1حّلّشِنيِ شَ لُ فبٍنفبٍرٍن يِرٍ،
2سَنسِ تٌقَنيِيٍ شَ لُ نَا،
3وٌ تَن نَشٍيٍ بَرَ فَاشُ هَن وٌ بّلّشّ مُ سٍ سُشُمَ، وٌ شِنبِ قَ سّرّن،
4وٌ عَ قَلَ مِشِيٍ بّ نَشٍيٍ بَرَ فَاشُ،
5نَ تّمُي، دْنشُييٍ يَ رَبْو مَ نّ، تُلِشْرِيٍ قٍ مّمَ نّ.
6مَبّنيِيٍ تُفَنمَ نّ عَلْ شٍلِ، بٌبٌي قَن سّيوّ شُي رَ مِنِمَ نّ،
7بْشِ مَشَرَشِ مَقِندِ مَ نّ بَا رَ،
8كِرَ مَبَمَ نَا نَشَن شِلِ قَلَمَ، «كِرَ سّنِيّنشِ.»
9يّتّيٍ نُن بُرُنيِ سُبٍ مُ تٌمَ نَا، قٌ لَسِرِ مِشِ.
10عَلَتَلَ نَشٍيٍ شْرّيَشِ، نٍيٍ نَن فبِلٍنمَ عٍ شْنيِ نَ كِرَ شْن مَ.