Rom 3 — Pathien Lekhabu Inthieng Chongtung Thar | Bíblia online

¹Hanchu, Juda mi ni hah Jentail mingei nêkin imo chungtuorna aom uola? sertan khom imo asena aom?

²Lamtina asena aom ok! Amotontaka chu Pathien chongngei hi Judangei chunga juong mintung ani.

³mi senkhatin taksônna dônloi ngei ha inmo an ni rang? an taksôn loina han Pathien taksôn omna hah an minboi thei rang mini?

⁴3:4: Lap 51:4Nitet mak! mi murdi milak ni riei khomrese ngeia Pathien chu dik tit atih, Pathien lekhabu'n,

⁵Ei dikloina ngei hin Pathien dikna a min lang thei aninte i angin mo ei mindon? Pathien'n mi sepna a pêk inte a minchâi ei ti thei rang mini? (Miriem balama ki ril ani).

⁶Nitet mak! ha anghan nirese, Pathien'n i angin mo rammuol roi a jêk thei ranga?

⁷Aniatachu, adikloi ki nina hin a roiinpuina rang Pathien dik tie ânlang thei uolin te i rangin mo kei khom dikloia bên ka la om ranga?

⁸Mi senkhatin, “Asa ahong suok theina rangin asie lei tho rei u,” a ti, tia min rilsiet anga han ei tho rang mini? ha mingei ha chu theiloi intum ruopiel an ni.

⁹Hanchu, eini Judangei hih Jentailngei nêkin ei sa uol bak mini? nitet mak! Judangei le Jentialngei nunsie suoka om zit ei ni ti ki ril suozoi.

¹⁰3:10-12: Lap 14:1-3; Lap 53:1-3 Pathien lekhabu'n,

¹¹Tute mivâr reng ommak ngei, tute Pathien a rok reng ommak ngei,

¹²Pathien renga an pêt suo zoia,

¹³An rôl chu thân in-ong ania,

¹⁴an bâi hah khomâksâmna le chongkhân asipa,

¹⁵an ke hah thisen min suok rangin kal achôi ânranga;

¹⁶an lampui chu inmangna le jâmzalna asipa.

¹⁷Inngêina lampui reng riet mak ngei,

¹⁸an mitmua Pathien china reng om riek mak,” tia inziek anghan.

¹⁹Balam chongngei chu Balam nuoia omngei chunga mang rang ani ti ei riet, tutên ite an ti theiloina rangin le rammuol pumpui hi Pathien roijêkna nuoia aom theina rangin.

²⁰3:20: Lap 143:2; Gal 2:16Masikin Balam jôm mindik sikin tute Pathien makunga dik intum theiruo nimak Balam chu miriem sietna inrietna mang kêng ani.

²¹Atûn chu Pathien'n miriemngei dik a mintum lam a juong minlang zoi. Balamin ite atho rang ommak, Moses Balam le Dêipungeiin rietpuipu lei ni senla ngei khoma.

²²Jisua Khrista an taksônna sikin Pathien'n mi thei a min chang ani, tukhom a iem murdi chu inteina reng ommak. 3:22: Gal 2:16

²³Mi murdi'n nunsie an tho zita, Pathien sanminjôkna hah an chang thei khâiloi ani.

²⁴Nikhomsenla, Khrista Jisua râtanna jârin Pathien'n a moroina sik vaiin ke mi a manboiin thei a min chang zoi.

²⁵Hanchu song rang mo ei dôn? dôn makme, itho sikin mo? balam jôm sika mini? nimak, iemna sika kêng ani.

²⁶Masika han miriem hi Balam jôm sika Pathien kôm adik a chang niloiin, taksônna sikin kêng mîn dik an chang tiin kin min mong ani.

²⁷Pathien chu Judangei ta rang uol mini? Jentailngei ta khom ani loi mini? O, ani sa.

²⁸3:30: Bal 6:4; Gal 3:20 Pathien chu inkhat ania, Juda sertanngei chu an taksônna sikin thei min chang ngei a ta, sertanloi Jentailngei khom an taksônna sik nanâk han thei min chang ngei atih.

²⁹Hanchu taksônna ei misîr uol sikin Balam hah mangmunboia ei dar rak rang tina mini? Ni uol mak, Balam hah ei mindet ani.