عَننَبِ عٍسٍكِيٍلِ 18

¹عَلَتَلَ نَشَ عَ مَسٍن ﭑ بّ، عَ نَشّ،

²«وٌ يِ تَالِ وْيّنيِ قَلَمَ نّ عِسِرَيِلَ بْشِ مَ. وٌ نَشّ،

³ﭑ بَرَ ﭑ كَلِ ﭑ يّتّ رَ، عَ مُ لَنمَ وٌ شَ يِ تَالِ قَلَ عِسِرَيِلَ بْشِ مَ سْنْن.

⁴ﭑ تَن نَن فبٍ نَ نِي بِرِن نَ، بَبّ بَ، دِ بَ. ﭑ تَن نَن فبٍ عٍ بِرِن نَ. نِي نَشَن نَ يُنُبِ رَبَ، نَ نِي نَن بْنْمَ.»

⁵«مِشِ نَشَن تِنشِن،

⁶نَشَن مُ سّرّشّ دٌنمَ كُيٍ بّ فٍيَيٍ قَرِ،

⁷نَشَن مُ مِشِ رَوَلِمَ عَ يّتّ شَ فٍينِ شَ قٍ رَ،

⁸نَشَن مُ فٍينِ مْولِ يٌ قٍنمَ دٌنِ كُي،

⁹نَشَن ﭑ مَ يَامَرِيٍ رَبَمَ، عَ ﭑ مَ سّرِيّ رَبَتُ،

¹⁰كْنْ شَ عَ سَ لِ عَ شَ دِ ندٍ نَ نَ، نَشَن مِشِ بْنبْمَ، عَ قَشّ تِمَ، عَ قٍ حَاشِ فبّتّ رَبَ

¹¹عَ بَبَ مُ دَرِشِ نَشَن نَ، عَ شَ قٍ نَ دِ؟

¹²عَ سٍتَرٍ نُن مِسِكِينّ تْورْ مَ،

¹³عَ فٍينِ قٍنمَ دٌنِ كُي.

¹⁴«كْنْ شَ نَ دِ حَاشِ دِ ندٍ سْتْ، نَشَن بَرَ عَ بَبَ شَ يُنُبِيٍ تٌ، عَ قَ لُ عَ مُ تِن نَ وَلِ مْولِ رَبَدٍ، عَ شَ قٍ لُمَ دِ؟

¹⁵عَ مُ سّرّشّ دٌنمَ كُيٍ بّ فٍيَ قَرِ.

¹⁶عَ مُ مِشِ رَوَلِمَ عَ يّتّ شَ فٍينِ شَ قٍ رَ.

¹⁷عَ عَ يّتّ سُشُمَ قٍ حَاشِ رَبَقٍ رَ،

¹⁸كْنْ عَ بَبَ تَن، نَشَن قِندِ قُنمَلَ رَ، نَشَن عَ بٌورٍ مُحَ، نَشَن قٍ حَاشِيٍ رَبَ عَ شَ مِشِيٍ تَفِ، عَ تَن نَن بْنْمَ عَ شَ يُنُبِيٍ شَ قٍ رَ.»

¹⁹«كْنْ وٌ ﭑ مَشْرِنمَ، ‹مُنقٍرَ نَ دِ مُ عَ بَبَ شَ يُنُبِ كٌتٍ تٌنفٌمَ؟› ﭑ شَ عَ قَلَ وٌ بّ، نَ دِ تِنشِنتْي، نَشَن بَرَ ﭑ مَ سّرِيّ رَبَتُ، عَ كِسِمَ نّ.

²⁰نَشَن نَ يُنُبِ رَبَ، نَ نَن بْنْمَ. دِ مُ عَ بَبَ شَ يُنُبِ كٌتٍ شَنِنمَ. بَبَ قَن مُ عَ شَ دِ شَ يُنُبِ كٌتٍ شَنِنمَ. تِنشِنتْي قَمَ نّ تِنشِنيِ سَرٍ سْتْدٍ. يُنُبِتْي تَن قَمَ يُنُبِ سَرٍ سْتْدٍ.»

