1«مِشِ شَ قٍ مُ لُشِ شّ دُنِحَ مَ عَلْ سْورِ؟
2كٌنيِ فبَتَمَ كْي شَ سٌ،
3ﭑ تَن قَن، ﭑ كّ بَرَ قِندِ تْورّ رَ،
4ﭑ نّ ﭑ سَمَ، ﭑ لُ رَ عَ مَنّ،
5كُلِ دِنقٍ ﭑ قَتٍ رَ،
6ﭑ مَ سِمَيَ شُلُن مَبْي شَ مَبْي وُرِ بّ.
7عَلَ، عِ شَ رَتُ عَ مَ ﭑ مَ سِمَيَ حّنفِ نَن تُن عَ رَ،
8يَ نَشَن تِشِ ﭑ نَ،
9كُندَ نَ تٍ، عَ مَن لْي.
10عَ مُ فبِلٍنمَ عَ شْنيِ سْنْن،
11نَ نَن عَ تٌشِ ﭑ مُ ﭑ دّ سُشُمَ،
12ﭑ قِندِشِ عِ بّ بَا نَن نَ،
13ﭑ نَ عَ قَلَ، ‹ﭑ شَ ﭑ سَ، ﭑ شَ شِ، عَلَكٌ ﭑ شَ ﭑ مَ تْورّ مَيَنقَ،›
14عِ ﭑ مَفَاشُ شِيٍ نُن لَامَتُنيِ حَاشِيٍ رَ.
15قَشّ نَن تُن شْلِ قَ ﭑ مَ تٌ،
16ﭑ مَ سِمَيَ بَرَ رَحَاشُ ﭑ مَ،
17مُنسٍ نَ عَدَ مَ رَ
18عِ نُ عَ مَتٌ تّمُي بِرِن؟
19عِ عِ يَيٍ بَمَ ﭑ نَ تّمُي مُندُن؟
20شَ ﭑ بَرَ يُنُبِ رَبَ عِ رَ،
21مُنقٍ رَ عِ مُ دِحّ ﭑ مَ قٍ كٌبِ مَ؟