1ﭑ مَن بَرَ ﭑ شَشِلِ رَ سِفَ حَشَنكَتّ بِرِن مَ، نَشَن نَ رَبَقٍ يِ دُنِحَ مَ.
2ﭑ بَرَ عَ مَحْشُن، مِشِ قَشَشِ نَن سّيوَشِ دَنفِقٍ مِشِ بَلٌشِ رَ.
3مِشِ نَشَن مُ بَرِشِ سِندٍن،
4ﭑ بَرَ عَ تٌ، مِشِ وَلِمَ عٍ شُننَكٍلِ قٍنمَ مِلّ كُي. يِ قَن قِندِشِ قٍ قُقَقُ نَن نَ، عَلْ بِرَقٍ قٌيٍ قْشْ رَ.
5شَشِلِتَرٍ عَ بّلّشّيٍ قِندِفِلِنشِ عَ مَ، عَ مُ وَلِمَ،
6بْحّسَ دٌندٌرٌنتِ قِسَ كَتّ فبٍفبٍ بّ.
7ﭑ بَرَ قٍ قُقَقُ فبّتّ قَن تٌ يِ دُنِحَ مَ.
8شّمّ ندٍ نُ نَ نَشَن نُ نَ عَ كٍرٍنيِ مَ،
9مِشِ قِرِن مَلَنشِ سْونّيَ دَنفِقٍ مِشِ رَ نَشَن لُمَ عَ كٍرٍن.
10شَ عَ سَ لِ كٍرٍن بِرَ، عَ بٌورٍ عَ رَكٍلِمَ نّ.
11نَ مَنِيَشِ مِشِ قِرِن نَن نَ،
12مِشِ حَاشِ نْمَ نّ مِشِ كٍرٍن نَ،
13مِسِكِينّ شَ دِ نَشَن شَشِلِ قَن، عَ سّنبّ فبٌ مَنفّ بّ نَشَن مُ قَتَ مَرَ سِ قَنيِ نُن عَ حَاشِ تَفِ رَ سَدٍ.
14نَ مِشِ مْولِ نْمَ مِنِدٍ فٍيلِ كُي، عَ قِندِ مَنفّ رَ. عَ بَرِشِ سٍتَرٍحَ نَن كُي، عَ قَ مَنفّيَ سْتْ.
15دُنِحَ مِشِ بِرِن سَشَنيِ نَن نَبَمَ، عِ نَ دَنفِ مِشِ فبّتّ قَ تِ عِ حْشْي رَ.
16مِشِ وُيَشِ دَنفِشِ نّ بٍينُن نَ كَنيِ شَ بَرِ. مِشِ نَشٍيٍ قَمَ عَ شَنبِ رَ، عَ شَ قٍ مُ قَمَ رَقَندٍ عٍ مَ. نَ قَن قِندِشِ قٍ قُقَقُ نَن نَ، عَلْ مِشِ نَشَن بِرَقٍ قٌيٍ قْشْ رَ.
17عِ نَ سِفَ سَلِدٍ عَلَ شَ بَنشِ، عِ شَ عِ يّتّ مَتٌ عَ قَنيِ رَ. عِ نَ سِفَ، عِ شَ عِ تُلِ مَتِ مَسٍنيِ رَ نَشَن تِمَ نَا. نَ تِدٍ فبٌ دَنفِقٍ سّرّشّ بَقٍ رَ نَشَن نَبَمَ شَشِلِتَرٍحَ كُي، بَرِ مَ شَشِلِتَرٍيٍ مُ عَ كٌلٌن، عَ عٍ نَ قٍ كٌبِ نَن شُن مَ نَ كِ.