عَننَبِ عٍسَيِ 30

¹عَلَتَلَ شَ مَسٍنيِ نَن يَ،

²عٍ سِفَمَ مِسِرَ، عٍ عٍ يّتّ تَشُ مّننِ مَنفّ رَ.

³مِسِرَ مَنفّ شَ كَنتّ قِندِ مَ يَافِ نَن نَ وٌ بّ،

⁴هَلِ وٌ كُنتِفِيٍ شّي سٌوَن نُن شَنّسِ مِسِرَ بْشِ مَ،

⁵عٍ بِرِن قَمَ لُدٍ يَافِ نَن كُي نَ حَمَ شَ قٍ رَ نَشَن مُ عٍ مَلِمَ.

⁶حَشَنكَتّ نَ نٍفٍوِ فبٍنفبٍرٍنيِ سُبٍيٍ بّ.

⁷مِسِرَ شَ مَلِ قِندِ مَ قٍ قُقَقُ نَن تُن نَ!

⁸يِ قٍ سّبّ وَلَشّ مَ عٍ بّ،

⁹حَمَ مُرُتّلَ نَن عَ رَ، نَشَن عَ بٌورٍيٍ مَدَشُمَ،

¹⁰عٍ عَ قَلَمَ سٍمَتٌي بّ، «وٌ نَشَ لَامَتُنيِيٍ تٌ.»

¹¹وٌ شَ كٍلِ يِ كِرَ شْن مَ،

¹²عِسِرَيِلَ شَ سّنِيّنتْي شَ يَابِ نَن يَ،

¹³يِ يُنُبِ لُمَ نّ وٌ بّ عَلْ تّتّ كَنَشِ،

¹⁴عَ كَنَمَ نّ عَلْ قّحّ كَنَشِ،

¹⁵مَرِفِ عَلَ نَشَن قِندِشِ عِسِرَيِلَ سّنِيّنتْي رَ، عَ شَ مَسٍنيِ نَن يَ؛

¹⁶وٌ نَشّ، ‹عَدٍ، مُشُ تَن مُشُ فِمَ سٌييٍ نَن قَرِ.›

¹⁷وٌ وُلُ كٍرٍن، وٌ فِمَ نّ وٌ يَشُي كٍرٍن يَ رَ.

¹⁸كْنْ نَ كُي عَلَتَلَ نَ مَمّ تِقٍ عَلَكٌ عَ شَ هِننّ وٌ رَ.

¹⁹سِيٌنِكَيٍ، وٌ تَن نَشٍيٍ سَبَتِشِ دَرِ سَلَمُ،

²⁰هَلِ وٌ مَرِفِ عَ نِيَ وٌ شَ لُ قٍ شْرْشْي كُي،

²¹وٌ نَ سِفَ يِرٍقَنيِ مَ، وٌ نَ سِفَ كْولَ مَ،

²²نَ كُي وٌ شَ كُيٍ نَشٍيٍ يَءِلَنشِ فبٍتِ نُن شّيمَ رَ،

²³نَ تّمُي عَلَتَلَ تُنّ رَقَمَ نّ وٌ شَ سَنسِيٍ مَ،

²⁴نِنفٍ نُن سٌقَلٍ نَشٍيٍ شّ بُشَمَ،

²⁵شُرٍيٍ وُيَمَ نّ وٌ شَ فٍيَيٍ قَرِ.

²⁶عَلَتَلَ قَمَ نّ عَ شَ حَمَ شَ مَشْنّيٍ نُن قِيٍ رَيَلَندٍ.

²⁷عَلَتَلَ نَ قَقٍ كٍلِقٍ يِرٍ مَكُيٍ،

²⁸عَ حّنفِ لُشِ نّ عَلْ بَنبَرَنيِ نَشَن تٍمَ هَن مِشِ كْنيِ.

²⁹كْنْ وٌ تَن بّيتِ بَمَ نّ نَ لْشْي عَلْ سَلِ تّمُي،

³⁰عَلَتَلَ عَ شُي شَاحّ رَ مِنِمَ نّ،

³¹عَلَتَلَ شُي قَمَ نّ عَسِرِيَكَيٍ بُتُشُندٍ،

³²عَ نَ عٍ بْنبْ وُرِ شْرْشْي رَ تّمُي نَشّ،

³³تّ يِرٍ بَرَ يَءِلَن مَنفّ شِلِ مَ عَ رَكُيَ.