1عَلَتَلَ نَشَ عَ مَسٍن ﭑ بّ، عَ نَشّ،
2«عَدَ مَدِ، عَ قَلَ تِرٍ مَنفّ بّ، ‹عِ مَرِفِ عَلَتَلَ يِ نَن مَسٍنشِ؛
3عِ حْشْ عَ مَ عَ عِ شَشِلِ قَن دَنفِ عَننَبِ دَنِيّلِ فبٍ رَ؟
4عِ شَ شَشِلِمَيَ بَرَ عَ نِيَ عِ شَ بَننَيَ سْتْ،
5عِ قَتَ يُلّيَ رَبَدٍ.
6«نَ قٍ مَ، عِ مَرِفِ عَلَتَلَ يِ نَن مَسٍنشِ؛
7ﭑ عِ يَشُي كٌبِيٍ رَدِنمَ نّ عِ مَ،
8عٍ عِ مَدُلَمَ نّ بَا مَ، عِ قَ قَشّ شْرْشْي سْتْ، عِ فٌرٌ عَلِفِيَمَ.
9عِ قَمَ نّ عَ قَلَدٍ قَشّتِيٍ يَ عِ، ‹عَلَ نَ ﭑ نَ›؟
10عِ قَشَمَ نّ يَافِ كُي عَلْ بِلَكْرّ.
11عَلَتَلَ نَشَ عَ مَسٍن ﭑ بّ، عَ نَشّ،
12«عَدَ مَدِ، سُننُن سُوكِ ندٍ بَ تِرٍ مَنفّ بّ، عَ قَلَقٍ رَ،
13عَ نُ لُشِ نّ عَلْ عِ سَبَتِشِ عَلَ شَ يِرٍ قَنيِ نَن كُي نَشَن شِلِ عٍدٍن بْشِ.
14ﭑ تٌ عِ تِ مَنفّ رَ، ﭑ مَلٍكّ سّنبّ سٌ عِ يِ رَ.
15عِ نُ سّنِيّن كَبِ عِ دَا لْشْي،
16عِ شَ يُلّيَ شَ فبٌي بَرَ عِ قِندِ يُنُبِتْي حَاشِ رَ.
17عِ شَ تٌقَنيِ نَن عَ نِيَ عِ شَ قِندِ يّتّ عِفبٌي رَ.
18عِ شَ يُنُبِيٍ نُن عِ شَ تِنشِنتَرٍيَ عِ شَ يُلّيَ كُي،
19مَنفّ نَشٍيٍ نُ عِ كٌلٌن،
20عَلَتَلَ نَشَ عَ مَسٍن ﭑ بّ، عَ نَشّ،
21«عَدَ مَدِ، عِ شَ تِ سِدْن كَنكٍ، عِ شَ مَسٍنيِ تِ عَ بّ ﭑ شِلِ رَ، عَ قَلَقٍ رَ،
22‹وٌ مَرِفِ عَلَتَلَ يِ نَن مَسٍنشِ؛
23ﭑ وُفَنيِ رَدِنمَ نّ وٌ مَ، مِشِ فبٍفبٍ شَ قَشَ تَا كُي.
24«نَ تّمُي وٌ مُ لُمَ عَلْ تُنبٍيٍ عِسِرَيِلَ بْنسْي سّيتِ مَ سْنْن، عٍ قَ عَ كٌلٌن عَ ﭑ تَن نَن نَ عٍ مَرِفِ عَلَتَلَ رَ.»
25عَلَتَلَ نَشَ عَ مَسٍن ﭑ بّ، عَ نَشّ، «ﭑ نَ فّ عِسِرَيِلَ بْنسْييٍ بِرِن تٌنفٌدٍ حَمَنّيٍ تَفِ عٍ رَيٍنسٍنشِ دّننَشّ، ﭑ نَ ﭑ مَ سّنِيّنيِ مَسٍنمَ نّ عٍ بّ حَمَنّيٍ يَ شْرِ. نَ تّمُي عٍ سَبَتِمَ نّ قَ عٍ شَ بْشِ مَ، ﭑ نَشَن قِشِ ﭑ مَ كٌنيِ يَشُبَ مَ.
26عٍ لُمَ نّ نَا شَشِلِسَ كُي، عٍ بَنشِيٍ تِ، عٍ سَنسِيٍ سِ. عٍ دْشْ نَا شَشِلِسَ كُي، ﭑ نَ عٍ دْشْبٌورٍيٍ حَشَنكَتَمَ تّمُي نَشّ، نَشٍيٍ نُ بَرَ عٍ تْورْ كِ قَنيِ رَ. نَ تّمُي، عٍ عَ كٌلٌنمَ نّ عَ ﭑ تَن نَن عٍ مَرِفِ عَلَتَلَ رَ.»