1 Makoronike 16

¹Vakauya neareka yaMwari vakaiisa mukati metende rayakanga yagadzirirwa naDhavhidhi, vakapa zvipiriso zvinopiswa nezvipiriso zvokuwadzana pamberi paMwari.

²Dhavhidhi akati apedza kubayira zvipiriso zvinopiswa, akaropafadza vanhu muzita raJehovha.

³Ipapo akapa mumwe nomumwe womudzimai nomurume wechiIsraeri rofu rechingwa, keke romuchero womuchindwe nekeke ramazambiringa akaoma.

⁴Akagadza vamwe vavaRevhi kuti vashumire pamberi peareka yaJehovha, vakumbirire, vavonge uye kuti varumbidze Jehovha, Mwari waIsraeri:

⁵Asafi ndiye aiva mukuru wavo, Zekaria wechipiri, kuchitevera Jeyeri Shemiramoti, Jehieri, Matitia, Eriabhi, Bhenaya, Obhedhi-Edhomu naJeyeri. Vaizoridza mitengeranwa nembira; Asafi aizoridza makandira

⁶uye Bhenaya naJahazieri vaprista vaizoridza hwamanda nguva dzose pamberi peareka yesungano yaMwari.

⁷Zuva iroro Dhavhidhi akapa kwokutanga Asafi navamwe vake pisarema iri rokuvonga Jehovha:

⁸Vongai Jehovha, danai kuzita rake;

⁹Muimbirei, muimbirei nziyo dzokurumbidza;

¹⁰Zvirumbidzei muzita rake dzvene;

¹¹Tarisai kuna Jehovha nokusimba rake;

¹²Rangarirai zvishamiso zvaakaita,

¹³Haiwa, imi zvizvarwa zvaIsraeri muranda wake,

¹⁴Ndiye Jehovha Mwari wedu;

¹⁵Anorangarira sungano yake nokusingaperi,

¹⁶Sungano yaakaita naAbhurahama,

¹⁷Akasimbisa kuna Jakobho somutemo,

¹⁸“Kwauri ndichapa nyika yeKenani,

¹⁹Pavakanga vari vashoma,

²⁰vakadzungaira kubva kuno rumwe rudzi kusvika kuno rumwe,

²¹Haana kutendera munhu kuti avadzvinyirire;

²²“Musabata vazodziwa vangu;

²³Imbirai Jehovha, pasi pose;

²⁴Zivisai kubwinya kwake pakati pendudzi,

²⁵Nokuti Jehovha mukuru uye anofanira kwazvo kurumbidzwa;

²⁶Nokuti vamwari vose vendudzi zvifananidzo,

²⁷Kubwinya nokukudzwa zviri pamberi pake;

²⁸Ipai kuna Jehovha, imi mhuri dzendudzi,

²⁹ipai Jehovha kukudzwa kunofanira zita rake.

³⁰Dederai pamberi pake, imi nyika yose!

³¹Matenga ngaafare, nyika ngaifare;

³²Gungwa ngaritinhire nezvose zviri mariri;

³³Ipapo miti yesango ichaimba,

³⁴Vongai Jehovha nokuti akanaka;

³⁵Danidzirai muchiti, “Tiponesei, imi Mwari Muponesi wedu;

³⁶Rumbidzai Jehovha, Mwari waIsraeri,

³⁷Dhavhidhi akasiya Asafi navamwe vake pamberi peareka yesungano yaJehovha kuti ashumirepo nguva dzose maererano nezvaidiwa zuva rimwe nerimwe.

³⁸Akasiya Obhedhi-Edhomu navamwe vake makumi matanhatu navasere kuti vashumire navo. Obhedhi-Edhomu mwanakomana waJedhutuni naHosa vaiva vatariri vamasuo.

³⁹Dhavhidhi akasiya Zadhoki muprista navamwe vaprista pamberi petabhenakeri yaJehovha panzvimbo yakakwirira muGibheoni

⁴⁰kuti vape zvipiriso zvinopiswa, kuna Jehovha paaritari yezvipiriso zvinopiswa, nguva dzose, mangwanani namanheru maererano nezvose zvakanga zvakanyorwa muMurayiro waJehovha waakanga apa Israeri.

⁴¹Pakati pavo paiva naHemani naJedhutuni navamwe vose vaiva vakasarudzwa namazita kuti vavonge Jehovha, “Nokuti rudo rwake runogara nokusingaperi.”

⁴²Hemani naJedhutuni vaiva nebasa rokuridza hwamanda namakandira uye nokuridza zvimwe zviridzwa parwiyo rutsvene. Vanakomana vaJedhutuni vakaitwa vatariri vamasuo.

⁴³Ipapo vanhu vose vakabvapo, mumwe nomumwe akaenda kumba kwake, uye Dhavhidhi akadzokera kumba kwake kundoropafadza mhuri yake.