1«ﭑ شَنُنتٍنيِ، ﭑ بَرَ سٌ ﭑ مَ سَنسِ يِرٍ.
2«ﭑ نُ نَ شِقٍ، كْنْ ﭑ بْحّ مُ شِشِ،
3«ﭑ حَن نُ بَرَ ﭑ مَ دُفِ بَ،
4ﭑ شَنُنتٍنيِ نَشَ عَ بّلّشّ رَ سٌ نَادّ لٌنفٌرِ رَ،
5ﭑ نَشَ كٍلِ عَلَكٌ ﭑ شَ نَادّ رَبِ ﭑ شَنُنتٍنيِ بّ.
6ﭑ نَشَ نَادّ رَبِ ﭑ شَنُنتٍنيِ بّ،
7تَا كَنتَمَيٍ تٌ ﭑ تٌ،
8«دَرِ سَلَمُ فِنّدِ مّيٍ،
9«فِنّ تٌقَنيِ قِسَمَنتٍ،
10«ﭑ شَنُنتٍنيِ كِرِ قِيشّ، عَ رَفبٍيلِ.
11عَ شُنيِ لُشِ نّ عَلْ شّيمَ قَنيِ،
12عَ يَيٍ رَيَبُ عَلْ فَنبّ نَشٍيٍ تِشِ شُرٍ دّ رَ،
13عَ شّرّيٍ لُشِ نّ عَلْ لَبُندّ يَءِلَندٍ،
14عَ بّلّشّ تٌقَن عَلْ بّلّشّسٌلٍرَ سٌي شّيمَ دَاشِ،
15عَ سَنيِ سّنبّ فبٌ عَلْ قَنيٍ قِيشّ،
16عَ دّ عِحْشُن، عَ شَ قٍ بِرِن قَن.