عَننَبِ عٍسَيِ 8

¹عَلَتَلَ نَشَ عَ مَسٍن ﭑ بّ، عَ نَشّ، «عِ شَ كّيدِ تٌنفٌ، عَ سّبّ كَلٍ رَ، ‹مَهٍرِ سَلَلِ هَسِ بَسِ،› نَشَن قَسَرِشِ ‹كَسَرّ تِ، سٍ بِرِن شَنِنمَ مَقُرٍن مَقُرٍن.›

²عِ شَ سّرّشّدُبّ عُرِ نُن يٍبٍرٍكِيَ شَ دِ سَكَرِ شِلِ سٍيدٍيٍ رَ ﭑ بّ.»

³نَ تّمُي، ﭑ نَشَ ﭑ مَسٌ ﭑ مَ فِنّ رَ، عَ نَشَ تّفّ عَ دِ بَرِ. عَلَتَلَ نَشَ عَ مَسٍن ﭑ بّ، «عَ شِلِ سَ، ‹مَهٍرِ سَلَلِ هَسِ بَسِ.›

⁴بٍينُن نَ دِ شَ مْ، عَ قَ نْ عَ قَلَدٍ، ‹ﭑ نفَ، ﭑ بَ،› عَسِرِيَ مَنفّ قَمَ نّ نَاقُلِ شَنِندٍ عَ نَشَن تٌمَ دَ مَسِ تَا كُي نُن سَمَرِ بْشِ مَ.»

⁵عَلَتَلَ مَن نَشَ عَ مَسٍن ﭑ بّ، عَ نَشّ،

⁶«يِ حَمَ تٌ بَرَ سِلٌوَ شُرٍ شَ بَرَكَ بّحِن،

⁷ﭑ تَن عَلَتَلَ قَمَ نّ بَنبَرَنيِ شُنفبٍ رَ عٍ شِلِ مَ،

⁸عَ دِن يُدَيَ رَ، عَ تٍ هَن عَ فبٍ مُ نُ لُشِ مّننِكَيٍ قَن شَ مَدُلَ.

⁹«وٌ تَن حَمَنّ نَشٍيٍ نَ دُنِحَ،

¹⁰وٌ نَتّيٍ تٌنفٌ، كْنْ عَ مُ سْونّيَمَ.

¹¹عَلَتَلَ نَشَ ﭑ نَسِ سّنبّ رَ، عَ قَلَقٍ رَ ﭑ بّ، عَ ﭑ نَشَ بِرَ يِ حَمَ حّرّ كِ كٌبِ قْشْ رَ. عَ نَشّ،

¹²«عِ نَشَ يَنقَنتٍيَ شِلِ قَلَ قٍ مَ، يِ حَمَ عَ قَلَمَ قٍ نَشَن مَ يَنقَنتٍيَ.

¹³عِ شَ مَنفّ عَلَتَلَ نَن كٌلٌن سّنِيّنتْي رَ،

¹⁴نَ كُي عَ قِندِ مَ نّ وٌ بّ يِرٍ سّنِيّنشِ رَ.

¹⁵مِشِ فبٍفبٍ عٍ سَنيِ رَدِنمَ نّ عَ رَ،

¹⁶يِ سٍيدٍحْشْيَ نَشَن سّبّشِ، وٌ شَ تْنشُمَ سَ عَ مَ، وٌ شَ عَ رَفَتَ ﭑ مَ قْشِرَبِرّيٍ يِرٍ.

¹⁷ﭑ تَن شَشِلِ تِشِ عَلَتَلَ رَ، نَشَن عَ كٌبٍ سٌشِ يَشُبَ بْنسْي رَ سِندٍن. ﭑ بَرَ ﭑ مَ لَنلَنتٍيَ سَ عَ مَ.

¹⁸ﭑ تَن نُن ﭑ مَ دِيٍ، عَلَتَلَ نَشٍيٍ قِشِ ﭑ مَ، مُشُ قِندِشِ تْنشُمَيٍ نَن نَ عِسِرَيِلَ بْشِ مَ مَنفّ عَلَتَلَ بّ، نَشَن سَبَتِشِ سِيٌنِ فٍيَ قَرِ.

¹⁹مِشِ ندٍيٍ عَ قَلَمَ وٌ بّ، وٌ شَ سِفَ كَرَ مْشْييٍ يِرٍ، نَشٍيٍ مِشِ قَشَشِيٍ رَوْيّنمَ مَكْيِكْيِ رَ، وٌ شَ فُندٌ كٌلٌن. كْنْ عَ مُ لَنمَ مِشِيٍ شَ عٍ شَ مَشْرِنيِيٍ تِ عٍ مَرِفِ عَلَ تَن مَ؟ عَ لَنمَ مِشِ بَلٌشِ شَ مَشْرِنيِ تِ مِشِ قَشَشِ مَ؟

²⁰وٌن شَ وٌن تُلِ مَتِ عَلَ شَ سّرِيّ رَ عَ سٍيدٍحْشْيَ قِشِ نَشَن مَ. شَ نَ مُ عَ رَ، حَمَ لُمَ دِ مِ نَن تُن كُي،

²¹عٍ بْشِ عِفِرِ مَ كَامّ نُن كْنتْقِلِ نَن نَ. كَامّ نَ شْرْشْ عٍ مَ تّمُي نَشّ، عٍ عٍ يَ رَتٍمَ نّ كٌورٍ مَ، عٍ عٍ شَ مَنفّ نُن عٍ مَرِفِ عَلَ دَنكَ.

²²عٍ نَ فّ نَ رَبَدٍ، عٍ قَ عٍ يَ رَفٌرٌ دُنِحَ مَ، عٍ مُ سٍسٍ تٌمَ قٌ تْورّ، دِ مِ، نُن بْحّسَتَرٍيَ.

²³كْنْ نَ دِ مِ مُ لُمَ بْشِ مَ عَبَدَن، تْورّ مُ نْمَ نَ حَمَ رَ. سَبُلٌن نُن نَقَتَلِ بْشِ هَلَكِ نّ تّمُي دَنفِشِ، كْنْ نَ بْشِ نَشَن شِلِ قَلَمَ «حَمَنّ شَ فَلِلٍ،» نَ قَمَ نّ نْرْدٍ كٍلِقٍ بَا دّ رَ، هَن يُرُدّن نَاكِرِ مَ.