1عَلَتَلَ تٌ دَوُدَ رَتَنفَ سْلُ نُن عَ يَشُييٍ مَ، دَوُدَ نَشَ يِ بّيتِ بَ عَلَتَلَ بّ.
2عَ نَشّ،
3ﭑ مَرِفِ عَلَ لُشِ عَلْ فّمّ يِرٍ
4عَلَ تَنتُ!
5قَشّ نُ بَرَ وَ نْقٍ ﭑ نَ،
6قَشّ لُوتِ نُ بَرَ ﭑ شِرِ،
7ﭑ مَ تْورّ كُي، ﭑ بَرَ عَلَتَلَ شِلِ،
8عَوَ، كٌورٍ نُن بْشِ نَشَ عِمَشَ،
9تُورِ نُ مِنِمَ عَ حْي عِ،
10عَ نَشَ كٌورٍ وَلَشّ حّنكّن،
11عَ نَشَ تِ مَلٍكّ قَرِ،
12نُشُي عِقْورْشِيٍ نُ نَ عَ رَبِلِنيِ،
13تّ وٌلٍيٍ نُ مِنِمَ عَ شَ يَنبّ يَ رَ.
14عَلَتَلَ شُي نُ لُشِ عَلْ سٍ سَرِنيِ.
15عَ نَشَ سٍيَمَكْنيِيٍ وٌلِ عَلْ شَلِيٍ،
16بَا بُنيِ نَشَ مَبَ،
17عَ نَشَ عَ بّلّشّ عِتَلَ كٍلِ كٌورٍ مَ،
18عَ نَشَ ﭑ نَتَنفَ ﭑ يَشُي سّنبّمَيٍ مَ،
19عٍ نُ ﭑ فٍرٍ مَ ﭑ شُنسِن لْشْييٍ كُي،
20عَ نَشَ ﭑ نَمِنِ،
21عَلَتَلَ ﭑ سُشُ ﭑ مَ تِنشِنيِ نَن مَ،
22بَرِ مَ ﭑ نُ حّرّ مَ عَلَتَلَ شَ كِرَ نَن شْن،
23ﭑ بِرَ مَ عَ شَ يَامَرِيٍ قْشْ رَ،
24ﭑ تِنشِن نّ عَ بّ،
25نَ كُي عَلَتَلَ نَشَ ﭑ مَ تِنشِنيِ
26مِشِ نَشَن تِمَ عِ سّيتِ مَ،
27مِشِ نَشَن سّنِيّن عِ يَ شْرِ،
28عِ مِشِ مَفٌرٌشِيٍ عِتٍمَ نّ،
29عِ تَن عَلَتَلَ نَن نَ ﭑ مَ نَءِيَلَنيِ رَ.
30شَ عِ نَ ﭑ قْشْ رَ،
31عَلَ شَ كِرَ كَمَلِشِ.
32ندٍ نَ عَلَ رَ شَ عَلَتَلَ مُ عَ رَ؟
33عَلَ نَن نَ ﭑ مَ يِرٍ مَكَنتَشِ رَ،
34عَ ﭑ مَلِمَ ﭑ مَ حّرّ كُي،
35عَ ﭑ مَلِمَ ﭑ مَ فٍرٍ كُي،
36عِ قِندِشِ ﭑ مَ كَنتَمَ نَن نَ،
37عِ ﭑ نَحّرّ مَ عَ قَنيِ رَ،
38ﭑ نَ ﭑ يَشُييٍ كٍرِ مَ، ﭑ عٍ سْنتْمَ.
39ﭑ عٍ قَشَمَ نّ، ﭑ عٍ بْنبْمَ نّ.
40عِ سّنبّ قِمَ ﭑ مَ فٍرٍ كُي،
41عِ ﭑ يَشُييٍ كٍرِ مَ ﭑ يَ رَ،
42عٍ عٍ يَ رَفٍمَ نّ، كْنْ عٍ رَكِسِمَ مُ نَ!
43ﭑ عٍ لُنتُنمَ نّ عٍ قِندِ شُبٍ رَ،
44عِ بَرَ ﭑ نَتَنفَ ﭑ مَ حَمَ شَ حْشْنسْسْي مَ،
45سِ فبّتّيٍ ﭑ مَتْشْمَ،
46سِ فبّتّيٍ مُ سُو سَمَ سْنْن،
47كِسِ نَ عَلَتَلَ بّ،
48تَنتُي نَ عَلَ بّ،
49نَشَن ﭑ بَمَ ﭑ يَشُييٍ يِ رَ،
50نَ نَن عَ رَ، ﭑ عِ مَتْشْمَ سِيٍ تَفِ، عَلَتَلَ!
51عَ بَرَ عَ شَ مَنفّ سُفَندِشِ رَكِسِ،