Sinthongei 2 — Pathien Lekhabu Inthieng Chongtung Thar | Bíblia online

¹Pentecost ni ahong tungin chu iempungei hah anrêngin mun khata an intûpkhôma.

²Inningloi rengin invân renga phâivuopui angati rahang ajuong tung zuta, an insungna in hah ajuong sip zita.

³Melei anga om meidon insem inzarin an mua, an chunga achuong chita.

⁴Anrêngin Ratha Inthiengin an sip zita, Ratha'n a min chong ngei angtakin chong dangin an chong zoia.

⁵Hanchu muntin renga hong Juda sakhuo mingei jerusalema an châma.

⁶Ma rahang hah an rietin chu, mi tamtak an hong intûpa, mitinin iempungei chong hah anni an chong chit angin an riet sikin an mulung sûnga an kamâma.

⁷an mulung ajînga, kamâmruoi khom an ti oka, “En ta, hi a chongngei murdi hih Galilee rama mi nimak ngei mo!

⁸I angin mo ei rêngin ei inzirpui chong ang chita ei riet thei hih?

⁹Senkhat Parthia mi, Media mi, Elam mingei ei nia, senkhat Mesopotamia rama om, Judea rama om, Cappadocia ram, Pontus le Asia rama om,

¹⁰Phrygia le Pamphylia ram, Egypt le Libya rama Cyrene khuo kôl revêla omngei ei nia, senkhat Rom khuo renga hong,

¹¹Judangei le Jentail Juda lei minchang ngei ei nia, male senkhat Crete tuihuol mi le Arabia rama mi ei nia; Hankhoma, Pathien sintho roiinpui ngei an misîr, ei inzirpui chong ang chita ei riet hih!” an tia.

¹²Anrêngin a mindona chang riet loiin kamâm aruoi an tia, “Hi ngei hih inmo anni rang?” tiin anni le anni an inrekela.

¹³Hannirese senkhatin chu iempungei hah, innuinân an manga, “Hi mingei hih uain inrûi kêng an ni!” an tia.

¹⁴Hanchu sômleikhat ngei leh Peter hah an indinga, mipui lâia han inringtakin chongril aphuta, “Nangni Judea rama mingei le jerusalema ompu murdi ngei, ko chongril hih rangâi ungla male mahi imo aomzie nangni lei ril rong.

¹⁵Hi ngei hih nin iem lam angin inrûi mak ngei, atûn hin jîng dâr kuo vaikêng ala ni.

¹⁶Hi roi hih Dêipu Joel'n a lei ril hah ani.

¹⁷‘Pathien'n sûn nûka chu hi anghin la tho ki tih;

¹⁸Ani, ma nikhuo ngeia hanchu ki

¹⁹Chungtieng invâna sininkhêlngei

²⁰Nisa jîng a ta male tha thisen anghan sen atih;

²¹Hanchu, tukhomin Pumapa riming ralam murdi chu sanminringin om an tih.’

²²“Nangni Israel mingei hi chongngei hih lei rangâi roi! Nangni rengin nin riet anghan, Nazereth Jisua hah Pathien'n nin lâia sininkhêl, kamâmruoi le sinthona ngei nangni a min riet ani.

²³2:23: Mat 27:35; Mk 15:24; Luk 23:33; Joh 19:18 Jisua hah Pathien jêklam le mintuo lam angtakin an sûra, nangnin mi nunsie ngei kuta bângin khrosa jêmdelin nin thata.

²⁴2:24: Mat 28:5,6; Mk 16:6; Luk 24:5 Aniatachu Pathien'n thina sinthotheina renga mojôkin, ama hah thinân asûr chien thei loi sikin a kaithoi zoi.

²⁵2:25-28: Lap 16:8-11 (LXX) David reng khomin a chungroi hi anghin a rila,

²⁶Masikin râisânnân ki sipa,

²⁷Masikin ka ratha hi mithi khuoa mâksan no ti nia,

²⁸Nangman ringna lampuingei mi ni min mua;

²⁹“Ka champuingei, ei richibul Rêng David roi hah hâitakin nangni ki ril. Ama hah a thi zoia, male an phûma, a thân khom atûnten ei kôla ala om tit.

³⁰2:30: Lap 132:11; 2 Sam 7:12,13Ama hah Dêipu ania, a ruthûl rangin tumakhat Pathien'n David richisuonpârngei lâia rêngin la phun rangin ânkhâm ngit ti a rieta.

³¹Pathien'n sûnmotona sin a tho rang tie David'n a lei riet piel sikin Khrista inthoinôk rang chong misîrin,

³²Hima Jisua hih Pathien'n thina renga a kaithoinôk zoi ti chong hih keini reng hi rietpuipungei kin ni.

³³Pathien changtieng chôiminsâng ani zoia, a Pa kôm renga Ratha Inthieng leikhâm hah a changa, atûna nin mu le nin riet hi ei chunga ajuong vur ani hih.

³⁴2:34,35: Lap 110:1 David hah ama lelên invâna kal maka,

³⁵Keima'n na râlngei murdi ne kepha sirna nuoia ka dar mâka a ti, a tina kêng ani.’

³⁶“Hanchu, Jisua nin jêmdelpu hah Pathien'n Pumapa le Khrista aminchang ngêt tih Israel mi murdi riet ngêt rese ngei a tia.”

³⁷An chong riet han an mulungrîl atôka, Peter le tîrton dangngei kôm han, “Lâibungngei, imo kin tho rang ani zoi?” an tia.

³⁸Peter'n an kôm, “Nin sietnangei ngâidam anina rangin insîr ungla, Jisua Khrista rimingin Baptis chang pak roi, hanchu, Pathien manboiapêk Ratha Inthieng hih chang nin tih.

³⁹A khâm hih nangni le nin nâingei le ram lataka mi murdi ngei rang le Pumapa Pathien'n a kôma a koi ngei nâm ani,” a tia.

⁴⁰Peter'n Chong dang tamtakin a ril minthâra; male atûnlâi ruolthar saloi ngei renga hih jôk roi, tiin a ngêna.

⁴¹A chong a pom ngei murdi baptis an changa, ma nikhuo han mi isâng thum an inbôk sa zoi.

⁴²Tîrtonngei kôm inchûn, inlopkhômna inchelin bu khalâi ot inlopkhômna inchelin le chubaitho ningsiet takin an oma.

⁴³Tîrtonngei han sininkhêl kamâmruoi tamtak an tho sikin mitinin an rin ngei zoia.

⁴⁴2:44: Sin 4:32-35 A iempungei murdi chu inlopkhômin an neinunngei murdi an minchun zoi.

⁴⁵An rochonngei an neinunngei murdi juorin an nâng dungjûiin inmang inlômin an insem ngâia.

⁴⁶Anîngtin mulung munkhatin Biekina an inkhôm ngâia an in tieng khom râisântak le mulungchuktakin bu khalâi an ot ngâi.

⁴⁷Pathien an minpâka, mi murdi râisân lamin an oma. Hanchu, Pumapa minringa hong om tîr ngei chu anîngtin an lôm rangin a hong bôk pe bang ngâi ani.