مَتِي 6

¹«وٌ نَشَ قٍ قَنيِ رَبَ مِشِيٍ يَ تٌدٍ رَ عٍ شَ وٌ شَ تِنشِنيِ تٌ، شَ نَ مُ عَ رَ وٌ مُ بَرَايِ يٌ سْتْمَ وٌ بَبَ رَ، نَشَن نَ عَرِيَننَ.

²نَ كُي، عِ نّ مِشِ كِمَ، عِ نَشَ عَ سِفِ سَ دُنِحَ بِرِن بّ عَلْ قِلَنكَقُييٍ عَ رَبَمَ كِ نَشّ سَلِدٍ نُن تَا مَ، عَلَكٌ مِشِيٍ شَ عٍ مَتْشْ. ﭑ شَ نْندِ قَلَ وٌ بّ، عٍ بَرَ فّ عٍ شَ وَلِ سَرٍ بِرِن سْتْدٍ.

³عِ نّ مِشِ كِمَ عِ يِرٍقَنيِ رَ، كْولَ نَشَ عَ كٌلٌن.

⁴عِ شَ مِشِ كِ سُتُرّ نَن نَ. نَ كُي، عِ بَبَ عَلَ نَشَن فُندٌ بِرِن كٌلٌن، عَ قَمَ نّ نَ سَرٍ رَفبِلٍندٍ عِ مَ.»

⁵«وٌ نّ سَلِمَ، وٌ نَشَ لُ عَلْ قِلَنكَقُييٍ نَشٍيٍ سَلِمَ، عٍ تِشِ سَلِدٍيٍ كُي نُن كِرَ دّ رَ عَلَكٌ مِشِيٍ شَ عٍ تٌ. ﭑ شَ نْندِ قَلَ وٌ بّ، عٍ بَرَ فّ عٍ شَ وَلِ سَرٍ بِرِن سْتْدٍ.

⁶كْنْ عِ تَن نّ سَلِمَ، سِفَ عِ شَ بَنشِ يِرٍ ندٍ نْشُنيِ كُي، عِ نَادّ رَفَلِ، عِ عَلَ مَشَندِ نَشَن مُ تٌمَ. نَ كُي، عِ بَبَ عَلَ نَشَن فُندٌ قٍ بِرِن تٌشِ، عَ قَمَ نّ عِ سَرٍ قِدٍ.»

⁷«وٌ نّ عَلَ مَشَندِ مَ، وٌ نَشَ وٌ شَ وْيّنيِ رَوُيَ قُقَقُ، عَلْ كَاقِرِ نَشٍيٍ لَشِ عَ رَ عَ عٍ شَ دُبَ سُشُمَ عٍ شَ وْيّنيِ رَدِفَنشِيٍ نَن سَابُي رَ.

⁸وٌ نَشَ لُ عَلْ عٍ تَن، بَرِ مَ وٌ بَبَ عَلَ وٌ هَيِ كٌلٌن بٍينُن وٌ شَ عَ مَشَندِ.»

⁹«وٌ لَن وٌ شَ سَلِ يِ كِ نّ؛

¹⁰عِ شَ مَنفّيَ شَ قَ.

¹¹بَلٌي قِ مُشُ مَ تٌ لْشْي،

¹²دِحّ مُشُ شَ يُنُبِيٍ مَ،

¹³عِ نَشَ مُشُ تِ مَرَتَنتَنيِ كِرَ شْن،

¹⁴«شَ وٌ دِحّ مِشِيٍ هَاكّيٍ مَ، وٌ بَبَ نَشَن نَ عَرِيَننَ، عَ قَن دِحّمَ نّ وٌ مَ،

¹⁵كْنْ شَ وٌ مُ دِحّ مِشِيٍ مَ، وٌ بَبَ نَشَن نَ عَرِيَننَ، عَ قَن مُ دِحّمَ وٌ شَ يُنُبِيٍ مَ.»

¹⁶«وٌ نّ سُنيِ سُشُمَ، وٌ نَشَ وٌ يَتَفِ عِشْنْ عَلْ قِلَنكَقُييٍ عٍ يَتَفِ عِشْنْمَ كِ نَشّ، مِشِيٍ شَ عَ كٌلٌن عَ عٍ نَ سُنيِ. ﭑ شَ نْندِ قَلَ وٌ بّ، عٍ بَرَ فّ عٍ شَ وَلِ سَرٍ بِرِن سْتْدٍ.

¹⁷كْنْ عِ تَن نّ سُنيِ سُشُمَ، عِ شَ تُرٍ سَ عِ شُنيِ مَ، عِ عِ يَتَفِ مَشَ،

¹⁸عَلَكٌ مِشِيٍ نَشَ عَ كٌلٌن عَ عِ نَ سُنيِ. نَ كُي، عِ بَبَ عَلَ نَشَن مُ تٌمَ، نَشَن مَن فُندٌ قٍ بِرِن تٌشِ، عَ قَمَ نّ عِ سَرٍ قِدٍ.»

¹⁹«وٌ نَشَ وٌ هَرِفٍ مَلَن دُنِحَ مَ، نِمَسٍيٍ نُن شْرِشْرِ عَ شُن نَكَنَمَ دّننَشّ، شَ نَ مُ عَ رَ مُحّتِيٍ نْمَ عَ مُحَدٍ بَنشِ كُي دّننَشّ.

