1عٍلِهُ نَشَ عَ مَسٍن،
2«لْننِلَيٍ، وٌ وٌ تُلِ مَتِ.
3بَرِ مَ تُلِ وْيّنيِ سٍنسِمَ،
4وٌن شَ تِنشِنيِ سُفَندِ،
5«عَيُبَ نَشّ،
6هَلِ ﭑ تٌ تِنشِنشِ، عَ بَرَ ﭑ لُ عَلْ وُلٍ قَلّ.
7ندٍ يَافِ سْتْشِ دَنفِ عَيُبَ رَ؟
8عَ بَرَ عَ حّرّ تِنشِنتَرٍيَ كُي،
9عَ بَرَ عَ قَلَ،
10شَشِلِمَيٍ، وٌ وٌ تُلِ مَتِ ﭑ نَ.
11عَ مِشِيٍ شَ قٍ رَبَشِ سَرٍ رَفبِلٍنمَ عٍ مَ،
12عَلَ مُ نْمَ قٍ حَاشِ رَبَدٍ.
13ندٍ عَ تِ عَ شَ دُنِحَ يَمَرِ؟
14شَ عَلَ مُ عَ حّنفِ سَشِ عَدَ مَدِيٍ شْن مَ نُ،
15عَدَ مَدِ بِرِن قَشَمَ كٍرٍنيِ نَن نَ نُ،
16شَ شَشِلِ قَنيِ نَ عِ يِ رَ،
17تِنشِنتَرٍ نْمَ دُنِحَ يَمَرِدٍ؟
18عِ نْمَ عَ قَلَدٍ مَنفّ بّ،
19عَلَ مُ مَنفّ رَقِسَ مِشِيٍ بّ،
20قَشّ مَن عٍ بِرِن تّرّننَمَ نّ.
21عَلَ عَدَ مَدِيٍ شَ كِرَ بِرِن مَتٌمَ،
22دِ مِ مُ نَ نَشَن نْمَ تِنشِنتَرٍيٍ نْشُندٍ.
23عَلَ هَيِ مُ نَ تّمُي شْنكُيٍ مَ مِشِ مَكِيتِقٍ رَ.
24عَ نْمَ سّنبّمَيٍ شُن نَكَنَدٍ مَقُرٍنيِ رَ،
25عَ نَ عٍ شَ قٍ حَاشِ تٌ،
26عَ نْمَ عٍ بْنبْدٍ عَلْ مِشِ كٌبِ حَمَ يَ شْرِ،
27بَرِ مَ عٍ مّيشِ عَ شَ سّرِيّ نَن نَ،
28عٍ بَرَ عَ نِيَ سٍتَرٍ وَ شُي شَ عَلَ لِ.
29شَ عَلَ عَ سَبَرِ، ندٍ نْمَ عَ كَلَمُدٍ؟
30عَلَ مُ تِنشِنتَرٍ لُمَ مَنفّيَ كُي،
31نَ مِشِ مْولِ مُ عَ قَلَمَ عَلَ بّ،
32ﭑ قٍ حَاشِ نَشَن نَبَشِ،
33عَلَ لَنمَ عَ شَ عَ سَرٍ قِ؟
34شَشِلِمَيٍ نُن لْننِلَيٍ نَشٍيٍ عٍ تُلِ مَتِشِ ﭑ نَ،
35عَيُبَ وْيّنقٍ شَشِلِتَرٍحَ نَن كُي،
36عَيُبَ شَ حَشَنكَتَ هَن عَ دَندٍ،
37عَ شَ يُنُبِ شُن نَن تُن مَسَقٍ.