قْلّ 5

¹عَدَ مَ نُن عَ بْنسْي شَ تَرُشُي نَن يَ. عَلَ تٌ عِبُنَدَ مَ دِيٍ دَا، عَ نَشَ عَ قْشِ لُ عٍ مَ.

²عَ نَشَ عٍ دَا شّمّ نُن فِنّ. عَ بَرَكّ سَ عٍ مَ. عَ عٍ شِلِ سَ «عَدَ مَ.»

³عَدَ مَ تٌ بُ حّ كّمّ حّ تٌنفٌ سَشَن، عَ نَشَ دِ سْتْ عَ يّتّ مِسَالِ رَ. عَ نَشَ عَ شِلِ سَ سٍتِ.

⁴سٍتِ شَ بَرِ دَنفِ شَنبِ، عَدَ مَ نَشَ بُ حّ كّمّ سٌلٌمَسَشَن. عَ نَشَ دِ شّمّ نُن دِ فِنّ فبّتّيٍ سْتْ.

⁵عَدَ مَ شَ سِمَيَ نَشَ سِفَ حّ كّمّ سٌلٌمَنَانِ نُن حّ تٌنفٌ سَشَن. نَ شَنبِ عَ نَشَ قَشَ.

⁶سٍتِ تٌ بُ حّ كّمّ حّ سُولِ، عَ نَشَ قِندِ عٍنٌسِ بَبَ رَ.

⁷عٍنٌسِ شَ بَرِ دَنفِ شَنبِ، سٍتِ نَشَ بُ حّ كّمّ سٌلٌمَسَشَن حّ سٌلٌقٍرٍ. عَ نَشَ دِ شّمّ نُن دِ فِنّ فبّتّيٍ سْتْ.

⁸سٍتِ شَ سِمَيَ نَشَ سِفَ حّ كّمّ سٌلٌمَنَانِ نُن حّ قُ نُن قِرِن. نَ شَنبِ عَ نَشَ قَشَ.

⁹عٍنٌسِ تٌ بُ حّ تٌنفٌ سٌلٌمَنَانِ، عَ نَشَ قِندِ كٍنَن بَبَ رَ.

¹⁰كٍنَن شَ بَرِ دَنفِ شَنبِ، عٍنٌسِ نَشَ بُ حّ كّمّ سٌلٌمَسَشَن حّ قُ نُن سُولِ. عَ نَشَ دِ شّمّ نُن دِ فِنّ فبّتّيٍ سْتْ.

¹¹عٍنٌسِ شَ سِمَيَ نَشَ سِفَ حّ كّمّ سٌلٌمَنَانِ نُن حّ سُولِ. نَ شَنبِ عَ نَشَ قَشَ.

¹²كٍنَن تٌ بُ حّ تٌنفٌ سٌلٌقٍرٍ، عَ نَشَ قِندِ مَهَلَلٍلِ بَبَ رَ.

¹³مَهَلَلٍلِ شَ بَرِ دَنفِ شَنبِ، كٍنَن نَشَ بُ حّ كّمّ سٌلٌمَسَشَن حّ تٌنفٌ نَانِ. عَ نَشَ دِ شّمّ نُن دِ فِنّ فبّتّيٍ سْتْ.

¹⁴كٍنَن شَ سِمَيَ نَشَ سِفَ حّ كّمّ سٌلٌمَنَانِ نُن حّ قُ. نَ شَنبِ عَ نَشَ قَشَ.

¹⁵مَهَلَلٍلِ تٌ بُ حّ تٌنفٌ سٍننِ عَ نُن سُولِ، عَ نَشَ قِندِ يٍرٍدِ بَبَ رَ.

¹⁶يٍرٍدِ شَ بَرِ دَنفِ شَنبِ، مَهَلَلٍلِ نَشَ بُ حّ كّمّ سٌلٌمَسَشَن حّ تٌنفٌ سَشَن. عَ نَشَ دِ شّمّ نُن دِ فِنّ فبّتّيٍ سْتْ.

¹⁷مَهَلَلٍلِ شَ سِمَيَ نَشَ سِفَ حّ كّمّ سٌلٌمَسَشَن نُن حّ تٌنفٌ سٌلٌمَنَانِ نُن سُولِ. نَ شَنبِ عَ نَشَ قَشَ.

