مَتِي 4

¹عَلَ شَشِلِ نَشَ عِسَ شُن تِ فبٍنفبٍرٍنيِ مَ عَلَكٌ عِبُلِسَ شَ سَ كَتَ عَ شَ عَ رَتَنتَن.

²عِسَ تٌ نُ بَرَ سُن شِ تٌنفٌ نَانِ، كْي نُن يَنيِ، كَامّ نُ نَ عَ مَ.

³مَرَتَنتَنمَ تٌ مَسٌ عَ رَ، عَ نَشَ عَ قَلَ عَ بّ، «شَ عَلَ شَ دِ نَن عِ رَ، يَامَرِ قِ يِ فّمّيٍ شَ قِندِ تَامِ رَ.»

⁴عِسَ نَشَ عَ يَابِ، «عَ سّبّشِ كِتَابُي كُي، ‹مِشِ مُ بَلٌمَ تَامِ فبَنسَن شَ رَ. عَلَ شَ مَسٍنيِ بِرِن قِندِشِ بَلٌي نَن نَ عَدَ مَ بّ.›»

⁵عِبُلِسَ نَشَ عَ شَنِن دَرِ سَلَمُ، تَا سّنِيّنشِ، عَ عَ تِ عَلَ شَ هْرْ مْبَنشِ قَرِ، يِرٍ عِتٍشِ.

⁶عَ نَشَ عَ قَلَ عَ بّ، «شَ عَلَ شَ دِ نَن لَنشِ عِ مَ، تُفَن، بَرِ مَ عَ سّبّشِ،

⁷عِسَ نَشَ عَ يَابِ، «عِيٌ، كْنْ عَ مَن سّبّشِ كِتَابُي كُي، ‹عِ نَشَ عِ مَرِفِ عَلَ مَتٌ.›»

⁸عِبُلِسَ مَن نَشَ عَ شَنِن فٍيَ عِتٍشِ قَرِ، عَ قَ دُنِحَ مَنفّيَ بِرِن مَسٍن عَ بّ، عٍ نُن عٍ شَ دَرِيّ.

⁹عَ نَشَ عَ قَلَ عَ بّ، «ﭑ يِ بِرِن قِمَ نّ عِ مَ شَ عِ سُيِدِ ﭑ بّ، عِ ﭑ بَتُ.»

¹⁰عِسَ نَشَ عَ يَابِ، «سٍنتَنّ، كٍلِ بٍ! عَ سّبّشِ كِتَابُي كُي، ‹عِ شَ عِ مَرِفِ عَلَ فبَنسَن نَن بَتُ، عِ شَ سُيِدِ عَ كٍرٍن نَن بّ.›»

¹¹نَ وْيّنيِ دَنفِ شَنبِ، عِبُلِسَ نَشَ كٍلِ عَ شُن. مَلٍكّيٍ نَشَ عٍ مَسٌ عِسَ رَ، عٍ عَ سّنبّ سٌ.

¹²عِسَ تٌ عَ مّ عَ يَيَ بَرَ سَ فٍيلِ، عَ نَشَ فبِلٍن فَلِلٍ بْشِ مَ.

¹³عَ نَشَ كٍلِ نَسَرّتِ تَا كُي، عَ سَ سَبَتِ كَثّرّنَمُ، تَا ندٍ نَشَن نُ نَ بَا دّ رَ، سَبُلٌن نُن نَقَتَلِ بْشِ مَ.

¹⁴نَ نَشَ رَبَ عَلَكٌ عَننَبِ عٍسَيِ شَ مَسٍنيِ شَ كَمَلِ،

¹⁵«سَبُلٌن نُن نَقَتَلِ بْشِ،

¹⁶حَمَنّ نَشَن دْشْشِ دِ مِ كُي،

¹⁷كٍلِ نَ تّمُي مَ، عِسَ نَشَ كَوَندِ تِ قْلْ، عَ نُ عَ قَلَ، «وٌ تُوبِ، بَرِ مَ عَلَ شَ مَنفّيَ نِينِ بَرَ مَكْرّ.»

¹⁸عِسَ تٌ نُ حّرّقٍ فَلِلٍ بَا دّ رَ، عَ نَشَ شّمّ قِرِن تٌ عٍ نَ يّلّ وٌلِقٍ. يّشّسُشُييٍ نَن نُ عٍ رَ، سِمْن، نَشَن شِلِ ثِيّرِ، عَ نُن عَ شُنيَ عَندِرٍ.

¹⁹عِسَ نَشَ عَ قَلَ عٍ بّ، «وٌ بِرَ ﭑ قْشْ رَ. تّمُي دَنفِشِ وٌ نُ يّشّ نَن سُشُمَ، كْنْ يَكْسِ ﭑ عَ نِيَمَ وٌ شَ نُ مِشِيٍ نَن سْتْ ﭑ بّ.»

²⁰عٍ نَشَ عٍ شَ يّلّيٍ لُ نَ كٍرٍن نَ، عٍ بِرَ عِسَ قْشْ رَ.

²¹عٍ تٌ سِفَ، عٍ نَشَ شّمّ قِرِن فبّتّ تٌ، سٍبٍدٍ شَ دِ يَكِ نُن عَ شُنيَ يَيَ. عٍ نُ نَ يّلّيٍ مَدّفّقٍ كُنكُي كُي عٍ بَبَ سٍبٍدٍ قّ مَ. عِسَ نَشَ عٍ شِلِ،

²²عٍ قَن نَشَ كُنكُي نُن عٍ بَبَ لُ نَ كٍرٍن نَ، عٍ بِرَ عِسَ قْشْ رَ.

²³نَ شَنبِ عِسَ نَشَ فَلِلٍ بْشِ بِرِن عِسَ قْلْ. عَ نُ مِشِيٍ شَرَنمَ عٍ شَ سَلِدٍيٍ كُي، عَ نُ عٍ كَوَندِ عَلَ شَ مَنفّيَ نِينِ شَ شِبَارُ قَنيِ رَ، عَ نُ قُرٍ مَ مْولِ بِرِن نَيَلَن حَمَ يَ مَ.

²⁴عَ شِلِ نَشَ تٍ سِرِيَ بْشِ بِرِن مَ. مِشِيٍ نَشَ قَ قُرٍ مَ مْولِ بِرِن نَ عَ شْن مَ. عٍ نُ قَمَ مِشِيٍ رَ نَشٍيٍ نُ نَ تْورْقٍ عَ حَاشِ رَ، حِننّ نُ نَشٍيٍ قْشْ رَ، بِرَ قُرٍ نُ نَ نَشٍيٍ مَ، عَ نُن نَمَتّيٍ. عِسَ نُ عٍ بِرِن نَيَلَنمَ.

²⁵حَمَ فبٍفبٍ نَشَ بِرَ عَ قْشْ رَ كٍلِقٍ فَلِلٍ بْشِ مَ، تَا قُ بْشِ، دَرِ سَلَمُ، يُدَيَ، نُن بْشِ نَشَن نَ يُرُدّن نَاكِرِ مَ.