مَتِي 20

¹«عَلَ شَ مَنفّيَ مِسَالِشِ شّ كَنيِ نَن نَ، نَشَن مِنِ سُبَشّ مَ عَلَكٌ عَ شَ وَلِكّيٍ تٌنفٌ عَ شَ شّ وَلِقٍ رَ.

²عٍ تٌ لَن عَ مَ قّيحّن كٍرٍن شَ وَلِ سَرٍ شَ قِندِ فبٍتِ كْبِرِ كٌلٍ كٍرٍن نَ، شّ كَنيِ نَشَ وَلِكّيٍ شّي عَ شَ شّ يِرٍ.

³عَ مَن تٌ مِنِ فّيسّفّ، سٌفٍ تٌ نُ بَرَ مَتٍ، عَ نَشَ وَلِكّ فبّتّيٍ لِ، عٍ تِشِ تَا كُي، وَلِ يٌ مُ عٍ يِ.

⁴عَ نَشَ عَ قَلَ عٍ بّ، ‹وٌ قَن شَ سِفَ وَلِدٍ ﭑ مَ شّ مَ. ﭑ وَلِ سَرٍ تِنشِنشِ قِمَ نّ وٌ مَ.›

⁵عٍ قَن نَشَ سِفَ. شّ كَنيِ مَن نَشَ مِنِ يَنيِ تَفِ، عَ وَلِكّ فبّتّيٍ مَن تٌنفٌ. نُنمَرٍ، عَ مَن نَشَ مِشِ فبّتّيٍ سْتْ.

⁶عَ دْنشْي رَ، لّيرِ ندٍيٍ بٍينُ كْي شَ سٌ، عَ نَشَ مِنِ، عَ وَلِكّ فبّتّيٍ لِ، عٍ تِشِ. عَ نَشَ عٍ مَشْرِن، ‹قّيحّن، وٌ تِشِ بٍ، وٌ مُ وَلِقٍ. مُنقٍ رَ؟›

⁷عٍ نَشَ عَ يَابِ، ‹مِشِ يٌ نَن مُ مُشُ تٌنفٌشِ وَلِدٍ.› شّ كَنيِ نَشَ عَ قَلَ عٍ بّ، ‹وٌ قَن شَ سِفَ وَلِدٍ ﭑ مَ شّ يِرٍ.›»

⁸«نُنمَرٍ تٌ سٌ، شّ كَنيِ نَشَ عَ قَلَ عَ شَ وَلِكّ شُنيِ بّ، ‹وَلِكّيٍ شِلِ، عِ شَ عٍ سَرٍ قِ. عَ قْلْ دْنشْي رَ سٌي مَ، عَ رَحْن عَ سِنفٍ مَ.›

⁹نَشٍيٍ وَلِ قْلْشِ لّيرِ ندٍيٍ بٍينُ كْي شَ سٌ، كَنكَن نَشَ فبٍتِ كْبِرِ كٌلٍ كٍرٍن سْتْ.

¹⁰نَ كُي، وَلِكّيٍ نَشٍيٍ سِنفٍ تٌنفٌ، نٍيٍ تٌ قَ عٍ حْشْ عَ مَ عَ عٍ كْبِرِ سْتْمَ دَنفِ بٌورٍيٍ رَ، كْنْ عٍ قَن نَشَ فبٍتِ كْبِرِ كٌلٍ كٍرٍن سْتْ.

¹¹عٍ تٌ عَ رَ سُشُ، عٍ نَشَ وْيّن شّ كَنيِ مَ،

¹²عٍ عَ قَلَ، ‹يِ وَلِكّ دْنشْييٍ، عٍ وَشَتِ كٍرٍن فبَنسَن نَن وَلِشِ، كْنْ عِ بَرَ وَلِ سَرٍ قِ عٍ مَ نَشَن نُن مُشُ فبٍ لَن. عَنُن، مُشُ تَن نَن قّيحّنشِ وَلِ رَ سٌفٍ شْنّ بُن!›

¹³عَ نَشَ مِشِ كٍرٍن يَابِ عٍ يَ مَ، ‹ﭑ بٌورٍ، ﭑ مُ قٍقٍ كٌبِ نِيَشِ عِ رَ. وٌن مُ لَن فبٍتِ كْبِرِ كٌلٍ كٍرٍن شَ مَ؟

¹⁴عِ فبٍ تٌنفٌ، عِ سِفَ. ﭑ تَن نَن وَشِ عَ شْن يِ وَلِكّ دْنشْي شَ وَلِ سَرٍ شَ لَن عِ فبٍ مَ.

¹⁵ﭑ مُ نْمَ ﭑ وَشْنقٍ رَبَدٍ ﭑ مَ كْبِرِ رَ؟ كَ عِ تْونّشِ نّ ﭑ تٌ قٍ قَنيِ رَبَشِ مِشِ فبّتّ ندٍ بّ؟›

¹⁶نَ كُي، شَنبِرَتِيٍ قَمَ قِندِدٍ يَرٍرَتِيٍ رَ، يَرٍرَتِيٍ قَن قِندِ شَنبِرَتِيٍ رَ.»

