عَننَبِ عٍسٍكِيٍلِ 37

¹عَلَتَلَ سّنبّ نَشَ فٌرٌ ﭑ مَ، عَ شَشِلِ سّنِيّنشِ نَشَ ﭑ تٌنفٌ، عَ سَ ﭑ تِ فُلُنبَ ندٍ تَفِ شْرِيٍ فبٍفبٍ نُ نَ دّننَشّ.

²عَ نَشَ ﭑ نَحّرّ نَ شْرِيٍ لٌنفٌرِ رَ، عٍ بِرِن شَرَشِ فبٍن.

³عَ نَشَ ﭑ مَشْرِن، عَ نَشّ، «عَدَ مَدِ، يِ شْرِيٍ مَن نْمَ بَلٌدٍ؟» ﭑ نَشَ عَ يَابِ، «ﭑ مَرِفِ عَلَتَلَ، عِ كٍرٍن نَن عَ كٌلٌن!»

⁴نَ تّمُي عَ نَشَ عَ مَسٍن ﭑ بّ، «عِ شَ مَسٍنيِ تِ يِ شْرِيٍ بّ ﭑ شِلِ رَ. عِ شَ عَ قَلَ عٍ بّ، ‹شْرِ شَرَشِيٍ، وٌ وٌ تُلِ مَتِ عَلَتَلَ شَ مَسٍنيِ رَ.

⁵وٌ مَرِفِ عَلَتَلَ يِ نَن مَسٍنشِ وٌ تَن شْرِ شَرَشِيٍ بّ، عَ نَشّ؛ ﭑ شَ نِي قٌيٍ رَقَ وٌ مَ، وٌ مَن شَ بَلٌ.

⁶ﭑ قَسّيٍ يَءِلَنمَ نّ وٌ بّ، ﭑ قَتٍ سُبٍ نُن قَتٍ كِرِ سَ وٌ مَ، ﭑ حّنفِ رَ سٌ وٌ قَتٍ عِ، وٌ قَ فبِلٍن بَلٌ رَ. نَ تّمُي، وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

⁷ﭑ نَشَ عَ شَ مَسٍنيِ رَدَنفِ عَلْ عَ ﭑ يَمَرِ عَ رَ كِ نَشّ. ﭑ تٌ نُ وْيّنمَ عَ نَمِحْنمّ كِ مَ، شُي ندٍ نَشَ مِنِ شْرِيٍ تَفِ، عٍ وُندُ، عٍ قَ سٌ عٍ مَسٌقٍ عٍ بٌرٍ رَ.

⁸ﭑ نَشَ قَسّيٍ، سُبٍ، نُن كِرِ تٌ عٍ مَ، كْنْ نِي قٌيٍ مُ نُ رَ سٌشِ عٍ قَتٍ.

⁹نَ تّمُي عَ نَشَ عَ مَسٍن ﭑ بّ، عَ نَشّ، «عَدَ مَدِ، عِ شَ ﭑ مَ مَسٍنيِ تِ نِي قٌيٍ بّ عَ قَلَقٍ رَ، ‹عِ مَرِفِ عَلَتَلَ يِ نَن مَسٍنشِ؛ عِ تَن نِي قٌيٍ، عِ شَ كٍلِ دُنِحَ تُنشُن نَانِيٍ رَ، عِ شَ سٌ يِ مِشِ قَشَشِيٍ قَتٍيٍ، عٍ شَ كٍلِ قَشّ مَ، عٍ شَ بَلٌ!›

¹⁰عَوَ، ﭑ نَشَ نَ مَسٍنيِ رَدَنفِ عَلْ عَ ﭑ يَمَرِ كِ نَشّ. ﭑ تٌ نَ رَبَ، نِي قٌيٍ نَشَ سٌ عٍ قَتٍ عِ، عٍ نَشَ بَلٌ، عٍ كٍلِ، عٍ تِ عٍ سَنيِ شُن نَ. حَمَ فبٍفبٍ نَن نُ نٍيٍ رَ.»

¹¹نَ تّمُي عَ نَشَ عَ مَسٍن ﭑ بّ، عَ نَشّ، «عَدَ مَدِ، يِ شْرِيٍ مِسَالِشِ عِسِرَيِلَ بْنسْي نَن نَ. عٍ نَشّ، ‹مُشُ شْرِيٍ بَرَ شَرَ، مُشُ شَشِلِ تِدٍيٍ بَرَ حْن، مُشُ بَرَ رَبٌلٌ.›

¹²عِ شَ يِ مَسٍنيِ تِ عٍ بّ ﭑ شِلِ رَ، ‹وٌ مَرِفِ عَلَتَلَ يِ نَن مَسٍنشِ؛ ﭑ مَ حَمَ، ﭑ وٌ شَ فَبُرِيٍ رَبِمَ نّ، ﭑ وٌ رَتٍ عٍ كُي، ﭑ وٌ شَنِن عِسِرَيِلَ بْشِ مَ.

¹³ﭑ نَ فّ نَ رَبَدٍ، وٌ تَن ﭑ مَ حَمَ، وٌ عَ كٌلٌنمَ نّ عَ عَلَتَلَ نَن ﭑ نَ.

