كَوَندِلَ 2

¹ﭑ عَ قَلَ نّ ﭑ يّتّ بّ، «ﭑ شَ حّلّشِنيِ مَتٌ، ﭑ شَ عَ كٌلٌن نَشَن قَن.» ﭑ نَشَ عَ تٌ عَ حّلّشِنيِ قَن مُ بُمَ.

²ﭑ نَشَ ﭑ يّتّ مَشْرِن، «يٍلٍقٍ تُن مُ قِندِشِ قٍ كَمَلِشِ رَ. حّلّشِنيِ تِدٍ نَ مُنسٍ رَ؟»

³ﭑ نَشَ نَتّ تٌنفٌ ﭑ مَ لْننِ قٍنقٍ كُي، ﭑ شَ حّلّشِنيِ قٍن وّنِ رَ. ﭑ نُ وَ مَ عَ كٌلٌنقٍ مُنسٍ مُنَقَنيِ فبٌ عَدَ مَدِيٍ بّ عٍ شَ دُنِحّءِفِرِ كُي.

⁴ﭑ نَشَ وَلِ شُنفبٍ ندٍيٍ سُشُ عَلْ بَنشِ تِقٍ نُن شّ سَقٍ.

⁵ﭑ نَشَ يِرٍ تٌقَنيِيٍ يَءِلَن نَاقُلِ كَنيِ عٍ مَلَبُمَ دّننَشّ سَنسِ تٌقَنيِيٍ يَ مَ.

⁶ﭑ نَشَ يٍ يِرٍ فٍ نَشٍيٍ عَ نِيَمَ يٍ شَ سَ ﭑ مَ سَنسِيٍ مَ.

⁷ﭑ نَشَ كٌنيِيٍ سَرَ، نَشٍيٍ بَرَ دِيٍ سْتْ نَشٍيٍ قِندِشِ ﭑ فبٍ رَ، عٍ قَ لُ ﭑ شْنيِ. ﭑ نَشَ شُرُ سٍ فبٍفبٍ سْتْ، دَنفِ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ.

⁸ﭑ نَشَ فبٍتِ، شّيمَ، نُن نَاقُلِ مْولِ بِرِن سْتْ. ﭑ نَشَ يٍلِبَيٍ سْتْ، عَ نُن فِنّ فَلِ عَدَ مَ وَشْنقٍ شَ قٍ رَ.

⁹ﭑ نَشَ قِندِ مِشِ شُنفبٍ رَ دَنفِقٍ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ. ﭑ نَشَ نَ بِرِن نَبَ لْننِ قٍنقٍ رَ.

¹⁰ﭑ نَشَ ﭑ وَشْنقٍ مْولِ بِرِن قٍن،

¹¹كْنْ ﭑ تٌ ﭑ مَ وَلِ بِرِن مَتٌ،

¹²نَ تّمُي ﭑ نَشَ ﭑ حْشْ سَ شَشِلِمَيَ نُن شَشِلِتَرٍحَ شْن مَ.

¹³ﭑ نَشَ عَ تٌ شَشِلِمَيَ قَن دَنفِ شَشِلِتَرٍحَ رَ،

¹⁴شَشِلِمَ سٍ تٌمَ عَ يَ رَ،

¹⁵نَ نَن عَ رَ ﭑ نَشَ عَ مَحْشُن،

¹⁶شَشِلِمَ نُن شَشِلِتَرٍ شَ قٍ مُ رَتُمَ مِشِيٍ رَ،

¹⁷نَ كُي دُنِحّءِفِرِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن ﭑ مَ وَلِ مُ بُمَ. عَ لُشِ نّ عَلْ مِشِ نَشَن بِرَ مَ قٌيٍ قْشْ رَ، عٍ مُ عَ سُشُ.

¹⁸ﭑ مَ وَلِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن قٌ ﭑ شَ نَ بِرِن لُ مِشِ فبّتّ يِ رَ.

¹⁹نَ مِشِ قِندِ مَ شَشِلِمَ نَن نَ، كَ شَشِلِتَرٍ رَ؟ ندٍ نْمَ نَ كٌلٌندٍ؟ كْنْ عَ تَن يَتِ نْي سْتْمَ نّ ﭑ مَ وَلِ بِرِن شُن مَ! قٍ قُقَقُ نَن نَ كِ.

²⁰نَ كُي ﭑ نَشَ نِمِسَ وَلِ بِرِن شَ قٍ رَ ﭑ نَشَن نَبَ يِ دُنِحَ مَ.

²¹مِشِ نَشَن وَلِشِ لْننِ نُن قَتّ رَ، عَ قَ نَ وَلِ لُ مِشِ ندٍ يِ رَ نَشَن مُ سٍسٍ رَبَ نَ وَلِ كُي، نَ قِندِشِ قٍ قُقَقُ نَن نَ نَشَن شْرْشْ كِ قَنيِ رَ.

²²مِشِ فٍينِ مُندُن سْتْمَ عَ شَ وَلِ نُن عَ شَ كَتّ كُي عَ نَشَن نَبَشِ يِ دُنِحَ مَ؟

²³عَ شَ وَلِ قِندِشِ تْورّ شْرْشْي نَن نَ عَ بّ. هَلِ كْي رَ عَ بْحّ مُ مَلَبُمَ. قٍ قُقَقُ نَن نَ كِ.

²⁴عَ لَنمَ مِشِ شَ عَ دّفٍ، عَ شَ عَ مِن، عَ شَ عَ شَ وَلِ رَبَ سّيوّ كُي. ﭑ بَرَ عَ كٌلٌن نَ بِرِن كٍلِشِ عَلَ نَن مَ.

²⁵مِشِ مُ نْمَ عَ دّفٍدٍ، عَ قٍ قَنيِ كٌلٌن شَ عَلَ مُ عَ مَلِ؟

²⁶مِشِ نَشَن نَقَن عَلَ مَ، عَلَ عَ كِمَ شَشِلِ قَنيِ، قَهَامُي، نُن سّيوّ نَن نَ. كْنْ شَشِلِتَرٍ تَن، عَلَ عَ نِيَمَ نّ عَ شَ عَ هَرِفٍ بِرِن سٌ مِشِ فبّتّ يِ رَ نَشَن نَقَن عَلَ مَ. يِ قَن قِندِشِ قٍ قُقَقُ نَن نَ، عَلْ مِشِ نَشَن بِرَ مَ قٌيٍ قْشْ رَ.