1نَ لْشْي، عَبِنٌوَ مِ شَ دِ بَرَكِ نُن دٍبٌرَ نَشَ يِ بّيتِ بَ؛
2«عَلَتَلَ تَنتُ!
3مَنفّيٍ، مَنفّدِيٍ، وٌ وٌ تُلِ مَتِ عَ قَنيِ رَ.
4عَلَتَلَ، عِ تٌ كٍلِ سٍيِرِ، عٍدٌنكَيٍ شَ بْشِ مَ،
5فٍيَيٍ نَشَ شْيْ عَلَتَلَ يَ عِ،
6يَيٍلِ نُن عَنَتِ شَ دِ سَمَفَرِ وَشَتِ،
7عِسِرَيِلَكَيٍ مُ نُ نْمَ لُدٍ دَاشَيٍ سْنْن،
8عٍ نُ بَرَ عَلَ نّينّيٍ بَتُ قْلْ.
9«عَلَتَلَ تَنتُ!
10وٌ تَن نَشٍيٍ تٍمَ سٌقَلٍ فِنّ قِيشّيٍ قَرِ،
11نَشٍيٍ يٍ بَمَ كْلْنيِ رَ،
12«دٍبٌرَ، شُنُ!
13عَلَتَلَ نَشَ شُننَكٍلِ قِ عَ شَ حَمَ قَنيِ مَ،
14عٍقِرَ مِكَيٍ نَشَ قَ،
15عِسَكَرِ مَنفّيٍ نَشَ لُ دٍبٌرَ سّيتِ مَ.
16وٌ لُشِ وٌ شَ شُرُ سٍيٍ تَفِ مُنقٍ رَ،
17فَلَدِكَيٍ قَن نَشَ لُ يُرُدّن نَاكِرِ مَ.
18سَبُلٌنكَيٍ تَن نَشَ تِ قَشّ يَ عِ.
19«مَنفّيٍ نَشَ قَ.
20كٌورٍ نَشَ فٍرٍ سٌ،
21كِسٌن شُرٍ قٌرِ نَشَ عٍ شَنِن.
22نَ تّمُي، سْورِيٍ نَشَ عٍ شَ سٌي رَفِ.
23عَلَتَلَ شَ مَلٍكّ نَشَ عَ قَلَ،
24«يَيٍلِ بَرَكَتْي فِنّ نَن عَ رَ،
25سِسٍرَ تٌ يٍ مَكُلَ، عَ نَشَ شِحّ قِ عَ مَ.
26كِرِ بَنشِ مَبَنبَن وُرِ سُشُشِ عَ يِ،
27سِسٍرَ شَ قٍ نَشَ دَن يَيٍلِ بُن مَ،
28«سِسٍرَ نفَ تِشِ وُندّرِ رَ،
29عَ شَ لْننِلَيٍ نَشَ عَ يَابِ يِ وْيّنيِ رَ،
30‹تّمُندٍ عٍ مُ نَ عٍ هَرِفٍ سٍيٍ شَ تٌنفٌقٍ؟
31عَلَتَلَ، عِ يَشُييٍ بِرِن شَ هَلَكِ نَ كِ نّ،