¹⁷عِسَ نُن عَ شّيرَ قُ نُن قِرِنيِيٍ تٌ نُ تٍقٍ دَرِ سَلَمُ، عِسَ نَشَ عٍ شُن لَن، عَ قَ عَ مَسٍن عٍ دٌرٌ بّ كِرَ شْن مَ،

¹⁸«وٌ عَ مَتٌ، وٌن نَ تٍقٍ دَرِ سَلَمُ نّ يِ كِ. عَدَ مَ شَ دِ سَمَ نّ سّرّشّدُبّ كُنتِفِيٍ نُن سّرِيّ كَرَ مْشْيٍ بّلّشّ، عٍ عَ مَكِيتِ عَ شَ قَشَ،

¹⁹عٍ عَ سٌ كَاقِرِيٍ يِ رَ. عٍ عَ مَيٍلٍمَ نّ، عٍ عَ بْنبْ سّبّرّ رَ، عٍ قَ عَ مَبَنبَن وُرِ مَفَلَنبُشِ مَ، كْنْ عَ شَ قَشّ شِ سَشَن ندٍ مَ، عَ مَن كٍلِمَ نّ قَشّ مَ.»

²⁰نَ تّمُي سٍبٍدٍ شَ دِيٍ نفَ نَشَ قَ عِسَ يِرٍ، عَ نُن عَ شَ دِيٍ. عَ نَشَ سُيِدِ عَ بّ، عَ شَ عَ مَشَندِ قٍ ندٍ مَ.

²¹عِسَ نَشَ فِنّ مَشْرِن، «عِ وَ مَ مُنسٍ شْن؟» عَ نَشَ عَ قَلَ عِسَ بّ، «عِ شَ تِن، عِ نَ عِ شَ مَنفّيَ سْتْ، ﭑ مَ يِ دِ قِرِنيِيٍ شَ دْشْ عِ سّيتِ مَ، كٍرٍن عِ يِرٍقَنيِ مَ، بٌورٍ عِ كْولَ مَ.»

²²عِسَ نَشَ عَ مَسٍن دِ قِرِنيِيٍ بّ، «وٌ مُ عَ كٌلٌن وٌ قٍ نَشَن مَشْرِنقٍ. ﭑ قَقٍ تْورّ نَشَن تٌدٍ، وٌ تِنمَ نَ رَ؟» عٍ نَشَ عَ يَابِ، «عِيٌ، مُشُ تِنمَ عَ رَ.»

²³عِسَ نَشَ عَ مَسٍن عٍ بّ، «وٌ قَن يَتِ قَمَ حَشَنكَتّ سْتْدٍ عَلْ ﭑ تَن، كْنْ دْشْقٍ ﭑ يِرٍقَنيِ نُن ﭑ كْولَ مَ، نَ مُ قَتَنمَ ﭑ تَن شَ رَ. نَ نَ مِشِيٍ نَن بّ، ﭑ بَبَ نَشٍيٍ سُفَندِشِ.»

²⁴عِسَ قْشِرَبِرّ قُ دْنشْييٍ تٌ نَ قٍ مّ، عٍ نَشَ شْنْ نَ نفَشَكٍرٍنيِ قِرِن مَ.

²⁵كْنْ عِسَ نَشَ عٍ شِلِ عَ يِرٍ، عَ عَ مَسٍن عٍ بّ، «حَمَنّ مَنفّيٍ مِشِيٍ يَمَرِ مَ عَ شْرْشْي رَ، عٍ عٍ سّنبّ رَ مِنِمَ مِشِيٍ مَ عَلَكٌ عٍ شَ مَنفّيَ شَ كٌلٌن.

²⁶كْنْ عَ نَشَ لُ نَ كِ وٌ تَن تَفِ. مِشِ نَشَن وَ مَ عَ تِدٍ شَ فبٌ وٌ يَ مَ، عَ شَ قِندِ وٌ شَ كٌنيِ نَن نَ.

²⁷مِشِ نَشَن وَ مَ قِندِقٍ وٌ شَ يَرٍرَتِ رَ، عَ شَ قِندِ وٌ شَ كٌنيِ نَن نَ.

²⁸وٌ شَ لُ نّ عَلْ عَدَ مَ شَ دِ. عَ تَن مُ قَشِ شّ مِشِيٍ شَ وَلِ عَ تَن بّ. عَ قَشِ نّ عَلَكٌ عَ تَن نَن شَ وَلِ مِشِيٍ بّ، عَ شَ مِشِ فبٍفبٍ شُنسَرَ عَ شَ قَشّ سَابُي رَ.»

²⁹عِسَ نُن عَ قْشِرَبِرّيٍ تٌ مِنِ يٍرِكٌ، حَمَ فبٍفبٍ نَشَ بِرَ عَ قْشْ رَ.

³⁰دْنشُي قِرِن نُ دْشْشِ كِرَ دّ رَ. عٍ تٌ عَ مّ عَ عِسَ نَ دَنفِقٍ، عٍ نَشَ عٍ شُي رَ مِنِ، «مَرِفِ، دَوُدَ شَ دِ، كِنِكِنِ مُشُ مَ!»

³¹حَمَ نَشَ وْيّن عٍ مَ، عٍ شَ عٍ سَبَرِ، كْنْ عٍ حَن نَشَ عٍ شُي عِتٍ دَنفِ عَ سِنفٍ رَ، «مَرِفِ، دَوُدَ شَ دِ، كِنِكِنِ مُشُ مَ!»

³²عِسَ نَشَ تِ، عَ عٍ شِلِ، عَ عٍ مَشْرِن، «وٌ وَ مَ ﭑ شَ مُنسٍ رَبَ وٌ بّ؟»

³³عٍ نَشَ عَ يَابِ، «مَرِفِ، مُشُ وَ مَ مُشُ يَيٍ شَ سٍ تٌ.»

³⁴عِسَ نَشَ كِنِكِنِ عٍ مَ، عَ عَ بّلّشّ سَ عٍ يَيٍ مَ. كٍرٍن نَ، عٍ يَيٍ نَشَ سٍ تٌ، عٍ نَشَ بِرَ عِسَ قْشْ رَ.