²¹«كْنْ شَ يُنُبِتْي فبِلٍن عَ شَ يُنُبِيٍ قْشْ رَ، عَ بِرَ عَلَ شَ سّرِيّ قْشْ رَ تِنشِنيِ كُي، عَ كِسِمَ نّ، عَ مُ بْنْمَ.

²²عَ قٍ كٌبِ نَشٍيٍ بِرِن نَبَ، نَ بِرِن بَمَ نّ عَ مَ، عَ قَ كِسِ عَ شَ تِنشِنيِ سَابُي رَ.

²³ﭑ تَن وٌ مَرِفِ عَلَتَلَ حّلّشِنمَ يُنُبِتْي شَ حَشَنكَتّ رَ؟ عَ شَ فبِلٍن عَ شَ يُنُبِ قْشْ رَ، عَ شَ كِسِ، نَ نَن نَقَن ﭑ مَ.»

²⁴«كْنْ شَ تِنشِنتْي فبِلٍن عَ شَ تِنشِنيِ قْشْ رَ، عَ قَ قٍ حَاشِ رَبَ عَلْ يُنُبِتْي عَ رَبَمَ كِ نَشّ، عَ كِسِمَ؟ عَ قٍ قَنيِ نَشٍيٍ بِرِن نَبَ، نَ بِرِن بَمَ نّ عَ مَ، عَ يُنُبِ سْتْ، عَ قَ بْنْ عَ شَ قٍ حَاشِيٍ سَابُي رَ.»

²⁵«وٌ نَشّ، ‹مَرِفِ شَ كِرَ مُ تِنشِن.› عِسِرَيِلَ بْنسْي، وٌ وٌ تُلِ مَتِ ﭑ نَ. ﭑ مَ كِرَ مُ تِنشِنشِ شّ، كَ وٌ تَن نَن شَ كِرَ مُ تِنشِن؟

²⁶شَ تِنشِنتْي عَ كٌبٍ سٌ قٍ قَنيِ رَبَقٍ رَ، عَ بْنْمَ عَ شَ يُنُبِيٍ نَن مَ قٍ رَ.

²⁷كْنْ شَ تِنشِنتَرٍ عَ كٌبٍ سٌ قٍ حَاشِ رَبَقٍ رَ، عَ بِرَ تِنشِنيِ قْشْ رَ، عَ كِسِمَ نّ.

²⁸عَ تٌ عَ شَ وَلِ كٌبِيٍ بِرِن مَتٌ، عَ نَتّ تٌنفٌ عَ شَ فبِلٍن نٍيٍ قْشْ رَ، نَ نَن عَ رَ عَ كِسِمَ، عَ مُ بْنْمَ.

²⁹كْنْ عِسِرَيِلَ بْنسْي نَشّ، ‹عَلَ شَ كِرَ مُ تِنشِن.› ﭑ تَن نَن مَ كِرَ مُ تِنشِن بَ، كَ وٌ تَن نَن شَ كِرَ مُ تِنشِن؟»

³⁰«نَ كُي عِسِرَيِلَ بْنسْي، ﭑ وٌ كَنكَن مَكِيتِمَ عَ شَ قٍ رَبَشِ بّرّ نَن مَ. وٌ شَ تُوبِ! وٌ فبِلٍن وٌ شَ يُنُبِيٍ رَبَقٍ قْشْ رَ، عَلَكٌ نٍيٍ نَشَ وٌ بْنْ.

³¹وٌ شَ وٌ مَكُيَ وٌ شَ يُنُبِيٍ رَ وٌ نَشٍيٍ رَبَشِ، وٌ وٌ بْحّ مَسَرَ، وٌ شَشِلِ نّينّ تٌنفٌ. عِسِرَيِلَ بْنسْي، وٌ تِمَ بْنْي كِرَ رَ مُنقٍ رَ؟

³²ﭑ مُ وَ مَ مِشِ يٌ شَ بْنْ. وٌ تُوبِ عَلَكٌ وٌ شَ كِسِ! وٌ مَرِفِ عَلَتَلَ شُي نَن نَ كِ.»