1«ﭑ نَتّ تٌنفٌ نّ،
2عَلَ مُنسٍ حَنِفٍمَ ﭑ بّ كٌورٍ مَ؟
3سٍتَرٍحَ مُ رَفَتَشِ مِشِ حَاشِ شَ بّ؟
4عَلَ مُ نُ ﭑ قْشِ بِرِن مَتٌمَ شّ؟
5«شَ ﭑ بَرَ ﭑ حّرّ وُلٍ كُي،
6عَلَ شَ ﭑ مَنِيَ سِكٍيلِ تِنشِنشِ رَ.
7شَ ﭑ بَرَ كِرَ تِنشِنشِ بّحِن،
8مِشِ فبّتّيٍ شَ ﭑ مَ سَنسِ سِشِيٍ بٌفِ دٌن،
9شَ فِنّ شْلِ بَرَ ﭑ سُشُ،
10ﭑ مَ فِنّ شَ بَندٍ حِن شّمّ فبّتّ بّ،
11بَرِ مَ يّنّ قِندِشِ قٍ حَاشِ نَن نَ،
12يّنّ، تّ نَن عَ رَ نَشَن سِفَمَ فَنيِ تِ رَ هَن يَهَننَمَ،
13«شَ ﭑ مُ قِندِ مِشِ تِنشِنشِ رَ نُ ﭑ مَ كٌنيِيٍ مَبِرِ،
14ﭑ عَلَ يَابِمَ دِ نُ؟
15عَلَ كٍرٍن شَ مُ مُشُ بِرِن دَاشِ مُشُ نفَ تّيفّ عِ؟
16«شَ ﭑ مُ سٍتَرٍيٍ كِ نُ،
17شَ ﭑ كٍرٍن بَرَ ﭑ مَ دٌنسٍ دٌن،
18ﭑ نَشَن شُرُ، ﭑ قِندِ عَ بّ بَبّ رَ كَبِ عَ يْرّ رَ،
19شَ ﭑ مُ تْورْ مِشِ كِ دُفِ رَ نُ،
20نَ كَنيِ لُ عَ مُ دُبَ ﭑ بّ
21شَ ﭑ بَرَ كِرِدِ ندٍ تْورْ،
22ﭑ بّلّشّ شَ بٌلٌن ﭑ تُنكِ مَ،
23بَرِ مَ ﭑ فَاشُ عَلَ شَ حَشَنكَتّ يَ رَ عَ فبٍ رَ،
24«شَ ﭑ بَرَ ﭑ شَشِلِ تِ ﭑ مَ شّيمَ رَ،
25شَ ﭑ بَرَ حّلّشِن ﭑ هَرِفٍ شَ فبٌي رَ،
26شَ ﭑ بَرَ ﭑ يَ تِ سٌفٍ نُن كِكٍ شَ يَنبّ رَ،
27ﭑ قَ نٍيٍ بَتُ ﭑ بْحّ كُي فُندٌ رَ،
28عَلَ شَ ﭑ حَشَنكَتَ،
29«ﭑ بَرَ حّلّشِن ﭑ شْنمَ شَ تْورّ رَ،
30ﭑ تَن نَشَن مُ نُ تِنمَ عَ دَنكَدٍ ﭑ دّ رَ،
31ﭑ مَ شْحّيٍ بِرِن مُ نُ عَ قَلَمَ شّ؛
32ﭑ نُ بِيَاسِلَيٍ يِفِيَمَ نّ عَلَكٌ عٍ نَشَ شِ تَندٍ.
33ﭑ بَرَ ﭑ مَ قٍ حَاشِيٍ نْشُن ﭑ بْحّ كُي عَلْ
34ﭑ بَرَ فَاشُ حَمَ شَ وْيّنيِ رَ،
35«شَ مِشِ نَ نَشَن تِنمَ عَ تُلِ مَتِدٍ ﭑ نَ،
36ﭑ شَ نَ دْشْ ﭑ شُن مَ،
37ﭑ دّنتّفّ سَمَ نّ عَ بّ،
38شَ ﭑ مَ بْشِ ندٍ بَرَ شْنْ ﭑ شِلِ مَ،
39شَ ﭑ بَرَ دٌنسٍ ندٍ دٌن ﭑ مُ عَ رَوَلِمَ سَرٍ قِ،
40مّنفِ نَشَن نَ ﭑ مَ بْشِ مَ، نَ شَ قِندِ تُنبٍ رَ،