1يَشُبَ نَشَ عَ شَ دِيٍ شِلِ، عَ نَشَ عَ قَلَ عٍ بّ، «وٌ شَ وٌ مَلَن، ﭑ شَ قٍ قَلَ نَشَن قَمَ رَبَدٍ وٌ بّ.»
2«يَشُبَ شَ دِيٍ، وٌ قَ بٍ،
3رُبٍن، عِ تَن، ﭑ مَ دِ سِنفٍ،
4كْنْ عِ تٌ قِندِ شُرُتَرٍ نَن نَ،
5سِمٍيْن نُن لٍوِ قِندِشِ نفَشَكٍرٍنمَيٍ نَن نَ.
6ﭑ مُ سٌمَ عٍ شَ قٍقٍ يَ مَ،
7ﭑ بَرَ عٍ شَ بْحّتٍ دَنكَ،
8يُدَ، عِ شُنيَيٍ عِ تَن نَن تَنتُمَ.
9يُدَ، يّتّ يْرّ نَن لَنشِ عِ مَ.
10مَنفّ سَوُرِ قَمَ لُدٍ يُدَ بْنسْي نَن يِ.
11عَ شَ سٌقَلٍ شِرِ مَ وّنِ بِلِ نَن نَ،
12عَ يَ مَحِنفِشِ عَلْ وّنِ،
13سَبُلٌن قَمَ سَبَتِدٍ بَا دّ نّ.
14عِسَكَرِ سّنبّ فبٌ عَلْ سٌقَلٍ،
15عَ سَشِ بْشِ نَشَن مَ،
16دَنَ عَ شَ حَمَ يَمَرِ مَ نّ،
17عَ لُمَ نّ عَلْ بْشِمَسٍ كِرَ شْن مَ،
18عَلَتَلَ، ﭑ شَشِلِ تِشِ عِ شَ كِسِ رَ.
19فَدِ، فٍرٍ سٌي عَ فٍرٍ مَ نّ،
20عَسٍرِ شَ بْشِ قِندِ مَ دَشَمُي قَنيِ يِرٍ نَن نَ،
21نَقَتَلِ لُمَ نّ عَلْ شٍلِ فِنّ نَشَن نَ عَ فِقٍ،
22يُسُقُ لُمَ نّ عَلْ سَنسِ بُرّشّ نّينّ،
23مِشِيٍ نَشَ فٍرٍ فِرِ عَ مَ،
24كْنْ عَ شَ شَلِ سّنبّ فبٌ،
25عِ بَبَ مَرِفِ عَلَ قَمَ عِ مَلِدٍ.
26عِ بَبَ شَ دُبّ دَنفِ بَلٌي نُن سٍ قَنيِ بِرِن نَ،
27بُنيَمِن لُمَ نّ عَلْ وُلَءِ بَرٍ شَاحّ.
28عِسِرَيِلَ بْنسْي قُ نُن قِرِنيِيٍ نَن نَ كِ، عَ نُن دُبّ عٍ بَبَ نَشَن نَبَشِ كَنكَن بّ.
29نَ دُبّ دَنفِ شَنبِ، يَشُبَ نَشَ عَ حُنفُ عَ شَ دِيٍ مَ، عَ قَلَقٍ رَ، «ﭑ قَ سِفَقٍ ﭑ بٍنبَ قَشَشِيٍ نَن يِرٍ. ﭑ نَ قَشَ، وٌ ﭑ نَفَتَ ﭑ بٍنبَيٍ رَفَتَدٍ، فَبُرِ نَشَن نَ عٍقٍرٌن شِتِكَ شَ شّ يِرٍ،
30مَكِثٍلَ شّ قْنمّ رَ، مَمِرٍ قّ مَ، كَنَان بْشِ مَ. عِبُرَهِمَ نَ شّ سَرَشِ عٍقٍرٌن شِتِكَ نَن مَ، عَلَكٌ نَ شَ قِندِ عَ شَ مِشِ رَفَتَدٍ رَ.
31عِبُرَهِمَ رَفَتَشِ مّننِ نّ، عَ نُن عَ شَ فِنّ سَرَ. عِسِيَفَ قَن نَفَتَشِ مّننِ نّ عَ نُن عَ شَ فِنّ رٍبٍكَ. ﭑ تَن قَن لٍيَ رَفَتَشِ مّننِ نّ.
32نَ شّ نُن نَ قْنمّ نَشَن نَ نَا، عٍ سَرَشِ شِتِكَيٍ نَن مَ.»
33يَشُبَ تٌ بَرَ فّ عَ شَ وْيّنيِ مَسٍندٍ عَ شَ دِيٍ بّ، عَ نَشَ عَ سَ سَدٍ مَ، عَ قَ لَاشِرَ، عَ عَ بٍنبَيٍ لِ عَلِفِيَمَ.