Galatia 1 — Pathien Lekhabu Inthieng Chongtung Thar | Bíblia online

¹Paul, Miriem renga niloi, miriem jâra khom niloi, Jisua Khrista le thina renga kaithoipu Pathien jâra tîrton keima.

²Male ko ompui sûngsuokngei nâmin Galatia taka om koiindangngei chibai nangni an muthuon;

³Pa Pathien le ei Pumapa Jisua Khrista renga moroina le inngêina nangni pêk rese.

⁴Atûnlâi rammuol sietna renga Khrista'n mi kêlsuo theina rangin, ei Pathien le ei Pa lungdo jômin, ei nunsie sikin ama ânpêk zoi.

⁵Pathien kôma inlalna tuonsôtin om rese, Amen.

⁶Khrista moroina jâra nangni koipu hah irang mo inrangtaka nin mâka, Thurchisa dang nin ipom hih nangni ka kamâm.1:6 Khrista moroina jâra; miziek senkhat ngeia chu ama moroina sikin,

⁷Maha thurchisa adang viek ni uolma, mi senkhatngei hin nangni minjêlin Khrista thurchisa thûl an bôk kêng ani.

⁸Nikhomsenla, keinin mo, invân renga vântîrton khomin mo thurchisa dang an misîr duoiin chu meidîla rang theiloiintumin om rese.

⁹Motona kin ti anghan kin ti nôk, nin pomsa thurchisa hah niloia thurchisa dang nin kôm juong misîr an omin chu, ama hah meidîla rang theiloiintumin om rese.

¹⁰Keiman atûn hin miriemngei pomna zong mo kini? Nitet mak! Keiman ka nuom chu Pathien pomna kêng! Miriem riming inthangna rang rok ka la nîn chu, Khrista tîrlâm ki ni loi rang ani.

¹¹Ma anghan, sûngsuokngei, thurchisa nangni ki ril hah miriem tienga chong ni mak iti nangni minriet rong.

¹²Miriem kôm renga ka man ni maka, tute mi minchu khom ni mak. Mahah Jisua Khrista'n ko kôm lelea ânlâr ani.

¹³Juda sakhuo balama kênpêk lâia ko om lam hah nin riet; Pathien Koiindangngei lungkhamna boiin dengminthei ngeia, theidôra minmang ngei rang bôkin ke lei oma.1:13: Sin 8:3; 22:4,5; 26:9-11

¹⁴Hanchu, ki richibulngei chong mâk chunga kênpêk uol ngâi sikin Juda balama ki sinthona han ki richingei lâia ka ruolngei tamtak chu ke khêl ani.1:14: Sin 22:3

¹⁵Hannirese, Pathien'n a moroinân ka nu vonsûnga ko omlâi renga mi thangsai, a sin tho rangin milei koi ani.1:15,16: Sin 9:3-6; 22:6-10; 26:13-18 Male ama'n mi mindon ha,

¹⁶Jentailngei lâia Thurchi Sa ki misîr theina ranga a Nâipasal ko kôma ânlâr han tute rekel loiin;

¹⁷Jerusalema ko motona tîrton lei changngei kôm khom se khâi loiin, Arab rama ke se kelena, masuole Damascus'a ko hongkîr nôka.

¹⁸Hanchu, kum thum suole chu, Peter kôm roi ngei riet rangin Jerusalema kava sea, a kôma hapta nik ka va oma.1:18: Sin 9:26-30

¹⁹Ania, Pumapa lâibungpa Jacob1:19 Jacob telloi chu tute tîrton dangngei; aninônchu tute tîrton dang ngei; midang ku mu chu Jacob vai ani. telloi chu tute tîrton dangngei mu mu-ung.

²⁰Nin kôma chong ki miziek hih adik ani. Milak tho mu-ung iti Pathien'n a riet.

²¹Masuole han Syria le Cilicia ramhuol sûnga ke se zoi ani.

²²Ma zora han Judea rama Koiindangngeiin ke mêl la riet mak ngeia;

²³“Motona mi esêlpu le iemna ahong minboi phar rang bôk ngâipu han atûn hin chu taksônna chong kêng a misîr zoi” ti mi misîrna vai an riet.

²⁴Ma anghan, keima sikin Pathien an minpâk zoi.