1عَلَتَلَ شَ مَسٍنيِ نَن يَ
2«يُدَيَ نَ سُننُنيِ كُي،
3دٍنبَيَ كَنيِيٍ عٍ شَ وَلِكّيٍ شّيمَ يٍ قٍندٍ،
4بْشِ بَرَ عِبْو قْلْ،
5تْوكّ عَ شَ دِ رَبٌلٌمَ وُلَ عِ،
6سٌقَلٍ تِشِ فٍيَيٍ قَرِ،
7«عَلَتَلَ، هَلِ مُشُ شَ يُنُبِ فبٌ،
8عِسِرَيِلَ شَشِلِ تِشِ عِ تَن نَن نَ،
9مُنقٍ رَ عِ بَرَ لُ عَلْ سْورِ سّنبّتَرٍ نَشَن مُ نْمَ مُشُ رَكِسِدٍ؟
10عَلَتَلَ بَرَ عَ مَسٍن يِ حَمَ بّ،
11عَلَتَلَ بَرَ عَ مَسٍن ﭑ بّ،
12شَ عٍ سُنيِ سُشُ، ﭑ مَ تٌنفٌمَ.
13ﭑ بَرَ عَلَ يَابِ،
14عَلَتَلَ بَرَ عَ مَسٍن ﭑ بّ،
15نَ نَن عَ رَ، عَلَتَلَ بَرَ عَ مَسٍن،
16عَ مَسٍنيِ تِمَ حَمَ نَشَن بّ،
17عِ شَ عَ قَلَ عٍ بّ،
18شّمّ نَ دَاشَ نَشٍيٍ قَشَشِ سَنتِدّفّمَ رَ.
19«عَلَتَلَ، عِ بَرَ يُدَيَ رَبٌلٌ كٍرٍنيِ رَ؟
20عَلَتَلَ، مُشُ بَرَ مُشُ شَ حَاشُحَ كٌلٌن،
21كْنْ عِ نَشَ شْنْ عِ شِلِ شَ قٍ رَ.
22وُلٍ كُيٍ ندٍ نَ دُنِحَ نَشَن تُنّ رَفٌرٌ مَ؟ عَدٍ.