1عٍلِقَسِ تٍمَنكَ نَشَ عَ قَلَ،
2«عَدَ مَ تِدٍ نَ عَلَ بّ؟
3عِ شَ تِنشِنيِ قِندِ مَ فٍينِ مُندُن نَ عَلَ سّنبّ كَنيِ بّ؟
4عَلَ نَ عِ حَشَنكَتَقٍ عِ شَ تِنشِنيِ نَن شَ قٍ رَ؟
5عِ شَ قٍ حَاشِ مُ فبٌشِ شّ؟
6عِ بَرَ سٍيٍ رَ سُشُ سّيكّ رَ عِ نفَشَكٍرٍنيِيٍ يِ رَ.
7عِ مُ نُ مِشِ كِمَ يٍ رَ، يٍ شْلِ نُ نَشَن مَ،
8عِ نُ بْشِ سٌمَ سّنبّمَ نَن يِ رَ،
9عِ نُ كَاحّ فِنّيٍ نُن كِرِدِيٍ كٍرِ نّ عٍ بّلّشّ عِفٍلِ رَ.
10نَ نَن عَ تٌشِ عِ رَبِلِنشِ فَنتَنيِيٍ رَ،
11عِ مُ نَ دِ مِ حَاشِ تٌقٍ؟
12«عَلَ مُ نَ كٌورٍ مَ؟
13عِ قَ عَ قَلَمَ مُنقٍ رَ،
14نُشُييٍ نَ عَلَ نُن عَدَ مَيٍ نَن تَفِ.
15عِ وَ مَ لُقٍ نَ كِرَ قٌرِ نَن شْن مَ،
16عٍ قَشَ نّ عٍ شَ سِمَيَ كْنتِ مُ كَمَلِ،
17عٍ عَ قَلَ نّ عَلَ بّ،
18كْنْ عَلَ نَن هَرِفٍ فبٍفبٍ قِ عٍ مَ.
19تِنشِنتْييٍ مِشِ حَاشِيٍ شَ هَلَكِ تٌمَ نّ،
20‹مُشُ يَشُييٍ بَرَ سْنتْ،
21نَ كُي، عِ تَن شَ عِ شَ قٍ يَءِلَن عِ تَن نُن عَلَ تَفِ،
22عِ شَ تِن عَ شَ مَرَ سِ رَ،
23شَ عِ مَن فبِلٍنمَ عَلَ سّنبّ كَنيِ مَ،
24عِ شَ شّيمَ وٌلِ شُرٍ مَ،
25نَ تّمُي عَلَ سّنبّ كَنيِ نَن قِندِ مَ عِ هَرِفٍ رَ،
26عَلَ سّنبّ كَنيِ نَن قَمَ رَقَندٍ عِ مَ
27عِ نَ عَ مَشَندِ، عَ عِ شَ دُبّ سُشُمَ نّ.
28عَ عِ شَ نَتّيٍ سْونّيَمَ نّ،
29عَلَ عَ نِيَمَ نّ عِ شَ مِشِ مَفٌرٌشِ رَكٍلِ،
30عَ نْمَ يُنُبِتْي يَتِ رَكِسِدٍ،