1عٍلِهُ مَن نَشَ عَ قَلَ،
2«عِ شَ مَمّ تِ، ﭑ قَمَ ﭑ مَ لْننِ مَسٍندٍ عِ بّ عَلَ شَ قٍ كُي.
3ﭑ مَ لْننِ كٍلِمَ يِرٍ مَكُيٍ نّ.
4وُلٍ يٌ مُ نَ ﭑ مَ مَسٍنيِ كُي.
5«عَلَ سّنبّ فبٌ،
6عَ مُ عَ لُمَ مِشِ حَاشِيٍ شَ بُ،
7عَ مّينِمَ نّ تِنشِنتْييٍ مَ،
8كْنْ شَ عٍ سُشُشِ تْورّ نَن كُي،
9عَ عٍ شَ قٍ حَاشِيٍ مَسٍن عٍ بّ،
10عَ مَرَ سِ قَنيِ قِ عٍ مَ،
11شَ عٍ عٍ تُلِ مَتِمَ عَ رَ،
12كْنْ شَ عٍ مُ عٍ تُلِ مَتِمَ عَ رَ،
13تِنشِنتَرٍيٍ شْنْمَ،
14عٍ قَشَمَ عٍ قٌنِكٍ نَن نَ لَنفٌييٍ يَ مَ.
15كْنْ عَلَ تْورْ مِشِيٍ رَكِسِمَ نّ عٍ شَ تْورّ سَابُي رَ.
16«عَ وَ مَ عِ تَن قَن نَكِسِقٍ عِ شَ تْورّ كُي،
17كْنْ عِ نَ عَ رَبَ عَلْ مِشِ حَاشِيٍ،
18عِ نَشَ يٌ عَلَ مَ عِ شَ شْنّ كُي،
19عِ وَ شُي نْمَ عِ رَ مِنِدٍ عِ شَ تْورّ كُي؟
20كْي نَشَ قِندِ عِ بّ مِشِ تْورْ سٍ رَ،
21عِ نَشَ بِرَ قٍ حَاشِ قْشْ رَ عِ شَ تْورّ شَ قٍ رَ.
22قِسَمَنتٍ نَن عَلَ رَ عَ سّنبّ شَ قٍ رَ.
23ندٍ نْمَ عَ يَمَرِدٍ؟
24عِ شَ عَ شَ كّوَلِ مَتْشْ،
25عَدَ مَدِ بِرِن بَرَ عَ شَ وَلِ تٌ،
26عَلَ سّنبّ فبٌ،
27عَ يٍ تٌنبِيٍ مَقِندِ مَ تُنّ رَ،
28نُشُييٍ نَن تُنّ يٍ رَيٍنسٍنمَ عَدَ مَدِ بِرِن شُن مَ.
29ندٍ نْمَ نُشُي شَ وَلِ قَهَامُدٍ؟
30عَ سٍيَمَكْنيِ رَفٌرٌ مَ بَا مَ،
31عَ حَمَنّ مَكِيتِمَ نٍيٍ نَن نَ.
32عَ سٍيَمَكْنيِ وٌلِمَ عَ وَشْندٍ.
33فَلَنيِ شُي مِشِيٍ رَكٌلٌنمَ نّ تُنّ شَ قَ مَ،