِيٍ مَ، بَرِ مَ نِنٍوٍكَيٍ تُوبِ يُنُسَ شَ كَوَندِ نَن سَابُي رَ، كْنْ يَكْسِ مِشِ ندٍ نَ بٍ نَشَن شَ قٍ فبٌ عَننَبِ يُنُسَ بّ.»

³³«مِشِ يٌ مُ لَنثُي رَدّشّمَ عَ مَن قَ عَ نْشُن يِرٍ ندٍ، شَ نَ مُ عَ رَ عَ دٍبٍ قٍلٍن عَ شُن. عَ عَ دْشْمَ لَنثُي دْشْسٍ نَن قَرِ عَلَكٌ نَشٍيٍ سٌمَ بَنشِ، عٍ شَ عَ تّ دّشّ تٌ.»

³⁴«عِ يَ نَن نَ عِ قَتٍ شَ لَنثُي رَ. شَ عِ يَ قَن، عِ قَتٍ بِرِن عِيَلَنمَ نّ، كْنْ شَ عِ يَ مُ قَن، عِ قَتٍ لُمَ دِ مِ نَن كُي.

³⁵نَ كُي، عِ مَحْشُن كِ قَنيِ شَ نَءِيَلَنيِ نَشَن نَ عِ بْحّ كُي مُ قِندِشِ دِ مِ رَ.

³⁶شَ عِ قَتٍ بِرِن عِيَلَنشِ، دّدّ مُ قَ نَ دِ مِ كُي، عَ بِرِن لُمَ نّ نَءِيَلَنيِ كُي عَلْ لَنثُي دّشّ نَ تِ عِ مَ.»

³⁷عِسَ تٌ فّ وْيّندٍ، قَرِ سّنِ ندٍ نَشَ عِسَ مَشْرِن عٍ شَ سَ عٍ دّفٍ. عِسَ تٌ سٌ قَرِ سّنِ شْنيِ، عَ نَشَ عَ مَفٌرٌ.

³⁸قَرِ سّنِ نَشَ كَابَ، عَ تٌ عَ تٌ عِسَ مُ عَ بّلّشّ رَشَ يُوِقِيٍ شَ نَامُنيِ كِ مَ بٍينُن عَ شَ عَ دّفٍ.

³⁹نَ كُي، مَرِفِ نَشَ عَ قَلَ عَ بّ، «وٌ تَن قَرِ سّنِيٍ، وٌ ثْوتِ نُن ثِلٍتِ قَرِ مَشَمَ عٍ شَ رَ سّنِيّن، كْنْ مِشِ سٍيٍ مُحَقٍ نُن سّنِيّنتَرٍحَ نَن تُن نَ وٌ بْحّ مَ.

⁴⁰وٌ تَن شَشِلِتَرٍيٍ! وٌ مُ عَ كٌلٌن عَلَ نَشَن سٍ قَرِ دَا، عَ تَن نَن مِشِ بْحّ قَن دَا؟

⁴¹شَ وٌ سٍتَرٍ كِ بَلٌي رَ نَشَن نَ وٌ شَ ثِلٍتِيٍ كُي، وٌ شَ قٍ بِرِن نَسّنِيّنمَ نّ.»

⁴²«فبَلٌي نَ وٌ بّ، وٌ تَن قَرِ سّنِيٍ! وٌ سَنسِ شُنشُرِيٍ بِرِن قَرِلّ بَمَ، عَلْ سَلَشُي نُن فبّنفبّ، كْنْ وٌ فبِلٍنشِ تِنشِنيِ نُن عَلَ شَنُقٍ قْشْ رَ. عَ لَنمَ نّ نُ وٌ شَ نَ سّرِيّ هَفِفّيٍ رَبَتُ، وٌ مَن مُ نّيمُ بٌورٍ سّرِيّ شُنشُرِيٍ قَن مَ.

