1بَبِلْن شَ كُيٍ بٍلِ عَ شِنبِ سِنمَ.
2عٍ مُ نْ نَ كُيٍيٍ رَتَنفَدٍ.
3«يَشُبَ بْنسْي، وٌ وٌ تُلِ مَتِ ﭑ نَ.
4ﭑ نُ نَ رَبَ نّ هَن وٌ قٌرِ وَشَتِ.
5وٌ ﭑ مَ مَنِيّ تٌمَ مِندٍن؟ وٌ ﭑ قِرِن ندٍ كٌلٌن؟
6نَاقُلِ كَنيِ شّيمَ نُن فبٍتِ رَ مِنِمَ، عَ عَ سَ سِكٍيلِ قَرِ،
7عٍ نَ تٌنفٌ، عٍ عَ دْشْ عٍ تُنكِ قَرِ، عٍ عَ شَنِن يِرٍ، عٍ عَ تِمَ دّننَشّ.
8«وٌ تَن مُرُتّلَيٍ، وٌ شَ رَتُ نَ قٍيٍ مَ، عَلَكٌ وٌ شَ نْ كِسِدٍ.
9وٌ شَ رَتُ ﭑ نَشَن نَبَشِ تّمُي دَنفِشِ.
10عَلَ فبّتّ مُ نَ نَشَن قٍ مَسٍنمَ بٍينُن عَ شَ رَبَ،
11ﭑ تَن نَن شْنِ ندٍ شِلِمَ كٍلِقٍ سٌفٍتٍدٍ مَبِرِ،
12وٌ وٌ تُلِ مَتِ ﭑ نَ، وٌ تَن نَشٍيٍ شَشِلِ شْرْشْ،
13ﭑ مَ كِيتِ تِنشِنشِ بَرَ مَكْرّ، عَ مُ مَكُيَ قٍوٌ.