¹⁸يٍرٍدِ تٌ بُ حّ كّمّ حّ تٌنفٌ سٍننِ عَ نُن قِرِن، عَ نَشَ قِندِ عٍنٌكِ بَبَ رَ.

¹⁹عٍنٌكِ شَ بَرِ دَنفِ شَنبِ، يٍرٍدِ نَشَ بُ حّ كّمّ سٌلٌمَسَشَن. عَ نَشَ دِ شّمّ نُن دِ فِنّ فبّتّيٍ سْتْ.

²⁰يٍرٍدِ شَ سِمَيَ نَشَ سِفَ حّ كّمّ سٌلٌمَنَانِ نُن حّ تٌنفٌ سٍننِ عَ نُن قِرِن. نَ شَنبِ عَ نَشَ قَشَ.

²¹عٍنٌكِ تٌ بُ حّ تٌنفٌ سٍننِ عَ نُن سُولِ، عَ نَشَ قِندِ مٍتُسٍلَ بَبَ رَ.

²²مٍتُسٍلَ شَ بَرِ دَنفِ شَنبِ، عٍنٌكِ نَشَ بِرَ عَلَ قْشْ رَ حّ كّمّ سَشَن. عَ نَشَ دِ شّمّ نُن دِ فِنّ فبّتّيٍ سْتْ.

²³عٍنٌكِ شَ سِمَيَ نَشَ سِفَ حّ كّمّ سَشَن نُن حّ تٌنفٌ سٍننِ عَ نُن سُولِ.

²⁴عٍنٌكِ نَشَ بِرَ عَلَ قْشْ رَ. نَ شَنبِ عَ مُ لُ نَ سْنْن، بَرِ مَ عَلَ بَرَ عَ شَنِن.

²⁵مٍتُسٍلَ تٌ بُ حّ كّمّ حّ تٌنفٌ سٌلٌمَسَشَن عَ نُن سٌلٌقٍرٍ، عَ نَشَ قِندِ لَمٍكِ بَبَ رَ.

²⁶لَمٍكِ شَ بَرِ دَنفِ شَنبِ، مٍتُسٍلَ نَشَ بُ حّ كّمّ سٌلٌقٍرٍ حّ تٌنفٌ سٌلٌمَسَشَن عَ نُن قِرِن. عَ نَشَ دِ شّمّ نُن دِ فِنّ فبّتّيٍ سْتْ.

²⁷مٍتُسٍلَ شَ سِمَيَ نَشَ سِفَ حّ كّمّ سٌلٌمَنَانِ نُن حّ تٌنفٌ سٍننِ عَ نُن سٌلٌمَنَانِ. نَ شَنبِ عَ نَشَ قَشَ.

²⁸لَمٍكِ تٌ بُ حّ كّمّ حّ تٌنفٌ سٌلٌمَسَشَن عَ نُن قِرِن، عَ نَشَ دِ سْتْ.

²⁹عَ نَشَ عَ شِلِ سَ نُهَ. عَ نَشَ عَ قَلَ، «عَ قَمَ وٌن مَلِدٍ وٌن مَ تْورّ نُن وٌن مَ وَلِ كُي، وٌن نَشَن نَبَمَ بْشِ مَ عَلَتَلَ بَرَ دّننَشّ دَنكَ.»

³⁰نُهَ شَ بَرِ دَنفِ شَنبِ، لَمٍكِ نَشَ بُ حّ كّمّ سُولِ حّ تٌنفٌ سٌلٌمَنَانِ عَ نُن سُولِ. عَ نَشَ دِ شّمّ نُن دِ فِنّ فبّتّيٍ سْتْ.

³¹لَمٍكِ شَ سِمَيَ نَشَ سِفَ حّ كّمّ سٌلٌقٍرٍ نُن حّ تٌنفٌ سٌلٌقٍرٍ عَ نُن سٌلٌقٍرٍ. نَ شَنبِ عَ نَشَ قَشَ.

³²نُهَ تٌ بُ حّ كّمّ سُولِ، عَ نَشَ قِندِ سٍمِ، هَمِ، نُن يٍقٍتِ بَبَ رَ.