1نَ لْشْي، عَلَتَلَ نِنفِنَنفّ مَفَاشُشِ حَشَنكَتَمَ نّ عَ شَ سَنتِدّفّمَ شُنفبٍ رَ.
2نَ لْشْي، وٌ شَ بّيتِ بَ ﭑ مَ وّنِ بِلِ قَنيِيٍ شَ قٍ رَ.
3ﭑ تَن عَلَتَلَ نَن نَ عَ كَنتَمَ رَ.
4ﭑ شْنْ شْنْ، كْنْ شَ ﭑ سَ تُنبٍيٍ لِ نَا،
5شَ عَ سَ لِ عٍ نَشَ قَ ﭑ يِرٍ لَنيِ شِرِدٍ،
6لْشْي نَ قَقٍ، يَشُبَ بْنسْي عَ سَنكٍ سْرْنمَ نّ،
7عَلَتَلَ يَشُبَ بْنسْي بْنبْ نّ،
8عَ شَ شْنّ نَشَ دِن عٍ رَ،
9يَشُبَ بْنسْي شَ يُنُبِيٍ شَقَرِ نَ كِ نّ.
10تَا سّنبّمَيٍ بَرَ كِرٌ،
11وُرِ سَلٌنيِيٍ نَ شَرَ، فِنّيٍ نُ عٍ فَن تّ رَ.
12نَ لْشْي، عَلَتَلَ وُرِ بِلِيٍ عِمَشَمَ نّ، كٍلِ عٍقِرَتِ شُرٍ دّ رَ هَن مِسِرَ شُرٍ دّ رَ. عَ وٌ تَن عِسِرَيِلَ شَ دِيٍ بِرِن مَتٌنفٌمَ نّ كٍرٍن كٍرٍن.
13نَ لْشْي، قٍرِ شُنفبٍ قٍمَ نّ، عَلَكٌ مِشِ نَشٍيٍ نُ لْيشِ عَسِرِيَ بْشِ مَ، عَ نُن نَشٍيٍ نُ يٍنسٍنشِ مِسِرَ بْشِ مَ، عٍ بِرِن فبِلٍنمَ نّ، عٍ قَ سُيِدِ عَلَتَلَ بّ فٍيَ سّنِيّنشِ قَرِ دَرِ سَلَمُ.