¹⁴ﭑ نَ ﭑ شَشِلِ سّنِيّنشِ رَفٌرٌ مَ نّ وٌ مَ، وٌ مَن فبِلٍن بَلٌ رَ، ﭑ وٌ رَ سَبَتِ وٌ شَ بْشِ مَ. نَ تّمُي، وٌ عَ كٌلٌنمَ نّ عَ ﭑ تَن عَلَتَلَ بَرَ وْيّن، عَ ﭑ تَن عَلَتَلَ بَرَ نَ رَكَمَلِ. عَلَتَلَ شُي نَن نَ كِ.›»

¹⁵عَلَتَلَ نَشَ عَ مَسٍن ﭑ بّ، عَ نَشّ،

¹⁶«عَدَ مَدِ، عِ شَ وُرِ ندٍ تٌنفٌ، عِ عَ سّبّ عَ مَ، ‹يُدَ نُن عَ مَلَن بٌورٍ عِسِرَيِلَكَيٍ فبٍ.› عِ شَ وُرِ فبّتّ تٌنفٌ، عِ عَ سّبّ نَ تَن مَ، ‹يُسُقُ شَ دِ عٍقِرَ مِ نُن عَ مَلَن بٌورٍ عِسِرَيِلَ بْنسْي فبٍ.›

¹⁷نَ تّمُي عِ شَ عٍ سُشُ عِ بّلّشّ رَ، عٍ شَ لُ عَلْ وُرِ كٍرٍن.»

¹⁸«عِ نفَشَكٍرٍنيِيٍ نَ عِ مَشْرِن نَ قَتَنقَسِقٍ رَ عٍ بّ،

¹⁹عِ شَ عٍ يَابِ، ‹وٌ مَرِفِ عَلَتَلَ يِ نَن مَسٍنشِ؛ ﭑ يُسُقُ شَ وُرِ تٌنفٌمَ نّ، نَشَن نَ عٍقِرَ مِ نُن عَ مَلَن بٌورٍ عِسِرَيِلَ بْنسْييٍ يِ رَ، ﭑ شَ دْشْ يُدَ شَ وُرِ رَ، عٍ شَ قِندِ كٍرٍن نَ ﭑ بّلّشّ كُي.

²⁰عِ شَ نَ وُرِيٍ عِتَلَ عٍ مَبِرِ، سّبّلِ تِشِ نَشٍيٍ مَ،

²¹عِ عَ قَلَ عٍ بّ، وٌ مَرِفِ عَلَتَلَ يِ نَن مَسٍنشِ؛ ﭑ عِسِرَيِلَكَيٍ تٌنفٌمَ نّ حَمَنّيٍ كُي، ﭑ عٍ رَفبِلٍن عٍ شَ بْشِ مَ.

²²ﭑ عٍ بِرِن قِندِ سِ كٍرٍن نَ عِسِرَيِلَ فٍيَيٍ قَرِ. مَنفّ كٍرٍن نَن عٍ بِرِن يَمَرِ مَ. عٍ مُ مّيمَ عٍ بٌرٍ رَ سْنْن قِندِقٍ سِ قِرِن نَ.

²³عٍ مُ قِندِ مَ سّنِيّنتَرٍيٍ رَ سْنْن، كُيٍ بَتُقٍ رَ نُن قٍ حَاشِ رَبَقٍ رَ. ﭑ عٍ رَتَنفَمَ نّ نَ بِرِن مَ، ﭑ عٍ رَ سّنِيّن. عٍ قِندِ مَ نّ ﭑ مَ حَمَ رَ، ﭑ قَن قِندِ عٍ مَرِفِ عَلَ رَ.›»

²⁴«ﭑ مَ كٌنيِ دَوُدَ نَن قِندِ مَ عٍ شَ مَنفّ رَ، شُرُ سٍ كَنتّ كٍرٍن لُ عٍ بِرِن بّ. عٍ بِرَ مَ نّ ﭑ مَ يَامَرِيٍ قْشْ رَ، عٍ ﭑ مَ سّرِيّ رَبَتُ عَ كِ مَ.

²⁵عٍ سَبَتِمَ نّ بْشِ مَ، ﭑ نَشَن قِ ﭑ مَ كٌنيِ يَشُبَ مَ، وٌ بٍنبَيٍ سَبَتِ دّننَشّ. عٍ تَن، عٍ شَ دِيٍ نُن عٍ شَ مَمَدِيٍ سَبَتِمَ نّ مّننِ، ﭑ مَ كٌنيِ دَوُدَ نَن قِندِ مَ عٍ شَ مَنفّ رَ عَبَدَن.

²⁶ﭑ بْحّسَ سَاتّ تٌنفٌمَ نّ عٍ بّ، نَشَن مُ كَنَمَ عَبَدَن. ﭑ عٍ رَ سَبَتِمَ نّ نَا، ﭑ عٍ بْنسْي رَوُيَ. ﭑ مَ هْرْ مْلِنفِرَ لُمَ نّ عٍ تَفِ عَبَدَن.

²⁷عٍ قِندِ مَ نّ ﭑ مَ حَمَ رَ، ﭑ قَن قِندِ عٍ مَرِفِ عَلَ رَ، ﭑ مَ هْرْ مْلِنفِرَ قَ لُ عٍ يَ مَ.

²⁸ﭑ مَ هْرْ مْلِنفِرَ نَ سَبَتِ عٍ تَفِ عَبَدَن، سِ فبّتّيٍ عَ كٌلٌنمَ نّ عَ ﭑ تَن عَلَتَلَ نَن عِسِرَيِلَ رَ سّنِيّنشِ.»