Luke 2 — Pathien Lekhabu Inthieng Chongtung Thar | Bíblia online

¹Malâiahan, Rêng Caesar Augustus Rom sorkar ramop murdi riming miziek rangin chong a pêka.

²Hi intelnapui motontak hi syria rama Kuirinius governor chang lâitak ani.

³Mitinin anni khopui chita riming miziek rangin an sea.

⁴Hanchu, Bethlehem'a an om lâitakin nâi nei zorân a hong de zoia.

⁵Nâilutîr pasal a neia, puon leh a thoma, khuol tung in an keng khâiloi sikin sa bukhênga a min jâl zoi.

⁶Ma rama han, belrihôlngei jâna an belri ngâkin rajâia an oma.

⁷Pumapa vântîrton a juong inlâra, Pumapa roiinpuina vârin a êla, rolo innîkin an chia.

⁸Vântîrtonin, “chi no roi, Thurchisa râisân omtak ninta rang le mitin ta rang ku juong mintung kêng.

⁹Avien hin David khopuia Minringpu, Pumapa Khrista a suok zoi.

¹⁰Sîn nin tho theina rang chu, nâitesen, puona thom sakhênga jâlin mûng nin tih,” a tia.

¹¹Harenghan, vântîrton kôma han, invân râlmingei tamtak an juong oma, Pathien an minpâka.

¹²“Invân Ânchung taka Pathien Roiinpui rese.

¹³Hanchu, vântîrtonngeiin an mâk ngei lechu, belrihôlngei han, Pumapa'n mi ril, neinun juongtung a en rangin, Bethlehem'a se ei ti u, an tia.

¹⁴Hanchu, an se laia, Mary le Joseph le sakhênga jâl nâite hah an va mua.

¹⁵Vântîrtonin, nâite chungroi ai rilngei hah belrihôlngeiin an ril ngeia,

¹⁶a riet ngei murdi'n kamâm a om tatak an tia.

¹⁷Mary'n ha chong ngei hah a mulungrîla mindonin a vong tita.

¹⁸Vântîrtonin a rilngei lam takin jâttinrêng an va mua, an riet sikin Pathien minpâk pumin an kîr nôk zoi.

¹⁹Hanchu sertan rang ni sûn riet a hong chukin chu, sûnga a om lâia vântîrtonin ai phuo sai, a riming, Jisua an phuo zoia.

²⁰Moses balam chongpêk angin minthieng rang ni ahong chukin chu, Joseph le Mary'n an nâite Pumapa kôma minlang rangin Jerusalem Biekina an hong puia.

²¹Balam lekhabua, “Nâilutîr pasal kai chu Pumapa ta rang ani,” itia ânziek anghan.2:23: Jôk 13:2,12

²²Pumapa balam anghan vasu bop khat mo, pharvali bop khat mo, an pêk sa rang ani. 2:24: Och 13:2,12

²³Ma zora han Jerusalema a riming Simeon an ti a oma, ha mi hah mi sa, Pathien minlut mi tak ania, Isreal jôk rang ni ngâkin, a chunga Ratha Inthieng a oma.

²⁴Pumapa chonginkhâm, Messiah a mu mâka thi no nih, itia inkhâm ani.

²⁵Ratha ruoiin Simeon hah Biekina a sea. Balam anga achunga sin rangin a nû le a pa'n nâite Jisua, Biekina an hong puia.

²⁶Simeon'n nâite a poma, Pathien kôm râisânchong a rila;

²⁷“Pumapa, atûn chu no chongkhâm angin,

²⁸Ki mit lelên na sanminringna a mu zoi,

²⁹Mitin mu ranga ni mintuo hah.

³⁰Nu lungdo, Jentailngei kôma inlang rang vâr le2:32: Isa 42:6; 49:6; 52:10

³¹Nâite chungroi Simeon'n ai misîr hah a nu le a pa'n an kamâm sabak ani.

³²Hanchu Simeon'n, sat a vura, a nu Mary kôma, “Hi nâite hih Pathien ithang, Isreal lâia mi tamtak inmangna rang le jôkna rang ani. Pathien sînthona mi tamtak ngei makhal rang nîng a tih.

³³Mi mindonna inthup minlang a ta, khandai angai angin ngâisietnân na mulung sunkhoi a tih,” a tipea.

³⁴Ma zora taka han a hongtunga, Pathien kôm râisânchong a rila, Jerusalem jôkna ranga Pathien lei ngâk ngei kôma khom nâipang Jisua thurchi a misîr pe sa zoi.

³⁵Pumapa balam chongpêka, an thotum an tho zoiin chu Joseph le Mary hah Galilee rama, an khuo Nazareth'a an kîr nôk zoi2:39: Mat 2:23.

³⁶Hanchu, nâite hah a hong liena a hong rât tira, vârnân a sipa, Pathien satvurnangei a chunga a oma.

³⁷Kumtin, Jisua nû le pa Kalkân kût mang rangin Jerusalema an se ngâia.2:41: Jôk 12:1-27; Bal 16:1-8

³⁸Jisua hah kum sômleinik a hong nîn chu, kûta an hong se puia.

³⁹Kût aheka anîn chu an juongkîr pui nôka, ania Jisua chu Jerusalema ala châma, a nû le a pa lakin riet mak ngeia.

⁴⁰A lômngei lâia se nîng a tih, tiin an mindona, sûnkhat lam an se suoleh, a ruolngei le an sûngsuokngei kâra an rok titira,

⁴¹anitachu, mu mak ngeia, a rok rangin Jerusalema an kîr nôka.

⁴²A sûnthum nin chu, Biekina Juda minchupungei kôma insungin, an chong rangâi le chong rekelin an va mu zoia.

⁴³A vâr taka a chongthuon lam a riet murdi'n an kamâma,

⁴⁴A nû le a pan an va mûn chu an kamâma, a nûn a kôma, “Nâia khoithomo hi anga mi no tho, kângdoi takin na pa leh nang kin lei rok bang kêng ani zoi” a tipea.

⁴⁵“Ithomo minin rok? Ka Pa ina ko om rang hih nin riet loi mini?” tiin a thuona.

⁴⁶Hannisenla a thuonna hah a mindona chang riet mak ngeia.

⁴⁷Hanchu, an kôm Nazareth'a a sea, an chong jômin a oma, a nûn chu neinun omtie ngei nâm a mulungrîla a vong tit ani.

⁴⁸Hanchu Jisua hah taksa tieng le vârna tieng a hong insôn tir tira, Pathien le miriem mitlûtin a hong om tir zoi.2:52: 1 Sam 2:26; Chvr 3:4