⁴³فبَلٌي نَ وٌ بّ، وٌ تَن قَرِ سّنِيٍ! بَرِ مَ عَ رَقَنشِ وٌ مَ، وٌ شَ دْشْ بِنيّ يِرٍ سَلِدٍ بَنشِ كُي، مِشِيٍ مَن شَ نُ وٌ شّيبُ تَا كُي بِنيّ شّيبُييٍ رَ.

⁴⁴فبَلٌي نَ وٌ بّ، بَرِ مَ وٌ مَنِيَشِ فَبُرِيٍ نَن نَ نَشٍيٍ مُ مَتْنشُمَشِ، مِشِيٍ حّرّ مَ نَشَن قَرِ عٍ مُ عَ كٌلٌن!»

⁴⁵سّرِيّ لْننِلَ ندٍ نَشَ عَ قَلَ عَ بّ، «كَرَ مْشْ، عِ تٌ يِ قٍيٍ قَلَمَ يِ كِ، عِ نَ مُشُ قَن نَسْتْقٍ نّ.»

⁴⁶عِسَ نَشَ عَ يَابِ، «فبَلٌي نَ وٌ قَن بّ، وٌ تَن سّرِيّ لْننِلَيٍ! بَرِ مَ وٌ كٌتٍ دْشْمَ مِشِ شُن مَ نَشَن شَنِن شْنْ كِ قَنيِ، كْنْ وٌ تَن مُ تِنمَ عٍ مَلِدٍ هَلِ وٌ بّلّشّسٌلٍ كٍرٍن نَ.

⁴⁷فبَلٌي نَ وٌ بّ، بَرِ مَ وٌ فَبُرِ قَنيِيٍ يَءِلَنمَ نَمِحْنمّيٍ بّ، عَ قَ لِ وٌ بٍنبَيٍ نَن عٍ قَشَ!

⁴⁸نَ كُي، وٌ بَرَ قِندِ وٌ بٍنبَيٍ شَ كّوَلِيٍ سٍيدٍ رَ، عٍ شَ نَ كّوَلِيٍ مَن بَرَ وٌ كّنّن، بَرِ مَ عٍ تَن بَرَ نَمِحْنمّيٍ قَشَ، وٌ قَن نَ نَمِحْنمّيٍ شَ فَبُرِيٍ رَشُنمَمَ.

⁴⁹نَ نَن عَ رَ، عَلَ شَ لْننِ قَن عَ مَسٍنشِ نّ، ‹ﭑ نَمِحْنمّيٍ نُن شّيرَيٍ رَ سَنبَمَ نّ عٍ مَ، عٍ تَن ندٍيٍ قَشَ، عٍ ندٍيٍ حَشَنكَتَ.›

⁵⁰نَ كُي، نَمِحْنمّيٍ بِرِن وُلِ نَشَن قِلِشِ كَبِ دُنِحَ قْلّ، يِ وَشَتِ مِشِيٍ نَن عَ سَرٍ قِمَ،

⁵¹كٍلِقٍ هَبِلَ وُلِ مَ هَن سَكَرِ، نَشَن قَشَ سّرّشّبَدٍ نُن هْرْ مْبَنشِ تَفِ. عِيٌ، ﭑ شَ عَ قَلَ وٌ بّ، تٌ مِشِيٍ نَن عَ بِرِن سَرٍ قِمَ.

⁵²فبَلٌي نَ وٌ بّ سّرِيّ كَرَ مْشْيٍ، بَرِ مَ وٌ بَرَ سَابِ تٌنفٌ نَشَن لَن عَ شَ لْننِ نَادّ رَبِ. كْنْ وٌ مُ سٌمَ، وٌ مَن مُ تِنمَ مِشِ فبّتّ قَن شَ سٌ نَا.»

⁵³عِسَ تٌ كٍلِ نَا، قَرِ سّنِيٍ نُن سّرِيّ كَرَ مْشْيٍ نَشَ تِ قْلْ عَ كَنكٍ عَ شْنّ رَ. عٍ نَشَ مَشْرِنيِ مْولِ بِرِن تِ عَ مَ،

⁵⁴عَلَكٌ عٍ شَ عَ سُشُ تَنتَنيِ ندٍ كُي.