²⁰وٌ شَ وٌ هَرِفٍ مَلَن عَرِيَننَ نّ، نِمَسٍيٍ نُن شْرِشْرِ مُ كَنَرِ سَمَ دّننَشّ، مُحّتِيٍ قَن مُ مُحّ تِمَ دّننَشّ.

²¹وٌ هَرِفٍ نَ دّننَشّ، وٌ بْحّ قَن لُمَ نَا نّ.»

²²«يَ نَن نَ قَتٍ شَ لَنثُي رَ. شَ عِ يَ قَن، عِ قَتٍ بِرِن عِيَلَنمَ نّ،

²³كْنْ شَ عِ يَ مُ قَن، عِ قَتٍ لُمَ دِ مِ نَن كُي. نَ كُي، شَ عِ شَ نَءِيَلَنيِ بَرَ قِندِ دِ مِ رَ، نَ دِ مِ عِقْورْ دٍ!»

²⁴«مِشِ يٌ مُ نْمَ لُدٍ مَرِفِ قِرِن شَ يَامَرِ بُن مَ، بَرِ مَ عَ قَمَ مَرِفِ كٍرٍن شْندٍ، عَ بٌورٍ مَشَنُ. عَ شِرِ مَ كٍرٍن نَ، عَ بٌورٍ رَبٌلٌ. وٌ مُ نْمَ عَلَ نُن نَاقُلِ بَتُدٍ تّمُي كٍرٍن.»

²⁵«نَ نَن عَ تٌشِ، ﭑ شَ عَ قَلَ وٌ بّ، وٌ نَشَ كْنتْقِلِ بَلٌي شَ قٍ رَ وٌ هَيِ نَ نَشَن مَ يِ دُنِحّءِفِرِ كُي، شَ نَ مُ عَ رَ، دُفِيٍ شَ قٍ رَ وٌ نَشٍيٍ رَفٌرٌ مَ وٌ قَتٍ مَ. وٌ شَ دُنِحّءِفِرِ تِدٍ مُ فبٌ دٌنسٍ بّ؟ وٌ قَتٍ تِدٍ مُ فبٌ دُفِيٍ بّ؟

²⁶وٌ شْنِيٍ مَتٌ كٌورٍ مَ. عٍ مُ سَنسِ سِمَ، عٍ مُ شّ شَبَمَ، عٍ مُ دٌنسٍ رَفَتَمَ بِلِيٍ كُي، كْنْ وٌ بَبَ نَشَن نَ عَرِيَننَ، عَ عٍ بَلٌمَ. وٌ تَن مُ دَنفِ نَ شْنِيٍ رَ؟

²⁷ندٍ نْمَ هَلِ شِ كٍرٍن سَدٍ عَ شَ سِمَيَ شُن عَ شَ كْنتْقِلِ سَابُي رَ؟

²⁸مُنقٍ رَ وٌ كْنتْقِلِمَ وٌ شَ سٌسٍيٍ شَ قٍ رَ؟ وٌ سَنسِ قُفٍ تٌقَنيِيٍ مَتٌ، عٍ مِنِمَ وُلَ سَنسِيٍ مَ كِ نَشّ. عٍ مُ وَلِمَ، عٍ مُ وٌلِفّسّ يَءِلَنمَ،

²⁹كْنْ ﭑ شَ عَ قَلَ وٌ بّ، هَلِ مَنفّ سُلٍمَنِ شَ دَرِيّ بِرِن كُي، عَ شَ سٌسٍيٍ مُ نُ تٌقَن عَلْ نَ سَنسِ قُفٍ كٍرٍن.

³⁰شَ عَلَ سَنسِ مّينِمَ يِ كِ نّ، سَنسِ نَشَن نَ نَ تٌ، تِنَ عَ فَن، عَ مُ مّينِمَ وٌ قَن مَ؟ وٌ شَ دَنشَنِيَ شُرُن!»

³¹«نَ كُي، وٌ نَشَ كْنتْقِلِ عَ قَلَقٍ رَ، ‹مُشُ مُنسٍ دٌنمَ؟ مُشُ مُنسٍ مِنمَ؟ مُشُ مُنسٍ رَفٌرٌ مَ مُشُ مَ؟›

³²كَاقِرِيٍ بِرَ مَ نَ قٍ مْولِ نَن تُن قْشْ رَ. عَنُن، وٌ بَبَ نَشَن نَ عَرِيَننَ، عَ عَ كٌلٌن وٌ هَيِ نَ نَ سٍ بِرِن مَ.

³³نَ كُي، وٌ شَ عَلَ شَ مَنفّيَ نِينِ نُن عَ شَ تِنشِنيِ نَن سِنفٍ قٍن، عَ نَ سٍ دْنشْي بِرِن قَن قِمَ نّ وٌ مَ.

³⁴وٌ نَشَ كْنتْقِلِ تِنَ شَ قٍ رَ، بَرِ مَ تِنَ عَ حْشْ سَمَ عَ يّتّ شْن. لْشْي بِرِن نُن عَ شَ تْورّ نَن عَ رَ.»