1سٌقَرَ نَامَكَ نَشَ عَ قَلَ،
2«عِ شَ مَسٍنيِ بَرَ ﭑ تْورْ،
3ﭑ بَرَ مَرَكْرْ سِ ندٍ مّ
4عِ مُ عَ كٌلٌن كَبِ عَدَ مَ نَشَ دَا، عَ لُ دُنِحَ مَ،
5مِشِ حَاشِيٍ شَ شُننَكٍلِ مُ بُمَ؟
6هَلِ عَ شَ قٍ فبٌ يّ،
7عَ قَمَ سْنتْدٍ عَ لُ عَلْ سٍ نَشَن تِدٍ مُ نَ،
8عَ دَنفِمَ نّ عَلْ شِيٍ.
9عَ كٌلٌنمَيٍ مُ عَ تٌمَ سْنْن،
10عَ شَ دِيٍ سٍتَرٍيٍ كِمَ سٍيٍ رَ، عٍ بَبَ نَشٍيٍ مُحَ.
11سّنبّ نَشَن نُ نَ عَ يِ رَ عَ قٌنِكٍ رَ،
12قٍ حَاشِ نَ رَقَن مِشِ مَ،
13عَ مُ عَ بّحِن،
14عَ شَ دٌنسٍ قِندِ مَ ثْسْنّ نَن نَ عَ قُرِ كُي.
15عَ نَاقُلِ نَشَن دٌنشِ،
16عَ بْشِمَسٍ شَ شْنّ نَن بّسُمَ،
17عَ هَرِفٍ نَشَن سْتْشِ،
18عَ نَ بِرِن نَفبِلٍنمَ نّ،
19بَرِ مَ عَ بَرَ سٍ بَ تْورْ مِشِيٍ يِ رَ.
20وَ سَبَلِ نَن تٌ نُ عَ رَ عَ شَ مِلّ كُي،
21عَ تٌ نُ سٍ بِرِن مَحْشُنشِ عَ يّتّ نَن بّ،
22عَ نّ نَ عَ شَ قَنيِ تَفِ،
23عَ دّفٍ تّمُي، عَلَ قَمَ عَ تْورْدٍ عَ شَ شْنّ رَ،
24شَ فٍرٍ سٌسٍ لَنمَدِ مُ عَ تْورْ،
25هَلِ عَ تَنبّ تَلَ عٍ عَ سْشْشِ نَشَن نَ،
26عَ شَ نَاقُلِ بِرِن لُمَ دِ مِ نَن كُي،
27عَلَ عَ شَ يُنُبِ مَكّنّن مَ،
28عَ شَ نَاقُلِ بِرِن سِفَمَ نّ
29عَلَ نَ نَن قِمَ مِشِ حَاشِ مَ كّ رَ.