1نَ دَنفِ شَنبِ مُنسَ نُن عِسِرَيِلَكَيٍ نَشَ يِ بّيتِ بَ عَلَتَلَ بّ.
2ﭑ سّنبّ نَ عَلَتَلَ نَن نَ.
3سّنبّمَ نَن عَلَ رَ.
4عَ نَشَ قِرَوُنَ شَ سْورِيٍ نُن عٍ رَفِسٍيٍ رَ سِن بَا مَ.
5مْرْنيِيٍ نَشَ عٍ مَكٌتٌ،
6عَلَتَلَ، عِ سّنبّ مَفَاشُ.
7عِ شَ مَنفّيَ سّنبّ مَفَاشُ.
8عِ شَ قٌيٍ نَشَ شُلُنيُمِ بَا رَبِ،
9عِسِرَيِلَ يَشُي عَ قَلَ نّ،
10كْنْ عِ تَن نَشَ قٌيٍ رَ مِنِ،
11عَلَتَلَ، عِ مَنِيّ مُ نَ عَدَ مَ شَ عَلَيٍ يَ مَ.
12عِ تٌ عِ سّنبّ رَ مِنِ،
13عِ شَ حَمَ نَشَن شُن سَرَشِ،
14حَمَنّ فبّتّيٍ نَ نَ مّ،
15عٍدٌن يَرٍرَتِيٍ عِقُمَ نّ،
16عَلَتَلَ، فَاشُي نُن كْنتْقِلِ عٍ سُشُمَ نّ،
17عِ قَمَ نّ عِ شَ حَمَ رَ سَبَتِدٍ عِ شَ فٍيَ قَرِ،
18عَلَتَلَ شَ مَنفّيَ بُمَ عَبَدَن.»
19قِرَوُنَ شَ سٌي، عَ شَ سْورِ رَفِسٍيٍ، نُن عَ شَ سٌي رَفِمَيٍ تٌ فٌرٌ بَا مَ، عَلَتَلَ نَشَ بَا رَدِن عٍ شُن مَ، كْنْ عِسِرَيِلَكَيٍ نَشَ دَنفِ كِرَ شَرَشِ رَ بَا تَفِ.
20هَرُنَ مَافِنّ مَرِيَمَ، نَشَن قِندِشِ نَمِحْنمّ فِنّ رَ، عَ نَشَ بٌوتٍ مَشَ. فِنّ فبّتّيٍ نَشَ قَرٍ بٌرٌن.
21مَرِيَمَ نَشَ يِ بّيتِ بَ،
22مُنسَ نَشَ عِسِرَيِلَكَيٍ شُن تِ سُرُ فبٍنفبٍرٍنيِ رَكٍلِقٍ شُلُنيُمِ بَا دّ رَ. عٍ نَشَ عٍ حّرّ شِ سَشَن فبٍنفبٍرٍنيِ مَ، عٍ مُ يٍ سْتْ.
23عٍ نَشَ مَرَ لِ، كْنْ عٍ مُ نْ مَرَ يٍ مِندٍ بَرِ مَ نَ يٍ نُ شْنْ. «مَرَ» وَ مَ «شْنّ» نَن قَلَقٍ.
24حَمَ نَشَ سْنشْ مُنسَ مَ، «وٌن يٍ سْتْمَ مِندٍن؟»
25مُنسَ نَشَ عَ دّ رَوَ عَلَتَلَ شْن مَ. عَلَتَلَ نَشَ وُرِ مْولِ ندٍ مَسٍن مُنسَ بّ، عَ قَ نَ وٌلِ يٍ شْورَ، يٍ شْنّ نَشَ بَ. عَلَتَلَ تٌ فّ عٍ شَشِلِ مَتٌدٍ مّننِ، عَ نَشَ يِ سَاتّ تٌنفٌ عٍ بّ،
26«شَ وٌ وٌ تُلِ مَتِ ﭑ شُي رَ عَ قَنيِ رَ، شَ وٌ بِرَ ﭑ مَ تِنشِنيِ قْشْ رَ، شَ وٌ ﭑ مَ يَامَرِ بِرِن سُشُ، وٌ ﭑ مَ سّرِيّ بِرِن بِنيَ، ﭑ تَن، وٌ مَرِفِ عَلَتَلَ، ﭑ مُ قُرٍ حَاشِ يٌ رَفٌرٌ مَ وٌ مَ، عَلْ ﭑ نَشَن نَفٌرٌ مِسِرَكَيٍ مَ. ﭑ تَن نَن عَلَتَلَ رَ، نَشَن وٌ رَيَلَنمَ.»
27عٍ تٌ دُلٌنيِ قُ نُن قِرِن نُن تُفِ بِلِ تٌنفٌ سٌلٌقٍرٍ لِ عٍلِمِ، عٍ نَشَ يٌنكِن مّننِ.