1عَلَتَلَ نَشَ يّشّ شُنفبٍ ندٍ يَمَرِ بَا مَ عَ شَ يُنُسَ فٍرُن. يُنُسَ نَشَ لُ يّشّ قُرِ كُي قّيحّن سَشَن، كْي سَشَن.
2عَ نَشَ عَ مَرِفِ عَلَتَلَ مَشَندِ يّشّ قُرِ كُي يِ كِ؛
3«عَلَتَلَ، ﭑ تٌ ﭑ شُي رَتٍ عِ مَ ﭑ مَ بْحّ مِنِ كُي،
4عِ تٌ ﭑ وٌلِ بَا بْتِنِ مَ،
5ﭑ نَشَ عَ مَحْشُن عِ بَرَ ﭑ كٍرِ،
6ﭑ نَشَ مَدُلَ يٍ شْورَ، بَا نَشَ نْ ﭑ نَ.
7ﭑ فٌرٌ نّ بَا بْتِنِ مَ هَن فٍيَيٍ قْلْدٍ.
8ﭑ نِي تٌ نُ نَ بَقٍ ﭑ قَتٍ عِ،
9مِشِ نَشٍيٍ عٍ نِي تَشُ كُيٍ سّنبّتَرٍ رَ،
10كْنْ ﭑ تَن تَنتُي بّيتِ نَن بَمَ عِ بّ سّرّشّ رَ،
11نَ دَنفِ شَنبِ، عَلَتَلَ نَشَ يّشّ يَمَرِ، عَ شَ سَ عَننَبِ يُنُسَ بْشُن شَرٍ مَ.