1«ﭑ مَ كٌنيِ يَشُبَ بْنسْي، وٌ شَ وٌ تُلِ مَتِ،
2عَلَتَلَ شَ مَسٍنيِ نَن يَ،
3بَرِ مَ ﭑ يٍ رَفٌرٌ مَ نّ وٌ شَ بْشِ مَشَرَشِ مَ،
4عٍ قَنمَ نّ عَلْ حٌوفٍ نَشَن تٌمَ قِيلِ تَفِ،
5ندٍ عَ قَلَمَ نّ، ‹عَلَتَلَ فبٍ نَن ﭑ نَ،›
6«عَلَتَلَ شَ مَسٍنيِ نَن يَ،
7ندٍ مَنِيَشِ ﭑ تَن نَ؟ عَ شَ نَ قَلَ.
8وٌ نَشَ فَاشُ، وٌ نَشَ سّرّن.
9قُيَنتٍيٍ نَن كُيٍ يَءِلَنمَيٍ رَ.
10ندٍ كُيٍ يَءِلَنمَ، نَشَن مُ نْمَ عَ مَلِدٍ قٍقٍ رَ؟
11نَ كَنيِيٍ يَافِمَ نّ.
12كُيٍ يَءِلَنمَ وُرٍ شَبُمَ تّ شْورَ،
13كَمُدّرِ لُوتِ عِتَلَمَ نّ عَ مَنِيَقٍ رَ، عَ عَ كْورِن.
14عَ نُ وُرِ ندٍيٍ سِ قْتْنيِ يِرٍ،
15عَ ندٍ قِندِ يٍفٍ رَ، عَلَكٌ شِنبٍلِ نَشَ عَ سُشُ،
16عَ سّيتِ قِندِ يٍفٍ رَ،
17عَ وُرِ دْنشْي نَن قِندِ مَ عَ شَ كُيٍ عَلَ رَ،
18كْنْ نَ مِشِ مُ فّشِ قَهَامُي سْتْدٍ.
19سٍسٍ مُ عَ عَ بْحّ رَتِمَ سْنْن، عَ شَ عَ مَحْشُن،
20نَ كُيٍ يَءِلَنمَ بِرَ مَ سٍ نَن قْشْ رَ نَشَن قِندِ مَ تّ شُبٍ رَ.
21«يَشُبَ بْنسْي، وٌ شَ رَتُ يِ قٍيٍ مَ،
22ﭑ بَرَ وٌ شَ يُنُبِيٍ شَقَرِ، وٌ نَشَن سْتْ وٌ شَ مُرُتّ كُي،
23كٌورٍ شَ سّيوَ عَلَتَلَ شَ وَلِ شَ قٍ رَ.
24وٌ رَكِسِمَ عَلَتَلَ شَ مَسٍنيِ نَن يَ نَشَن وٌ رَقَلَشِ وٌ نفَ تّيفّ،
25نَشَن نَمِحْنمّ وُلٍ قَلّيٍ شَ تْنشُمَيٍ كَنَ،
26نَشَن عَ شَ نَمِحْنمّ كٌنيِيٍ شَ مَسٍنيِيٍ رَكَمَلِ،
27نَشَن عَ قَلَمَ بَا بّ، ‹شَرَ، ﭑ عِ شَ يٍ رَشْرِ مَ نّ،›
28نَشَن مَنفّ سِرُ سِ شّيمَ عَ سَفٌ رَبَدٍ، عَلْ شُرُ سٍ مَدٌنيِ عَ رَبَمَ كِ نَشّ،