عَننَبِ عٍسٍكِيٍلِ 24

¹عَ حّ سٌلٌمَنَانِ ندٍ، كِكٍ قُ، شِ قُ ندٍ رَ، عَلَتَلَ نَشَ عَ مَسٍن ﭑ بّ، عَ نَشّ،

²«عَدَ مَدِ، عِ شَ يِ حّ، يِ كِكٍ، نُن يِ لْشْي سّبّ، بَرِ مَ تٌ بَبِلْن مَنفّ فٍرٍ قْلْمَ نّ دَرِ سَلَمُ.

³عِ شَ يِ تَالِ وْيّنيِ قَلَ يِ بْنسْي مُرُتَشِ بّ. عَ قَلَ عٍ بّ؛

⁴سُبٍ شُتِ قَنيِيٍ سَ عَ كُي،

⁵نَشَن شَبَشِ شُرُ سٍ قَتٍ قَنيِ رَ.

⁶«وٌ مَرِفِ عَلَتَلَ يِ نَن مَسٍنشِ؛

⁷مِشِ كْن تٌ رَشَبَ، عَ رَبَ قَنيٍ نَن قَرِ.

⁸ﭑ قَن قَمَ نّ وٌ وُلِ رَقِلِدٍ ﭑ فبٍحْشْي رَ قَنيٍ قَرِ،

⁹«وٌ مَرِفِ عَلَتَلَ يِ نَن مَسٍنشِ؛

¹⁰وٌ قَن يٍفٍ سَ تّ، عَ شَ شُنفبٌ.

¹¹نَ دَنفِ شَنبِ، تُندٍ عِفٍلِ شَ دْشْ تِفٍ وٌلٍنشِ قَرِ،

¹²كْنْ نَ مُ سْونّيَمَ.

¹³«وٌ بَرَ قِندِ سّنِيّنتَرٍيٍ رَ وٌ شَ يّنّ شَ قٍ رَ. ﭑ بَرَ كَتَ وٌ رَ سّنِيّندٍ، كْنْ وٌ مُ تِن. نَ كُي وٌ مُ سّنِيّنيِ سْتْمَ هَن ﭑ فّ ﭑ مَ شْنّ بِرِن نَمِنِدٍ وٌ مَ.

¹⁴ﭑ تَن عَلَتَلَ شَ عَ قَلَ وٌ بّ، نَ وَشَتِ بَرَ عَ لِ. ﭑ مُ كِنِكِنِمَ وٌ مَ، ﭑ مُ فبِلٍنمَ ﭑ مَ نَتّ مَ. ﭑ وٌ مَكِيتِمَ وٌ حّرّ كِ نُن وٌ شَ وَلِ نَن مَ. وٌ مَرِفِ عَلَتَلَ شُي نَن نَن كِ.»

¹⁵عَلَتَلَ نَشَ عَ مَسٍن ﭑ بّ، عَ نَشّ،

¹⁶«عَدَ مَدِ، عَ فبٍ مُ لُشِ ﭑ شَ عَ نِيَ عَ نَشَن نَقَن عِ مَ دَنفِقٍ عِ يَيٍ يَتِ رَ، ﭑ قَمَ نّ نَ رَلْيدٍ عِ مَ كٍرٍن نَ. كْنْ عِ نَشَن نَبَمَ، عِ نَشَ وَ شُي يٌ رَ مِنِ، عِ نَشَ يَ يٍ كٍرٍن نَمِنِ.

¹⁷عِ شَ عِ سَبَرِ عِ شَ سُننُنيِ كُي، عِ نَشَ عِ شُي رَ مِنِ عَلْ مِشِيٍ دَرِشِ عَ رَبَ رَ قَشَ مِشِيٍ بّ كِ نَشّ. عِ نَشَ عِ شُنيِ مَفٍلِ تِ، عِ نَشَ سَنكِرِ بَ عِ سَنيِ، عِ نَشَ عِ يَتَفِ مَكٌتٌ، عِ نَشَ دٌنسٍ دٌن مِشِيٍ دَرِشِ نَشَن دٌن نَ حْن قٍ تّمُي.»

¹⁸ﭑ مَ فِنّ نَشَ قَشَ نَ نُنمَرٍ رَ. نَ كُيٍ عِبَ فّيسّفّ، ﭑ نَشَ عَ رَبَ عَلْ عَلَتَلَ نُ بَرَ ﭑ يَمَرِ كِ نَشّ.

¹⁹حَمَ نَشَ ﭑ مَشْرِن، «عِ نَ يِ حْن قٍ رَبَقٍ كِ نَشّ، نَ مُنسٍ مَسٍنمَ مُشُ تَن بّ؟»

²⁰ﭑ نَشَ عٍ يَابِ، «عَلَتَلَ نَشَ عَ مَسٍن ﭑ بّ، عَ نَشّ،

²¹‹عَ قَلَ عِسِرَيِلَ بْنسْي بّ، وٌ مَرِفِ عَلَتَلَ نَشّ، عَ فبٍ مُ لُشِ ﭑ شَ عَ نِيَ ﭑ مَ هْرْ مْبَنشِ شَ قِندِ يِرٍ سّنِيّنتَرٍ رَ، نَ بَنشِ نَشَن نَقَن وٌ مَ كِ قَنيِ رَ. وٌ شَ دِيٍ مَن قَشَمَ نّ سَنتِدّفّمَ رَ.›

²²نَ تّمُي وٌ قَمَ نَ حْن قٍ سُشُدٍ عَلْ ﭑ عَ سُشُ كِ نَشّ. وٌ مُ وٌ يَتَفِ مَكٌتٌمَ، وٌ مُ حْن قٍ دٌنسٍ دٌنمَ،

²³وٌ مُ وٌ شُنيِ مَفٍلِ تِمَ، وٌ مُ سَنكِرِ بَمَ وٌ سَنيِ. وٌ مُ حْن قٍ رَبَمَ وَ شُي رَ. وٌ شَ يُنُبِيٍ نَن تُن وٌ شُن نَكَنَمَ.

²⁴عَلَ مَن نَشّ، ‹عَننَبِ عٍسٍكِيٍلِ قِندِ مَ وٌ بّ مِسَالِ نَن نَ. عَ نَشَن نَبَشِ، وٌ قَن قَمَ نَ نَن نَبَدٍ. نَ قٍيٍ نَ رَبَ، وٌ عَ كٌلٌنمَ نّ عَ ﭑ تَن نَن نَ وٌ مَرِفِ عَلَتَلَ رَ.›»

²⁵«عَدَ مَدِ، ﭑ شَ عَ قَلَ عِ بّ، ﭑ عٍ شَ هْرْ مْبَنشِ، نَشَن نَقَنشِ عٍ مَ كِ قَنيِ رَ، عَ نُن عٍ شَ دِيٍ، ﭑ نٍيٍ بَمَ عٍ يِ رَ لْشْي نَشّ،

²⁶نَ لْشْي يَتِ مِشِ رَتَنفَشِ قَمَ نّ عِ يِرٍ، عَ نَ شِبَارُي قَلَ عِ بّ.

²⁷نَ لْشْي، عِ نّنيِ قُلُنمَ نّ نَ مِشِ رَتَنفَشِ يَ شْرِ، عِ مُ قِندِ مَ بٌبٌي رَ سْنْن. نَ بِرِن قِندِ مَ مِسَالِ نَن نَ حَمَ بّ، عٍ قَ عَ كٌلٌندٍ عَ ﭑ تَن نَن نَ عَلَتَلَ رَ.»