مَتِي 14

¹نَ وَشَتِ، فَلِلٍ مَنفّ هٍرٌدٍ نَشَ عِسَ شَ قٍ مّ. عَ نَشَ عَ قَلَ عَ شَ مِشِيٍ بّ،

²«يَيَ شُنشَ نَن كٍلِشِ قَشّ مَ. نَ نَن عَ تٌشِ نْي نَ عَ يِ عَ شَ كَابَنَكٌي رَبَ.»

³عَ نَ قَلَ نّ، بَرِ مَ عَ تَن هٍرٌدٍ نُ بَرَ يَامَرِ قِ يَيَ شَ سُشُ، يْلْنشْنيِ شَ سَ عَ مَ، عَ شَ سَ فٍيلِ هٍرٌدِيَسِ شَ قٍ رَ، عَ تَارَ قِلِثُ شَ فِنّ.

⁴يَيَ نُ عَ قَلَمَ هٍرٌدٍ بّ، «عَ مُ دَشَ عِ شَ يِ فِنّ تٌنفٌ.»

⁵هٍرٌدٍ نُ وَ مَ يَيَ قَشَقٍ نّ، كْنْ عَ نُ فَاشُشِ حَمَ يَ رَ، بَرِ مَ عٍ نُ لَشِ عَ رَ عَ نَمِحْنمّ نَن نُ يَيَ رَ.

⁶نَ تّمُي، عٍ تٌ نُ هٍرٌدٍ بَرِ حّ شُنفبِلٍنيِ شُلُنيِ تِقٍ، هٍرٌدِيَسِ شَ دِ فِنّ نَشَ قَرٍ بٌرٌن مِشِيٍ بّ. عَ نَشَ رَقَن هٍرٌدٍ مَ

⁷هَن عَ نَشَ عَ كَلِ عَ عَ نَ سٍسٍ مَشْرِن عَ مَ، عَ عَ قِمَ نّ عَ مَ.

⁸هٍرٌدِيَسِ شَ مَرَ سِ مَ، عَ شَ دِ نَشَ عَ قَلَ هٍرٌدٍ بّ، «يَيَ شُنشَ شُنيِ سٌ ﭑ يِ رَ ثِلٍتِ مَ.»

⁹مَنفّ نَشَ نِمِسَ، كْنْ عَ شَ مَرَكَلِ نُن عَ شَ شْحّيٍ شَ قٍ رَ، عَ نَشَ يَامَرِ قِ عٍ شَ يَيَ شُنيِ سٌ نَ فِنّدِ مّدِ يِ رَ.

¹⁰عَ نَشَ مِشِيٍ شّي فٍيلِ، عٍ شَ يَيَ شُنيِ بٌلٌن عَ دّ عِ.

¹¹عٍ نَشَ قَ عَ شُنيِ رَ ثِلٍتِ مَ، عٍ عَ سٌ فِنّدِ مّدِ يِ رَ. فِنّدِ مّدِ قَن نَشَ عَ شَنِن عَ نفَ شْن مَ.

¹²يَيَ قْشِرَبِرّيٍ نَشَ سَ عَ قُرٍ تٌنفٌ، عٍ سَ عَ رَفَتَ، عٍ نَشَ سَ نَ دّنتّفّ سَ عِسَ بّ.

¹³عِسَ تٌ نَ قٍ مّ، عَ نَشَ كٍلِ مّننِ كُنكُي كُي، عَ سِفَ عَ كٍرٍنيِ مَ وُلَ عِ. حَمَ تٌ عَ كٌلٌن، عٍ قَن نَشَ كٍلِ عٍ شَ تَايٍ، عٍ سِفَ عَ قْشْ رَ عٍ سَنيِ رَ.

¹⁴عِسَ تٌ فٌرٌ كُنكُي كُي، عَ نَشَ حَمَ فبٍفبٍ تٌ نَا. عَ نَشَ كِنِكِنِ عٍ مَ، عَ عٍ شَ قُرٍ مَيٍ رَيَلَن.

¹⁵نُنمَرٍ تٌ سٌ قْلْ، عِسَ قْشِرَبِرّيٍ نَشَ عٍ مَسٌ عَ رَ، عٍ عَ قَلَ عَ بّ، «وٌن نَ وُلَ نّ يِ كِ، كْي قَن بَرَ سٌ. حَمَ رَيٍنسٍن عَلَكٌ عٍ شَ سِفَ دٌنسٍ سَرَ تَايٍ كُي.»

¹⁶عِسَ نَشَ عٍ يَابِ، «هَلِ عٍ مُ سِفَ. وٌ تَن نَن شَ دٌنسٍ قِ عٍ مَ.»

¹⁷كْنْ عٍ نَشَ عَ قَلَ عَ بّ، «تَامِ فُندِ سُولِ نُن يّشّ قِرِن فبَنسَن نَن نَ مُشُ يِ رَ.»

¹⁸عَ نَشَ عَ قَلَ عٍ بّ، «وٌ قَ نٍيٍ رَ ﭑ شْن مَ بٍ.»

