1تُفِتُفِ نَ قَشَ لَبُندّ شُن مَ، لَبُندّ شِرِ كَنَمَ نّ.
2شَشِلِمَ بْحّ مَتِنسٍ،
3شَشِلِتَرٍ عَ شَ شَشِلِتَرٍحَ مَسٍنمَ نّ بِرِن بّ عَ شَ حّرّ كُي.
4شَ عِ شَ مَنفّ شْنْ عِ مَ، عِ نَشَ كٍلِ عِ شَ وَلِ شُن مَ،
5ﭑ قٍ شْرْشْي ندٍ قَن تٌشِ يِ دُنِحَ مَ نَشَن كٍلِشِ مَنفّ مَ؛
6عَ نْي قِمَ نّ شَشِلِتَرٍ ندٍ مَ،
7ﭑ بَرَ كٌنيِ ندٍ تٌ عَ سٌي رَفِمَ،
8يِلِ فٍ نْمَ بِرَدٍ عَ شَ يِلِ فٍشِ كُي،
9مِشِ نَشَن فّمّ مَسٌلِمَ، عَ نْمَ عَ مَشْنْدٍ فّمّ رَ.
10شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ.
11شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ،
12هِننّ فبٍفبٍ نَ شَشِلِمَ شَ مَسٍنيِ كُي،
13عَ شَ مَسٍنيِ قْلْمَ لْننِتَرٍحَ رَ،
14شَشِلِتَرٍ شَ وْيّنيِ وُيَ.
15شَشِلِتَرٍ عَ يّتّ رَتَفَنمَ،
16حَشَنكَتّ نَ تَا بّ نَشَن شَ مَنفّ قِندِشِ قٌنِكٍ يْرّ رَ،
17حّلّشِنيِ نَ تَا بّ نَشَن شَ مَنفّ قَتَنشِ مَنفّ بْنسْي رَ،
18شَ بَنشِ كَنيِ تُننَشْنْ، بَنشِ شُنيِ بِرَ مَ نّ،
19مِشِ دٌنسٍ رَقَلَمَ نّ عَلَكٌ عَ شَ حّلّشِن،
20عِ نَشَ مَنفّ دَنكَ هَلِ عِ شَ مَحْشُنيِ كُي،