1عٍلِقَسِ تٍمَنكَ نَشَ عَ قَلَ،
2«لْننِلَ شَ يَابِ نْمَ مَنِيَدٍ قٌيٍ رَ؟
3عَ نْمَ عَ شُن مَقَلَدٍ وْيّنيِ قُقَقُ رَ؟
4عِ نَ بِنيّ بَقٍ عَلَ مَ،
5عِ شَ قٍ حَاشِ نَن عَ نِيَقٍ عِ شَ وْيّن نَ كِ.
6عِ دّ يَتِ نَن قِندِشِ سٍيدٍ رَ عِ شَ قٍ حَاشِيٍ مَ.
7«عَدَ مَ سِنفٍ عِ تَن نَن نَ؟
8عِ عَلَ شَ فُندٌ رَ مّ نّ،
9عِ مُنسٍ كٌلٌن مُشُ تَن مُ نَشَن كٌلٌن؟
10قٌرِيٍ نَ مُشُ يَ مَ نَشٍيٍ قٌرِ عِ بَبَ بّ.
11عِ مُ لِمَنِيَ سْتْ عَلَ شَ مَسٍنيِيٍ كُي،
12«عِ بْحّ تٍشِ مُنقٍ رَ،
13عِ دّ نُ قَ وْيّنيِيٍ قَلَ شْنّ كُي عَلَ بّ؟
14عَدَ مَدِ سّنِيّن؟
15شَ عَلَ مُ لَمَ عَ شَ سّنِيّنتْييٍ رَ،
16عَدَ مَدِ فٌ، نَشَن بَرَ كَنَ،
17«عِ تُلِ مَتِ ﭑ نَ، ﭑ شَ نَ تَفِ رَبَ عِ بّ.
18لْننِلَيٍ نَشَن مَسٍنشِ،
19عَلَ بْشِ قِشِ عٍ تَن نَن مَ،
20مِشِ حَاشِ تْورْ مَ نّ عَ شَ سِمَيَ بِرِن كُي،
21عَ هَلَكِ قٍ مّمَ،
22عَ عَ كٌلٌن عَ مُ كِسِمَ،
23عَ عَ لِنتَنمَ بَلٌ قٍندٍ،
24تْورّ نُن كْنتْقِلِ بَرَ عَ مَفَاشُ،
25بَرِ مَ عَ بَرَ عَ يّتّ عِفبٌ عَلَ مَ،
26عَ بَرَ سُو سَ عَلَ فٍرٍدٍ عَ شَ وُرٍ لٍقَيٍ بُن مَ.
27عَ بَرَ شُنفبٌ هَن عَ قُرِ شَلّ بَرَ دْشْ،
28كْنْ عَ قَمَ سَبَتِدٍ تَا كَنَشِيٍ نَن كُي،
29عَ شَ نَاقُلِ حْنمَ نّ،
30عَ مُ نْمَ كٍلِدٍ دِ مِ كُي.
31«شَ عَ شَشِلِ تِمَ قٍ قُقَقُ رَ،
32بٍينُن عَ شَ سِمَيَ شَ كَمَلِ،
33عَ لُمَ عَلْ سَنسِ بٌفِ نَشٍيٍ بَمَ عٍ شِندٍ رَ،
34تِنشِنتَرٍ شَ دٍنبَيَ مُ فبٌمَ،
35قٍ حَاشِ مَحْشُنقٍ قِندِ مَ تْورّ نَن نَ.