¹⁹عِسَ نَشَ حَمَ يَمَرِ عٍ شَ عٍ مَفٌرٌ نَ حٌوفٍ شِندٍ مَ. عَ نَشَ نَ تَامِ سُولِ نُن نَ يّشّ قِرِن تٌنفٌ، عَ عَ يَ رَتٍ كٌورٍ مَ، عَ قَ عَلَ نُوَلِ سَ. عَ نَشَ تَامِيٍ عِفِرَ، عَ قَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ.

²⁰حَمَ بِرِن نَشَ عٍ دّفٍ هَن عٍ وَ سَ. دٌنسٍ دْنشْي شُنتُنيِيٍ تٌ مَتٌنفٌ، دٍبٍ قُ نُن قِرِن نَن نَقٍ.

²¹مِشِ نَشٍيٍ عٍ دّفٍ، شّمّ وُلُ سُولِ حْندْن نَن نُ عٍ رَ، بَقٍ فِنّيٍ نُن دِ مّيٍ رَ.

²²نَ شَنبِ عِسَ نَشَ عَ قَلَ عَ قْشِرَبِرّيٍ بّ، عَ عٍ شَ بَكِ كُنكُي كُي، عٍ شَ سِفَ عَ يَ رَ نَاكِرِ مَ، عَ تَن شَ نُ حَمَ رَفبِلٍن.

²³عِسَ تٌ فّ حَمَ رَفبِلٍندٍ، عَ نَشَ تٍ فٍيَ قَرِ عَ كٍرٍنيِ مَ، عَلَكٌ عَ شَ عَلَ مَشَندِ. كْي نَشَ عَ لِ نَا، عَ كٍرٍن.

²⁴عَ عَ لِشِ كُنكُي نُ بَرَ مَكُيَ شَرٍ رَ، مْرْنيِيٍ نُ نَ عَ مَبْنبْقٍ كِ قَنيِ رَ بَرِ مَ قٌيٍ يَ نُ رَقِندِشِ عَ مَ.

²⁵سُبَشّ مَ، عِسَ حّرّقٍ بَا قَرِ.

²⁶عَ قْشِرَبِرّيٍ تٌ عَ تٌ حّرّ رَ يٍ قَرِ، عٍ نَشَ فَاشُ كِ قَنيِ. عٍ نَشَ فبٍلٍفبٍلٍ، عٍ عَ قَلَ، «تُبَرِ نَن عَ رَ!»

²⁷كْنْ عِسَ نَشَ عَ مَسٍن عٍ بّ كٍرٍن نَ، «وٌ نَشَ كْنتْقِلِ، ﭑ تَن نَن عَ رَ. وٌ نَشَ فَاشُ.»

²⁸ثِيّرِ نَشَ عَ يَابِ، «مَرِفِ، شَ عِ تَن نَن عَ رَ، يَامَرِ قِ ﭑ شَ سِفَ عِ يِرٍ يٍ قَرِ.»

²⁹عِسَ نَشَ عَ قَلَ عَ بّ، «قَ.» ثِيّرِ تٌ فٌرٌ كُنكُي كُي، عَ نَشَ حّرّ يٍ قَرِ سِفَقٍ رَ عِسَ يِرٍ.

³⁰كْنْ عَ تٌ قٌيٍ بٍلٍبٍلٍ مَتٌ، عَ نَشَ فَاشُ، عَ مَدُلَ قْلْ. عَ نَشَ فبٍلٍفبٍلٍ، «ﭑ مَرِفِ، ﭑ نَكِسِ!»

³¹عِسَ نَشَ عَ بّلّشّ عِتَلَ كٍرٍن نَ، عَ ثِيّرِ سُشُ. عَ نَشَ عَ مَسٍن عَ بّ، «عِ شَ دَنشَنِيَ شُرُن. عِ سِيكّشِ مُنقٍ رَ؟»

³²عٍ تٌ بَكِ كُنكُي كُي، قٌيٍ نَشَ رَشَرَ.

³³عِسَ قْشِرَبِرّ نَشٍيٍ نُ نَ كُنكُي كُي، عٍ نَشَ سُيِدِ عِسَ بّ، عٍ عَ قَلَ، «عَلَ شَ دِ يَتِ نَن لَنشِ عِ مَ.»

³⁴عٍ تٌ فّ بَا عِفِرِدٍ، عٍ نَشَ سٌ فٍنٍسَرٍتِ.

³⁵نَاكَيٍ تٌ عَ كٌلٌن عِسَ نَن عَ رَ، عٍ نَشَ نَ رَبِلِنيِ مِشِ بِرِن نَكٌلٌن. مِشِيٍ نَشَ قَ قُرٍ مَيٍ بِرِن نَ عِسَ شْن.

³⁶عٍ نُ عَ مَيَندِ مَ قُرٍ مَيٍ شَ عٍ بّلّشّ دِن عَ شَ دٌنمَ سَنبُنيِ فبَنسَن نَ. قُرٍ مَ بِرِن نَشٍيٍ نَ رَبَ، عٍ بِرِن نَشَ يَلَن.